ISAI 9:19 - Pathien Lekhabu Inthieng (BSI)

¹⁹ Sipaihai Lalpa lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

ISAI 9:19 ပူးပေါင်းရင်းမြစ်များ

ISAI 1:31

Chun, mi hrâttak chu ziza pawn ang ni tâng a ta, a sinthaw chu meisi ang ni tâng a tih; chuongchun, kâng rêl an ta, tukhawma sukrêm naw ni hai,” tiin.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 13:13

Chuongchun, vân khi sukthin ka ta, sipaihai Lalpa lunginsen leiin; a lunginsenna nasatak nia chun, hnuoi khawm hi a umna hmun sawn dawr khawpa sukhnîngin um a tih.

ISAI 13:18

An thalngulhai chun tlangvâlhai chu suknâwi a ta; mi rîla ra lunginsietna hrim hrim nei naw ni hai a; an mit chun naupanghai khawm hla naw nih.

ISAI 13:9

Ngai ta, ram sukbohmang ding le chutaka mi suolhai chu a sûnga inthawka sukbohmang dingin Lalpa ni chu nasatakin lunginsenna le lunginthakna nasatak leh a hung tlung ding a nih.

ISAI 24:6

Chuleiin, ṭawngsie inphurnain hnuoi a fâk zo a, a umhai chu thiemnaw inchangtirin an um tah; chuleiin, hnuoia umhai chu an kâng hlum a, mi tlâwmte chau an um tah.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 3:5

Chun, mihai chu innêksâwrtuoin um an ta, mi tin an ruolhai leh, mi tin mâni tuolbâwmhai leh, naupang chu upa chungah chapotakin um an ta, mi setak khawm mi inzaumtak chungah chapotakin um bawk an tih.

ISAI 33:14

Ziona mi suol umhai chun an ṭi a; Pathien inza naw mihai chu inthinnain a man ta a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 4:4

Lalpain rorêlna thlarau le kângna thlaraua Zion naunuhai inthieng nawna chu a sâwpfai hnung le Jerusalem thisen chu a sûnga inthawka a sâwpfai hnunga chun.

ISAI 42:25

Chuleiin, a lunginsenna nasatna le inthawna ṭha chu an chungah a bunthlâk a; chuongchun, anni chu a raw vêl a, nisienlakhawm, an lungrilin an ngaituo si nawh.

ISAI 5:24

Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawnna angin um a ta, an pâr chu pilvut angin intung lui lui a tih; sipaihai Lalpa dân chu an dit naw a, Israelhai Mi Inthieng thu chu an ngainêp leiin.

ISAI 5:30

Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lunginzingna ruok nîng a tih, var hlak chu chutaka sûmahai chun sukthimin a um a.

ISAI 60:2

Ngai ta, inthimin leihnuoi hi ân khum ding a ni si a, inthim sâmupin mihai ân khum bawk ding a nih: nisienlakhawm, Lalpa chu i chungah hung suok a ta, a ropuina chu i chungah lân lang a tih.

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

EZEKIEL 20:47

chun, Sim rampui kuoma chun, ‘Lalpa thu hi lo ngai la, Lalpa Pathien chun hieng hin a ti a nih: Ngai ta, i sûnga hin mei sêm ka ta, i sûnga thing hring tinrênghai chu kâng hmang a tih, thing ṭâwl tinhai le chun, chun, meichawk lai mei chu rêm el naw ni a, simtienga inthawka hmârtieng pang po po kâng a tih.

EZEKIEL 9:5

Chun, mi dang kuoma khawm keia hrieta chun, “Ama hnunga chun khawpui chu va fang la, va sukhlum rawh; i mitin hla naw sienla, lunginsietna nei bawk naw rawh;

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasatak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

JOEL 2:3

An hmatieng chu meiin a kâng fai a, an hnungtieng meichawkin a hlieu bawk a; an hmaa ram chu Eden huon ang a nih; an hnungtieng chu thlalêr ram ṭâwl a nih, iengkhawmin chuong chu an pumpel ta nawh.

LEVI DÂN 26:26

In ifâk tak bei ka sukchatpêk pha cheu chun, nuhmei sâwmin urna pakhatah ur an ta, in bei chu bûk chie peiin pe nâwk an ti cheu; fâk chu fâng in ta, khawp chu khawp naw ti niu.

AMOS 5:18

Lalpa ni dittuhai, in chung a rik ie! Iengdinga Lalpa ni chu in dit am a na? Var ni lovin inthim a ni lem.

OBADIA 1:18

Jakob sûnghai chu mei nîng an ta, Josef sûnghai chu meichawk nîng an tih. Esau sûnghai chu bupâwl ding nîng an ta, anni lai chun chawk an ta, kâng hmang vawng an tih; Esau sûnghai chu a mahla hrim um naw ni hai; Lalpa chun a ti ta si a.

MIKA 7:2

Pathien ngaisak mi chu hnuoia inthawk hin an bohmang a, mihriem lai hin mi indiktak hrim an um nawh; thisen insuo dingin an inchân vawng a, mi tinin mâni unau chu lênin an ve a nih.

MIKA 7:6

Naupa chun pa hming a suksiet a, naunu chun a nu a do a, moin a tarpi a do si a; mihriem hmêlmahai chu ama sûnghai ngei an nih.

ZEKARIA 11:6

Ram hluotuhai chu ka lunginsiet ta naw ding a ni si a, Lalpa chun a tih; nisienlakhawm, en ta, mihai chu, mi tin el chu mâni tuolbâwmhai kutah pêng ka ta, an lalhai kuta leh; chun, ram chu thâwng an ta, an kuta inthawk chun anni chu sansuok naw ningah,”tiin.

ZEKARIA 11:9

Chun, kei chun, “Châwm ta naw ning cheu, a thi thi chu thi sienla; pei thlâka um um chu pei thlâkin um sienla; a la damhai khawm chun anni le anni sa chu infatuo raw hai seh,” ka ta.

MALAKI 4:1

Sipaihai Lalpa chun a tih, “Ngai ta u, ni chu a hung tlung a, rawtuina thuk angin a chawk si a; chapotaka thawtuhai po po le, khawhlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr lovin.

MATTHAI 27:45

Chun, nisa indinga inthawka zânbu suong pha chenin khawvêl a hung inthim ta vawng a.

THILTHAWHAI 2:20

Nisa inthimin inchang a ta, Thla thisenin inchang a ta, Lalpa ni ropuitak le hming inthangtak chu A hung tlung hma chun;

2 PETER 2:4

Vântirkohaiin thil an suksuol lai khan Pathienin a hla naw a, hremhmunah a pei a, rorêlpêk dinga khêk dingin khur inthimah a khum lem si a.