ISAI 9:14 - Pathien Lekhabu Inthieng (BSI)

¹⁴ Chuleiin, Lalpa chun Israelhaia inthawk chun a lu le a mei, intûm kau le thielkuong ni khat thilah sawk tâwl a tih.

ISAI 9:14 ပူးပေါင်းရင်းမြစ်များ

ISAI 10:17

Chun, Israelhai êntu chu mei dingin nîng a ta, an Mi Inthieng chu meichawk dingin ni bawk a tih: chu chun ni khat thilah a hlohlingneihai le a buorhai chu sukkângin sukbohmang a tih, hmawlin thing ni lo mihriem ân let lem ang elin maw!

ISAI 19:15

Aiguptahai dingin luin amanih, meiin amanih, intûm kauin amanih, thielkuongin amania thawpêk thei um ta bawk naw nih.

ISAI 30:13

hi khawhlona hi nangni ta ding chun lung bang insângtak a se lai, chim vâng vâng, pâwng pûr, kârlova, mitkhapkârlova se rup ding ang hi a ni ding a nih.

JEREMIA 6:21

Chuleiin, Lalpa chun hieng hin a tih: Ngai ta, hi hnam hmaa hin tlûkna lunghai chu sieng ka ta, chuong chunga chun pahai le naupasalhai chu insuithlu hmunkhat an ta; tuolbâwm le a ruol khawm chu bohmang bawk an tih.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

ṬAP HLA 4:16

Lalpa lunginsenna chun anni chu a ṭhe a, ngaisak nâwk ta naw ni; Thiempu mi nina chu an inza naw a, upahai khawm an ditsak bawk nawh.

HOSEA 1:4

Chun, Lalpa chun a kuomah, “A hmingah Jezreel sak rawh; Jezreel thisen phuba chu Jehu sûnghai chungah lâng ka ta; Israel sûnghai ram chu suktâwp ka tih.

HOSEA 1:6

Chun, nau a vawn nâwk a, naunuhmei a nei a. Chun, a kuomah, “A hmingah Lo-ruhama sak rawh; Israel sûnghai chu ka lainat ngai ta naw ding a nih, ka ngaidam vak ta âwm si naw a.

HOSEA 1:9

Chun, Lalpa chun hieng hin a ti a, “A hmingah Lo-ammi sak rawh, nangni hi ka mihai in ni si naw a; chun, kei khawm in Pathien ni naw ning,” a ta.

HOSEA 10:15

I rîtlona nasatak leiin, Chuong ang chun Bethel chun thâwng a ti che; Israel lal chu vârṭien laiin sukbohmangdêr nîng a tih.

HOSEA 13:3

Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

HOSEA 4:5

Sûna chun tlûng i ta, zâwlnei khawm chu i kuomah zânah tlûng a tih; I nu khawm sukbohmang ka tih.

HOSEA 8:8

Israelhai chu lem zoin an um a nih, Bêl, a sûnga lâwmna um lo angin tuhin hnam dang laia chun an um a nih.

AMOS 3:12

Lalpa chun hieng ang hin a tih. “Berâmpu chun sakeibaknei baua inthawkin ke pahni amanih, nakâwr hlek amanih a sansuok angin, chuong angin Samari khuoa khum kila le khum tuktulungêk puon phan lukham chunga Israel nau umhai chu sansuok a tih.

AMOS 6:11

Ngai ta u, Lalpa chun thu a pêk si a; chun, in lien chu chim rem rum a ta, in chîn khawm chu kak hek huk bawk a tih.

AMOS 7:17

chuleiin, Lalpa chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheilovin, Israel chu a rama inthawkin salah ṭhuoi hmang an tih,’ tiin,” a dawn a.

THUPUONGSUO 18:10

sawisakna ṭi leia hlataka ngîrin, Babulon khaw ropui, khaw det chu a chung a rik, a chung a rik! Dârkâr khat chauah i chungah rorêlna chu a hung tlung ta si,” an ti a.

THUPUONGSUO 18:17

Dârkâr khat chauah sum chuong zozai chu teplo a lo ni ta hi,’ tîng an tih.

THUPUONGSUO 18:8

Chuleiin, ni khat sûngin a hremna hri dâm, lungngaina dâm, ṭâm dâm chu hung tlung vawng a tih; meia rawhmangin um bawk a tih; a rorêltu, Lalpa Pathien chu a hrât si a.