ISAI 9:13 - Pathien Lekhabu Inthieng (BSI)

¹³ Nisienlakhawm, mihai chun anni vawtu tieng chu an ngha chuong si naw a, sipaihai Lalpa chu an zawng chuong bawk nawh.

ISAI 9:13 ပူးပေါင်းရင်းမြစ်များ

2 CHANCHIN SUINA 28:22

Chuongchun, hi lal Ahaz hi, a lunginzîng hun laia khawm chun Lalpa chungah a bawsiet zuol det pei a.

JOB LEKHABU (THE BOOK OF JOB) 36:13

Nisienlakhawm, chuong lungrila Pathien ngaisak nawhai chun lunginsenna an khâwlkhâwm a, Anni a khuop pha khawm ṭhangpuina ngênin an khêk nawh.

ISAI 1:5

Iengdinga hel zuol deu deu a, vuoka la um rawp ding am in ni a? Lu chu a pumin a na a, lungril khawm chu a pumin a châu tah.

ISAI 19:15

Aiguptahai dingin luin amanih, meiin amanih, intûm kauin amanih, thielkuongin amania thawpêk thei um ta bawk naw nih.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 31:1

Aigupta rama ṭhangpuina zawnga zu fe a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israelhai Mi Inthieng tieng en si lova, Lalpa khawm râwn si lohai chu an chung a rik ie!

ISAI 57:17

A duâm khawhlona leiin ka lunginsen a, ka vuok a, ka hmai ka hip a, ka lung a sen a nih; ama hlak chu a lungril um dân pângngaihaiah kâwmâwtakin a um pei a.

ISAI 7:20

Chu nia chun Lalpain rêpvâw haw, Vadungpui khêl rama, Assuria lal um chu hmangin, lu le ke hmul chu mêt fai a ta, khâk hmul khawm mêt fai vawng a tih.

JEREMIA 15:7

Chu ram dai kawtkhârahai chun anni chu hmaizâpin ka zâp a; an nauhai chu ka lâk hmangpêk tâwl a; ka mihai chu ka suksiet ta a; an lampuihaia inthawk chun an lamlêt chuong nawh.

JEREMIA 29:11

In ta dinga ka remruotnahai chu ka hriet si a, Lalpain a tih, in sietna ding ni lovin in ṭhatna ding le hmatienga beiseina pe ding cheua ka remruotnahai chu.

JEREMIA 5:3

Aw Lalpa, i mit chun thudik chu a hmu a ni naw am a nih? Anni chu i vuok a, amiruokchu, an lungngai naw a; anni chu i fâk zo a, anachu, sukdikna chu an dangkîr si a, an hmêlhai chu lungpui nêka ngarin an siem a, hungkîr chu an nuom naw a nih.

EZEKIEL 22:24

“Mihriem naupa, amanu kuoma chun hril la; Ram thienglo le, lunginsenna nia a chunga ruo tlâk nawna ang chu i nih, ti rawh.

EZEKIEL 24:13

I pawrchenaa chun hurna a um a; ka sukfai che a, sukfaia i um naw leiin, i pawrchenaa inthawkin sukfai ni ngai ta hrim hrim naw ti ni, ka lunginsenna hi i chunga ka suklungâwi hmakhat chun.

DANIEL 9:13

Mosie Dâna ziek a ni angin hieng thil ṭha naw po po hi kan chungah a hung tlung a nih; chuong khawm chun, i thudik chu chîktaka ngaituona nei ding le kan rîtlonahaia inthawka inher hmang dingin Lalpa kan Pathien ditsakna chu kan hni chuong naw a.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

HOSEA 7:10

Israel chapona chun ama thiemnawzie ân hriettir a, Nisienlakhawm, hieng po poa khawm hin, Lalpa an Pathien tieng chu an ngha naw a, Ama chu an zawng bawk nawh,

HOSEA 7:16

An ngha kîr a, Achunghnungtak kuomah ni lovin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

AMOS 4:10

“Aigupta ram angin nangni lai hripui ka tir a, kâwlhnâmin in tlangvâlhai chu ka that ta a, in sakawrhai ka ṭhuoi hmang tah a nih; chun, in sipai hmun rimsie chu hnâra innam khawpin kân umtir a, chuong khawm chun ka kuomah in hung kîr nawh,” Lalpa chun a tih.

AMOS 4:6

“Chun, kei khawma in khawpui po pohaia ha faina le in hmun po pohaia tlâksamna ka pêk cheu a, chuong sa khawm chun ka kuomah in hung kîr naw a,” Lalpa chun a tih.

ZEPHANIA 1:6

Lalpa zuinaa hnungkîrtuhai le, Lalpa chu zawng ngai lo a, ama chanchin khawm indawn ngai lohai chu sukbohmang ka tih.”

DÂN PAHNINA 4:29

Nisienla khawm, chutaka khawm chun Lalpa in Pathien chu in zawng a, in lungril po po le in lungvar po poa in zawng chun hmu nâwk in tih.