ISAI 8:4 - Pathien Lekhabu Inthieng (BSI)

⁴ Naupang chun, ‘Nu, Pa,’ ti nachâng a hriet hma khawmin Damaska hausaknahai le Samaria inthawka râllâk sumhai chu Assuria lal hmaah an fe hmangpui ding a ni si a,” a ta.

ISAI 8:4 ပူးပေါင်းရင်းမြစ်များ

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 LALHAI 16:9

Chun, Assuria lal chun a thuhril chu a lo zâwm a; chuongchun, Assuria lal chun Damaska khuo chu a hang thaw a, a lâk a, a mihai chu Kir ramah salah a ṭhuoi a, Rezin chu a that a.

2 LALHAI 17:3

Assuria lal Salmaneserin a hang rûn a; chuongchun, Hosea chu a siehlawah a um ta a, sie dâm a pêk hlak a.

ISAI 17:1

Damaska khaw phurrik chu. Ngai ta, Damaska chu khawpui ni ta lo dingin lâk hmang a ni tah; chuongchun, in chim khâwm el ni tâng a tih.

ISAI 17:3

Ephraima inthawka kulpui chu bo a ta, Damaskaa inthawkin ram chu bo a tih; Suria ram la um sunhai khawm chu bo a ta, Israel thlahai ropuina ang chauin um an tih, sipaihai Lalpain a tih.

ISAI 28:4

an mawina ropui pâr ṭuoi mêk, ruom ṭhatakin a khum chu, nipui hmaa theichang hmin hmasa tak, a entuin a hmu a, a kuta a um phinga a fâk zo el hlak ang chu nîng a tih.

ISAI 8:5

Chun, Lalpa chun ka kuomah a hril nâwk a,

AMOS 1:3

Lalpain hieng ang hin a tih, “Damaska khaw bawsietna pathum leiin, anih, pali leiin, a hremna sukbo naw ning: Gilead ram chu bu râwtna thîrhai chun an râwt leiin;

AMOS 1:5

Damaska khaw kawtkhâr thîr chu suktliek ka ta, Aven ruoma inthawka a hluotuhai le Eden ina inthawka lal hmawl chawituhai chu sukbo ka ta; chun, Suria mihai chu Kir ramah salah um an tih,” Lalpain a tih.

JONA 4:11

Ninevi khuo, khaw ropuitak, a sûngah mi nuoi khat le sîng hni nêka tam, an changtieng le vawitieng khawm thlier thei lohai le ran ruol tamtak umna hi, ka lunginsiet naw ding am a nih?” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:11

naute chu an la suok hmaa, a sie le aṭha an la hriet hmain thil thaw lei ni lovin,

DÂN PAHNINA 1:39

In nau le tehai, râllâkin la el an ta, in tihai hi, tuta a sie a ṭha la hre lo in nauhai hi lût an tih, anni chu pêng ka ta, hluong an tih.