ISAI 8:19 - Pathien Lekhabu Inthieng (BSI)

¹⁹ Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

ISAI 8:19 ပူးပေါင်းရင်းမြစ်များ

INṬANNA 41:24

chun, vui chite tehai chun vui sari ṭhatak takhai chu an lem zo el ta a. Chun, mitvaidawithiemhai chu ka hril a, nisienlakhawm, a mi hrilfie thei tukhawm an um si naw a,” tiin a hril a.

2 LALHAI 1:3

Nisienlakhawm, Tisbe mi Elija kuoma chun Lalpa vântirkoin, “Tho la, Samari lal tirtâwnhai chu intuokpui dingin fe rawh; chun, an kuoma chun, Israel rama hin Pathien a um ta naw leiin amanih Ekronhai pathien Baal-zebub chu râwn dinga in fe chu?

2 LALHAI 21:6

Chun, a naupa chu meiah ân lûttir a, aisân dâm a chîng a, dawi dâm a hmang a, khawhri aisân thiem zâwlhai le dawithiemhai a ruoi hlak a; Lalpa mithmuah thil ṭha nawtak ama suklungsen dingin a thaw hlak a.

2 LALHAI 23:24

Chun, Lalpa ina thiempu Hilkiain a hmu lekhabua dân thu chuonghai kha a sukdet theina dingin khawhri aisânthiem zâwlhai, dawithiem dâm, pathien lim dâm, milim dâm, Judai ram le Jerusalema thil tirdakum an hmu hlakhai po po chu Josia chun a sukbo vawng bawk a.

1 CHANCHIN SUINA 10:13

Chuongchun, Saula chu Lalpa chunga a ringum nawna leiin a thi ta a; Lalpa thu chu a zâwm naw a, khawhri zâwl aisânthiem chu zawng suokin a râwn a,

2 CHANCHIN SUINA 33:6

Hinnom naupa ruoma chun a naupasalhai chu meiah ân hlân a; aisân a hmang a, zâwldiaihai a hmang a, dâwi a hmang bawk a, thlarau zâwlhai a ruoi bawk a, thiemrauhai leh; Lalpa mithmua chun thil suol nasatak el ama chu suklungsen dingin a thaw ta a.

INPÂKNA HLABU 106:28

Baal-peor tieng chun an kawp a, Mithi kuoma thilinhlânhai chu an fâk ve ta a.

ISAI 19:3

Chuongchun, Aigupta mihai thlarau chu an sûnga chun iengkhawm ni lova siemin um a ta; an remruot chu suksieng ka tih: chuongchun, milimhai le, aikeithiemhai le, khawhri aisânthiem zâwlhai le, dawithiemhai chu râwn an tih.

ISAI 26:14

Anni chu an thi ta a, hring nâwk ta naw ni hai, an bo ta a, tho nâwk ta naw ni hai; chuleiin, nangin anni chu hremin i suksiet a, an hriet zingna po po khawm i sukbohmang tah.

ISAI 29:4

Chuongchun, sukthlûkin um i ta, hnuoi hnuoia inthawkin thu hril i ta; i ṭawng chu pilvut lai chun damtein inri suok a tih: i râwl chu khawhri aisânthiem râwl ri ang chauin hnuoi hnuoia inthawk chun hung suok a tih; i ṭawng chu pilvut laia inthawk chun hung suok sal sal a tih.

ISAI 30:2

Pharao hrâtnaa insukhrât ding le, Aigupta hlim ring dingin, ka bau indawn si lovin Aigupta rama fe thlâk tumin an fe a.

ISAI 45:11

Lalpa Israelhai Mi Inthieng, anni siemtu chun hieng ang hin a tih, “Thil la hung tlung ding thu chu mîn dawn unla; ka naupasalhai thua le, ka kut sinthaw thua hin thu mi pe ro.

ISAI 47:12

În vêngna le i dâwi hmangna, i naupangtea inthawka în suksâwl hlaknahai chu ngîrpui ta la; i ṭhathnempui thei ding phawt a, i hnepui thei ding phawt chun.

ISAI 47:13

I remruot a tam êm leiin i sâwl ta a ni hi: tuhin chu vân semtuhai, arasi thlîrtuhai, thlakipa thu hrillâwktuhai chu ngîr sienla, i chunga thil hung tlung dinghaia inthawk chun sanhim raw se che.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 27:9

Nisienlakhawm, nangni chungthu ruoka chun, in zâwlneihai, in khawhri zâwlhai, in manghai, in dawithiemhai, in aisân thiemhai “Babulon lal rawng chu bâwl naw ti niu,” tituhai chu ngai naw ro;

LEVI DÂN 19:31

“Khawhri aisânthiem zâwlhai chu pan naw unla, dâwithiemhai khawm in pawrche phâna dingin zawng suok naw ro: Kei hi Lalpa in Pathien chu ka nih.

LEVI DÂN 20:6

“Khawhri aisânthiem zâwlhai le dâwithiemhai pana uiretu chunga chun ka hmai sukthim ka ta, a chipuihai laia inthawk chu sukbohmang ka tih.

MIKA 5:12

i kuta inthawkin dawi thiemnahai chu sukbohmang ka ta, aisân thiemnahai chu nei ta naw ti ni;

THILTHAWHAI 16:16

Chun, ṭawngṭaina hmuna kan fe lai chun suok nunghâk tû amanih, khawhrizâwl aisânthiemin a mîn tuokpui a, ama chun a aisân lei chun a puhai chu sum tamtak ân hmutir hlak a.

DÂN PAHNINA 18:10

A naupa amanih, a naunu amanih, meia infethlengtir dâm, aisân chîng dâm, aien chîng dâm, mitvaidawi hmang dâm, dâwithiem dâm,

DÂN PAHNINA 18:11

dâwi invêt thiem dâm, khawhri zâwl ruoi dâm, thiemrâu dâm, mithi biek chîng mihai dâm chu nangni lai an um ding a ni nawh.

1 THESSALONIKA 1:9

Nangni laiah ieng ang lawmlûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

2 PETER 2:1

Nisienlakhawm, mihai lai chun zâwlnei tehlêmhai khawm an hung suok kha, chuong ang bawkin nangni lai khawm inchûktirtu tehlêmhai la hung um an tih, anni chun anni inchawtu Lalpa meu chu inphatsanin, mi sukse thei ringna tumhai inrûkin la hung lûtpui an ta, mâni chungah kârlova bohmangna intlungtir an tih.

1 SAMUEL 28:11

Chuongchun, nuhmei chun, “Tu am hang ko suokpêk ka ti che a?” a ta. Chun, ama chun, “Samuel mi hung ko suokpêk rawh,” a ta.

1 SAMUEL 28:16

Chun, Samuel chun, “Chuonga Lalpa chun a nghatsan ta che a, i hmêlma a hung ni tah ti hre zing sa chun iengdinga thu i mîn dawn am a na?

1 SAMUEL 28:7

Chuongchun, Saula chun a siehlawhai kuoma chun, “Khawhri aisânthiem zâwl nuhmei a kuoma ka fea ka râwn dingin mi zawngpêk ro,” a ta. Chun, a siehlawhai chun a kuomah, “Ngai ta, Endor khuoah khawhri aisânthiem zâwl nuhmei a um annaw,” an ta.

1 SAMUEL 28:8

Chun, Saula chu ân sukdanglam a, a puon danglam a sil a, ama le mi dang pahni leh an fe a, zânah nuhmei kuoma chun an va tlung a; chun, khawhri aisânnu kuoma chun, “Ai mi sânpêk la, i kuoma hming ka lam taphawthai chu mi ko suokpêk rawh,” a ta.