ISAI 8:18 - Pathien Lekhabu Inthieng (BSI)

¹⁸ Ngai ta, kei le Lalpa mi pêk naupanghai hi, Israelhai lai hin sipaihai Lalpa Zion tlânga um kuoma inthawka inchikna ding le thilmakhai ding dâm kan nih.

ISAI 8:18 ပူးပေါင်းရင်းမြစ်များ

INṬANNA 33:5

Esau chu a hang dâk a, nuhmeihai le naupanghai chu a hmu a, “I ṭhuoihai hi tuhai am an ni a?” a ti a. Ama chun, “Pathienin lunginsiettaka i siehlaw kuoma a pêk naupanghai an ni hi,” a ti a.

1 CHANCHIN SUINA 23:25

David chun, “Lalpa Israelhai Pathien chun a mihai chu muongna a pêk a;

INPÂKNA HLABU 22:30

Chi inthlain a rawng bâwl an ta, Ṭhangthar hung um nâwkhai kuoma chun Lalpa chanchin chu la hril an tih.

INPÂKNA HLABU 71:7

Mi tamtak ngaiin thilmak ang ka na, Nisienlakhawm, nang chu kân humhimna dettak i nih.

INPÂKNA HLABU 9:11

Lalpa, Ziona um chu inpâkin hla sak unla, Mihai lai chun a thilthawhai chu hril ro.

INPÂKNA HLABU 9:12

Thisen insuo suosal hlaktu chun anni chu a hriet zing hlak si a, Mi rimsihai khêkri a theinghil ngai nawh.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 14:32

Philistin hnam palaihai chu iengtin am dawn ei ta le? “Lalpain Zion chu ân ngîr a, a mihai laia rimsihai chu amaa chun tlulût an tih,” tiin nîng a tih.

ISAI 20:3

Chun, Lalpa chun, “Ka siehlaw Isai hi Aigupta mihai chunga le Ethiopia mihai chunga thilmak le inchiknaa dingin kum thum sûnga saruok le kekawk bun lova a fe ang hin,

ISAI 24:23

Chu hnunga chun thla khi inzaktakin um a ta, nisa khi muolphotakin um a tih; sipaihai Lalpa chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni si a.

ISAI 53:10

Nisienlakhawm, Lalpain ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, Lalpa dit zâwng chu a kuta hlawtlingin um a tih.

ISAI 7:16

Naupang chu thil ṭha naw tieng dit naw nachâng le thil ṭha tieng dit nachâng a hriet hma khawmin lal pahni i theidahai ram chu rausanin um a tih.

ISAI 7:3

Chuongchun, Lalpa chun Isai kuomah, “Nang le i naupa Sear-jasub chu, dîl sakhnung lem tuilâkna tâwpah, puon sâwptu phûl lamliena chun, Ahaz chu tuok dingin fe suok unla;

ISAI 8:3

Chun, zâwlneinu kuoma chun ka fe a, chuongchun, ama chun nau a vawn a, naupasal a nei ta a. Chuongchun, Lalpain ka kuomah, “A hmingah Maher-salal-has-baz sak rawh.

JEREMIA 44:29

Chun, hi hi in ta dinga inchikna nîng a tih, Lalpa chun a tih: thil ṭha naw tienga dingin ka thu chu a dingchang ngei a nih ti in hriet theina dingin hi hmuna hin ka hrem ding cheu a nih.

EZEKIEL 12:6

An mithmua chun i liengkoah phur i ta, inthima chun phur pei i ta; i hmai khawm hnuoi hmu lo dingin în khum ding a nih; Israel sûngkuohai ta dinga inchiknaah ka sie ta si che a,” tiin.

EZEKIEL 14:8

chu mipa chunga chun ka hmai innghat ka ta, thuvara inchikna dingin thilmakah siem ka ta, ka mihaia inthawk chun ama chu sât thlâng ka tih; chun, Lalpa chu ka ni ti mi hre tâng in tih.

EZEKIEL 4:3

Chun, thîr phêk la la, nang le khawpui inkâra chun bang dingin intung la, chun, i hmai chu chu tieng chu hei innghat la, inhuol angin siem la, chun, nangin inhuol rawh. Hi hi Israel sûngkaw inchikna chu nîng a tih.

ZEKARIA 3:8

Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni si a; ngai ta u, a Kau, ka siehlaw chu ka hung lâk suok ding a ni si a.

ZEKARIA 8:3

Lalpa chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai Lalpa tlâng chu, ‘Tlâng inthieng,’ ti nîng a tih,” tiin.

LUKA 2:18

Chun, a hre taphawt chun berâm vêngtuhai thu hril chu mak an ti hle a.

LUKA 2:34

Chun, Simeon chun mal a sâwmpêk a, a nu Mari kuomah, “Ngai rawh, hi naupang hi Israel lai mi tamtak tlûkna ding le ngîrsuokna dinga ruot a nih, mi isawisêl ding inchikna ni bawk dingin:

DÂN PAHNINA 28:46

in chunga le in thlahai chunga kumkhuoa inchikna ding le makti dingin la um a tih.

HEBRAIHAI 10:33

kawng khata chun hmusit le rinumhai khawm tuorin ennuoma siemin in um a, kawng khata chun chuong anga inhmaa lo umhai kha tuorpuituhai in hung nih.

HEBRAIHAI 12:22

Zion tlâng dâm, Pathien hring khuo, vân Jerusalem dâm, tiem sêng nawhai vântirko inkhâwmpui dâm,