ISAI 8:17 - Pathien Lekhabu Inthieng (BSI)

¹⁷ Kei chun Jakob sûnghai laia a hmai thuptu Lalpa chu nghâk ka ta, ama chu thlîr zing ka tih.

ISAI 8:17 ပူးပေါင်းရင်းမြစ်များ

INṬANNA 49:18

Aw Lalpa i sandamna chu ka nghâk zing.

JOB LEKHABU (THE BOOK OF JOB) 13:24

Iengdinga nangin i hmai i thup a, I hmêlma anga i mi ngai am?

JOB LEKHABU (THE BOOK OF JOB) 14:14

Mi a thi chun a hring nâwk ding am a nih? Ka nihai po po chu nghâk ka tih, Insuoa ka umna chu a hung tlung hmakhat chun.

JOB LEKHABU (THE BOOK OF JOB) 35:14

Nangin ama chu ka hmu nawh i ti lem hin chu a ni naw âwm nasa de! Rorêlna chu ama hmaa um a ni si a, ama chu ring el rawh.

INPÂKNA HLABU 130:5

Lalpa chu ka nghâk zing a, ka hringna hin a nghâk zing a, A thu khawm ka beisei a nih.

INPÂKNA HLABU 27:14

Lalpa chu nghâk zing rawh, Hrâttakin um la, i lungril chu insukhuoi raw se; Anih, Lalpa chu nghâk zing rawh.

INPÂKNA HLABU 33:20

Ei hringna hin Lalpa a nghâk zing a, Ama chu mi ṭhangpuitu le ei phaw a nih.

INPÂKNA HLABU 37:34

Lalpa chu nghâk la, a lampui chu hraw rawh, Chuongchun, ram chu hluo dingin chawimawi a ti che. Mi rilohai sukbohmanga an um lai chu la hmûng i tih.

INPÂKNA HLABU 39:7

Chun, Lalpa, tuhin ieng am a na ka nghâk chu? Nangmaah a nih ka beiseina a um chu.

INPÂKNA HLABU 40:1

Lalpa chu ka nghâk fan fan a, Chuongchun, ama chu ka kuom tieng a hung thle a, Ka ko chu a ngai ta a.

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip si a.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 26:8

Anih, Aw Lalpa, i rorêlna lampuia chun kan nghâk zing che a, kan hringna dit zâwng chu i hming tieng le i hriet zingna tieng hi a nih.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

ISAI 33:2

Aw Lalpa, mi lunginsiet la; kan nghâk zing che hi: tûk tin kan bân hung ni la, lunginzîng huna chun a mi sandamtu hung ni bawk rawh.

ISAI 45:15

Aw Israelhai Pathien, Sandamtu, Pathien inthup hlak chu i ni ngei el.

ISAI 50:10

Nangni laia Lalpa chu ṭi a, a siehlaw thuawi chu, tu am a na? Inthima lênga var hrim hrim nei naw chun Lalpa hming chu ring sienla, a Pathien chungah innghat raw se.

ISAI 54:8

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zainêmnain lunginsiet ka ti che, Lalpa nangma intlantu chun a tih.

ISAI 57:17

A duâm khawhlona leiin ka lunginsen a, ka vuok a, ka hmai ka hip a, ka lung a sen a nih; ama hlak chu a lungril um dân pângngaihaiah kâwmâwtakin a um pei a.

ISAI 59:2

in khawhlona chu nangni le in Pathien kâra tlain a sukṭhe lem cheu a nih, naa a hriet nuom nawna dingin in suolnahai chun a hmai chu a hliepêk bawk cheu a nih.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si naw a, nain an hriet ngai naw a, mit khawma an hmu ngai bawk nawh.

ISAI 64:6

Mi inthieng naw angin kan lo um vawng ta si a, kan felnahai po po khawm silfên inthieng naw ang a na; kan rêng hin hna angin kan vuoi hlak a; kan khawhlonahai hin thli angin a mi lên hmang hlak.

ISAI 64:7

Chuongchun, i hming lama, nangma chel dinga mâni insukhar tukhawm an um dêr naw a, keini kuoma hin i hmai i thup ta si a; kan khawhlonahai hmangin i mi sukbohmang tah a nih.

JEREMIA 33:5

Kaldaihai chu do dingin an hung a, ka lunginthaknaa le ka lunginsennaa ka that ding mi ruonghaia suksip dingin, an suolnahai po po leiin hi khawpuia inthawk ka hmai ka thup ta si a.

HOSEA 12:6

Chuongchun, nang chun i Pathien tieng ngha la, Lunginsietna le rorêlna hmang la; I Pathiena chun innghat rawp rawh.

MIKA 3:4

Chu pha chun Lalpa chu ko an ta, nisienlakhawm, anni chu dawn naw nih: anih, chu pha chun an thil thawah an thaw ṭhat nawzie ang peiin, an kuom tieng a hmai thup a tih.

MIKA 7:7

Kei ruok chun chu Lalpa en ka ta; ka sandamna Pathien chu nghâk ka tih; ka Pathien chun a mi ngai ding a nih.

HABAKKUK 2:3

Inlârna hi hun ruota hung tlung ding a la na, A tâwp chu a hnai mêk zing a, inkhêl bawk naw nih; A muong khawma nghâk zing la, A hung tlung ngei ding a ni leiin,” tiin.

LUKA 2:38

Chun, chu lai tak chun ama chu a hung a, Pathien kuomah lâwmthu a hril a, Jerusalem intlan beiseihai taphawt kuoma chun Isu chanchin a hril a.

LUKA 24:27

Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.

DÂN PAHNINA 32:20

‘Inbîk hmangsan ka ta, Iengtin am an um hrim hrim,’ a ta. Suon rilo an nih, Ringum lo nauhai.

1 THESSALONIKA 1:10

a Naupa mithi laia inthawka a ikeitho, lunginsenna hung tlung dinga inthawka a mi sansuoktu Isu kha vâna inthawka hung lo nghâk dinga in nghatsanzie khawm kha an inhriettir bawk hlak a nih.

2 THESSALONIKA 3:5

Chun, Lalpa chun in lungrilhai chu Pathien hmangainaa le, Krista selnaa chun ṭhuoi lût raw se.

HEBRAIHAI 2:13

Chun, “Amaah ka ringna innghat ka tih,” a ti nâwk a. Chun, “En ta u, kei le, Pathien mi pêk naupanghai hi,” a ti nâwk bawk a.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.