ISAI 7:6 - Pathien Lekhabu Inthieng (BSI)

⁶ Juda chu hang thawin hang sukbuoi inla, chutaka chun ei ta dinga lûtna ding siemin, a lai takah Tabeel naupa chu lalah inṭhungtir ei tiu, tiin.

ISAI 7:6 ပူးပေါင်းရင်းမြစ်များ

1 LALHAI 12:16

Chun, Israelhai po po chun lalin an thuhril a pawm nawh ti an hrietin, mipuihai chun, “David a hin chanvo ieng am ei nei leh? Jesai naupaa hin rohluo ding ei nei chuong bawk nawh: Aw Israelhai, in puon in tieng fe vawng ro, David, i sûngkuo chu ngaituo el rawh,” tiin lal chu an dawn a. Chuongchun, Israelhai chu an puon in tieng chun an fe ta a.

2 LALHAI 11:2

Ahazia naupa Joas ruok chu lal Joram naunu, Ahazia farnu Jehoseba chun lal naupasal an thathai laia inthawk chun a ṭhuoi hmang a, a enkawltu leh khum pindanah ân umtir a. Athalia hmu thei lo dingin an thuphmang a; chuongchun, that a ni ve ta naw a.

2 CHANCHIN SUINA 13:8

Chun, tuhin David naupasalhai kuta Lalpa ram chu do thei dingin in inngaituoh a, mipui nasatak in na, in kuoma chun in pathienhai dinga Jeroboamin a siem rângkachak bâwngtehai chu an um bawk a.

2 CHANCHIN SUINA 21:7

Nisienlakhawm, Lalpa chun David sûngkuo chu a sukbohmang naw a, David kuoma thuthlung a lo siem ta lei le, ama le a thlahai kuoma khâwnvar pêk zing zing dinga a lo tiem ta leiin.

2 CHANCHIN SUINA 28:5

Chuleichun, Lalpa a Pathien chun Suria lal kuta chun ama chu a pêk ta a, ama chu an hung thaw a, a mi tamtakhai chu salah an ṭhuoi a, Damaskaa chun an hung ṭhuoi tâwl ta a. Nasataka thata hnetu Israel lal kuta chun ama khawm chu pêk a ni ta a.

INPÂKNA HLABU 21:11

I chunga khan thil suol thaw an tum si a, Thil suol an ngaituo suok a, an thaw thei si nawh.

INPÂKNA HLABU 83:3

I mihai vervêktakin an phierrûk a, I mi thuphmanghai chunga hin a se tiengin an inrâwn a.

THUVARHAI 19:21

Mihriem lungrila chun remruotna tamtak a um a, Amiruokchu, Lalpa thurâwn chau chu ngîrsuok a tih.

ISAI 7:1

Uzzia nau Jotham naupa Ahaz inlal lai chun, Suria lal Rezin le Israel lal Remalia naupa Peka chu Jerusalem rûn dingin an hang fe a; nisienlakhawm, an hne thei naw a.

ISAI 7:5

Suria le Ephraim le Remalia naupa chun an phierrûk che a,

ISAI 7:7

Chuleichun, Lalpa Pathien chun hieng ang hin a ti a: An thu phier chu puitling naw ni a, tluongtlung bawk naw nih.

ISAI 8:6

“Hieng chihai hin Siloa tui damtêa luong dêl dêlhai chu an dit naw lei le, Rezin le Remalia naupa chunga an lâwm leiin,