ISAI 7:14 - Pathien Lekhabu Inthieng (BSI)

¹⁴ Chuleiin, Lalpa ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Immanuel sak a tih.

ISAI 7:14 ပူးပေါင်းရင်းမြစ်များ

INṬANNA 16:11

Lalpa vântirko bawk chun a kuomah, “Ngai ta, nau i vawn ta a, naupasal nei i ta, Lalpa chun i rimsikzie hi a hriet ta leiin a hminga chun Ismael i sak ding a nih.

INṬANNA 29:32

Chun, Leah chu ân rai a, naupasal a nei a, a hmingah Reuben a sak a: “Lalpa chun ka rinumzie a hmu leiin a ni hi; tuhin chu ka pasalin mi hmangai tâng a tih,” a ti a.

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

INṬANNA 30:6

Rakil chun, “Pathienin a mi ngaituo a, ka rawl a hriet bawk a, naupasal a mi pêk a ni hi,” a ti a. Chuleiin, a hmingah Dan a sak a.

INṬANNA 30:8

Chun, Rakil chun, “Pathien inbuonin ka unaunu chu ka buon a, ka hne tah,” a ti a, chuongchun, a hmingah Naphtali a sak a.

INṬANNA 4:25

Chun, Adam chun a nuhmei chu a pâwl nâwk a; chuongchun, ama chun naupasal a nei nâwk a, a hmingah Seth a sak a: “Pathienin Abel aiah chi thla dang a mi ruotpêk tah; Kaina chun ama a that ta si a,” a ti a.

1 LALHAI 13:3

Chun, chu ni ma chun inchikna a pêk a, “Hi hi Lalpain inchikna ding a ti chu a nih, ‘Ngai ta, maichâm hi la kawi phawk a ta, a chunga meivâmhai hi lân baw vawng a tih,’ ti hi,” tiin.

INPÂKNA HLABU 46:8

Hung unla, Lalpa thilthawhai hi en ta u, Leihnuoia thil a suksietziehai hi.

ISAI 38:7

Chun, Lalpain a thil hril hi a thaw ngei ding a nih ti, hi hi Lalpaa inthawka i ta dinga inchikna chu nîng a tih,

ISAI 8:10

Inrâwn khâwm ro, iengkhawm ni hliek naw ni; thu hril ro, puitling chuong bawk naw nih; Pathien ei kuomah a um si a,” tiin.

ISAI 8:8

chun, Juda ram chenin chîm tlum dum dum a ta, a liemin luong tlang dum dum a ta, rîng khawm chîm phâk hiel a tih; chun, a thla zar chun, Aw Immanuel, i ram khang tieng po po hi aw vawng a tih.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

JEREMIA 31:22

Aw nang naunu hnungtawl, ieng chen am hitieng sawtieng i fe lawn ding a na? Hnuoia chun Lalpa chun thil thar a siemsuok a, “Nuhmeiin pasal a hum ta lem,” ti hi.

JEREMIA 44:29

Chun, hi hi in ta dinga inchikna nîng a tih, Lalpa chun a tih: thil ṭha naw tienga dingin ka thu chu a dingchang ngei a nih ti in hriet theina dingin hi hmuna hin ka hrem ding cheu a nih.

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

LUKA 1:31

Ngai rawh, inrâi i ta, naupasal nei i ta, a hminga chun Isu i sak ding a nih.

LUKA 1:35

Chun, vântirko chun a dawn a, a kuomah, “Thlarau Inthieng i chungah hung tlung a ta, Achunghnungtak thilthawtheina chun hliekhûng a che; chuleiin, naupang hung pieng ding khawm chu mi inthieng, Pathien Naupa tîng an tih.

LUKA 2:12

Chun, hi hi in ta dingin inchikna ding a nih; naute puona tuom, ran bu pêkna thlênga zâl hmûng in tih,” a ta.

LUKA 20:44

Chuongchun, David chun ama chu, ‘Lalpa,’ a ti si a, iengtin am, a naupa a ni thei leh?” a ta.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:5

thlatu bulhai chu an ta a ni bawk a, taksa tienga sui chun Krista chu anni laia inthawka hung suok a ni si a; ama chu thil tinrêng chunga um a na, chatuona inpâk tlâk Pathien a nih. Amen.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

RORELTUHAI 6:36

Chun, Gideonin Pathien kuomah, “I hril anga keia kuta Israelhai hi i sansuok ding chun,

1 SAMUEL 1:20

Chuongchun, Hanna chun nau a vawn a; a hun a hung tlung chun naupasal a nei a, “Lalpa ka ihni a nih,” tiin a hminga chun Samuel a sak a.

1 SAMUEL 4:21

Chun, “Ropuina chun Israelhai chu a suoksan tah,” tiin, naupang hminga chun Ikabod a sak a. Pathien bâwm chu an lâkpêk ta a, a tarpupa le a pasal khawm an thi ta si a.