ISAI 66:5 - Pathien Lekhabu Inthieng (BSI)

⁵ A thua inthin hlakhai, Lalpa thu hi hre ro, “In unau, nangni theidatu le ka hming leia nangni hnawt suoktuhai cheu chun, ‘In lâwmna kan hmu theina dingin Lalpa chu sukropuiin um raw se,’ an ti a, nisienlakhawm, inzak lem tâng an tih.

ISAI 66:5 ပူးပေါင်းရင်းမြစ်များ

1 LALHAI 21:29

“Ahab ka hmaa an ngaitlâwmzie hi i hmu am? Ka hmaa an ngaitlâwm lei hin ama dam sûng hin chu a chungah thil ṭha naw intlungtir naw ning, a naupaa inthawk ruok chun a sûnghai chungah thil ṭha naw intlungtir ka tih,” tiin.

2 LALHAI 22:10

Chun, lekhaziektu Saphan chun, “Thiempu lal tak Hilkia chun lekhabu a mi lo pêk annaw,” tiin lal chu a hril a. Chun, Saphan chun lal hmaa chun a tiem a.

2 CHANCHIN SUINA 34:27

hi hmun le a sûnga chênghai chungthua, thuhai chu i hriet phinga i lungril ân nêm a, nangma le nangma chu Pathien hmaa chun în sukhnuoi leiin le, i puonhai i keithlêr a, ka hmaa chun i ṭap leiin kei khawma ka hung hriet ve che a nih.

EZRA 9:4

Chun, sal intâng suokhai an bawsietna leia Israel Pathien thua lo inthin hlakhai po kha ka kuoma chun an hung inkhâwm a; chun, kei chu zântieng thilinhlân hun chenin maktiin ka ṭhung ta zing a.

INPÂKNA HLABU 119:120

Ka tisa hi nangma ṭîin ân thin a, I rorêlnahai chu ka ṭî bawk a.

INPÂKNA HLABU 38:20

Thil ṭha thil suola thung hlaktuhai hi, Thil ṭha ka hnawt leiin a mi dotuhai an nih.

THUVARHAI 13:13

Tukhawm thu hmusittu chun ama chungah sietna ân tlun hlak a, Thupêk ṭitu ruok chu lâwmman pêkin um a tih.

HLAHAI HLA 1:6

Ka hâng êm leiin kei mîn sit naw unla, Nisa chun a mi em duk leiin. Ka nu naupasalhai chu ka chungah an lunginsen a, Grêp huon enkawltuah an mi siem a; Keima grêp huon ruok chu ka enkawl nawh.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 5:19

“Eini hmuna dingin thaw vak sienla, a thil thaw ding chu thaw vak raw se, ei hriet theina dingin Israelhai Mi Inthieng remruot chu hung hnaiin hung tlung raw se,” ti hlaktuhai chu.

ISAI 60:15

Tu khawm isir ngai lo khawpa râusan le theidaa i um aiah kumkhaw suong tak, suon tamtak lâwmnaah siem ka ti che.

ISAI 65:13

Chuleiin, Lalpa Pathien chun hieng ang hin a tih, “Ngai ta u, ka siehlawhai chun fâng an ta, nangni ruok chu phîngṭâmin um in tih: ngai ta u, ka siehlawhai chun dâwn an ta, nangni ruok chu dangchârin um in tih; ngai ta u, ka siehlawhai chu hlim an ta, nangni ruok chu inzak in tih:

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

JEREMIA 36:16

Chun, chuong thuhai po po chu an hriet chun, anni le anni chu an inṭi tuo seng ta a, chuongchun, Baruk kuoma chun, “Hieng thuhai po po hi lal chu hril ngei ngei kan tih,” an ti a.

HOSEA 11:10

Lalpa chu zui an ta, Sakeibaknei anga inrûm ding chu; Anih, inrûm ngei a ta, Khaw thlang tienga inthawkin a nauhai chu Inthin pumin hung an tih.

MATTHAI 10:22

Keia hming leiin mi po po theida nîng in tih; nisienlakhawm, a tâwp chena tuor pei chu, chu ngei chu sandamin um a tih.

LUKA 13:17

Chuong thuhai chu a hril laiin a hmêlmahai po po chu an inzak ta a; mipui ruok chu a thil ropui thaw po po leiin an lâwm vawng a.

JOHAN 16:2

Inkhâwmna inahai inhnawngtir an ti cheu a, anih, tûkhawm a sukhlumtuhai cheu chun Pathien chungah thilṭha thawin inhrieng an tih, chuong ang hun chu a tlung ding a nih.

JOHAN 9:34

Chun, anni chun a kuomah, “Nang suol letdêra pieng i nih annâwm, nangin i mi hril vei maw?” an ta, an dawn a. Chuongchun, ama chu an hnawt dawk ta a.

2 THESSALONIKA 1:12

Chuongchun, ei Pathien le, ei Lalpa Isu Krista lunginsietna ang peiin ei Lalpa Isu hming chu nangnia chun chawimawiin um thei a ta, nangni khawm amaa chun chawimawiin um thei in tih.

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

1 JOHAN 3:13

Unauhai, khawvêlin an theida cheu chun mak ti naw ro.