ISAI 66:24 - Pathien Lekhabu Inthieng (BSI)

²⁴ Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si naw a, mi po po ta dingin thil tirdakumtak nîng a tih”.

ISAI 66:24 ပူးပေါင်းရင်းမြစ်များ

INPÂKNA HLABU 110:6

Hnam tin lai chun rorêl a ta, Hmunhai chu ruongin suksip a ta, Ram tamtaka chun lu chu sât khawi rem rum a tih.

ISAI 1:28

Nisienlakhawm, bawsetuhai le mi suolhai suksietna chu um inruol a ta, Lalpa mâksantuhai khawm sukbohmangin um an tih.

ISAI 1:31

Chun, mi hrâttak chu ziza pawn ang ni tâng a ta, a sinthaw chu meisi ang ni tâng a tih; chuongchun, kâng rêl an ta, tukhawma sukrêm naw ni hai,” tiin.

ISAI 14:11

I ropui bûr bûrna chu Seola ṭhuoi thlâk a ni tah, i perkhuong inri bur burhai leh; chawkchawnâl chu i hnuoiah ân pha a, thil ngêhai chun ân khum ta che a ni hi,’ tiin.

ISAI 24:20

Hnuoi hi zu inrui ang elin pêm thlawk thlawk a ta, bûktê insâwi angin insâwi dar dar a tih; a bawsietna chu a chungah riktakin um a ta, chuongchun, tlûng a ta, tho nâwk ta naw nih.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 34:10

Asûn azânin sukrêmin um naw ni a; a meikhu chu kumkhuoin intung ngut ngut a tih; suon um sûng po po chun serâwpin um zing a ta, tukhawma kumkhuo khawma pal naw ni hai.

ISAI 34:3

Anni laia thata umhai chu pei suokin um an ta, an ruong rimsie chu innam vut vut a ta; tlânghai chu an thisen suktuiin um a tih.

ISAI 48:22

Lalpa chun, “Mi rilohai ta ding chun muongna hrim hrim a um nawh,” a tih.

ISAI 5:25

Chuleiin, Lalpa lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong naw a; a kut chu a lân let ta rawp a.

ISAI 51:8

Hângthimin silfên a fâk siet vawng angin anni chu a fâk siet vawng ding a ni si a, a ngein sahmul a fâk angin anni chu a fâk ding a ni si a; ka felna ruok chu kumkhuoin um a tih, ka sandamna chu suon po po chenin um bawk a tih.

ISAI 65:15

Chun, in hming chu ṭawng inkhâmna dingin ka mi thlanghai kuoma chun mâksan in ta, Lalpa Pathien chun sukhlum a ti cheu a, chun, a siehlawhai chu hming dangin ko tâng a tih;

ISAI 66:16

Meiin a nih Lalpain a ngaituo ding chu, a kâwlhnâmin a nih mi po po a ngaituo ding chu; chuongchun, Lalpa isukhlumhai chu tamtak nîng an tih.

DANIEL 12:2

Chun, mi tamtak hnuoi pilvuta lo in tahai chu tho an ta, aṭhen chu chatuona hringna changin, aṭhen ruok chu chatuona thiemnaw le inzakna changin.

ZEKARIA 14:12

Chun, hihi Jerusalem dotu hnam po pohai Lalpain a hremna ding hri chu nîng a tih; an kehaia an ngîr zing laiin an taksa chu hung hmawn hmang a ta, an mithai chu an mitkhurhaia chun hung hmawn hmang a ta, an leihai khawm chu an bauah hung hmawn hmang a tih.

MATTHAI 3:12

A kutin a leipup a chawi a, a hrizâwl zâp fai hieu a ta, a pangah a bû hlûng a ta, a si ruok chu mei rêm thei lovin râw hmang a tih,” a ta.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.