ISAI 66:23 - Pathien Lekhabu Inthieng (BSI)

²³ Chun, hieng hi hung nîng a ta, thla thara inthawka thla thar dang chenin, châwlnia inthawka châwlni dang chenin mi po po ka hmaa chibai mi bûk dingin hung zut zut an tih, Lalpain a tih.

ISAI 66:23 ပူးပေါင်းရင်းမြစ်များ

2 LALHAI 4:23

Chun, ama chun, “Vawisûn kher kher iengdingin am ama kuoma chun fêng i ta? thla thar a ni naw a, Châwlni khawm a ni bawk si naw a,” a ta. Chun, ama chun, “Ṭha tho de nih,” a ta.

INPÂKNA HLABU 22:28

Ram chu Lalpa ta a na, Hnam tin chungah rorêltu a ni si a.

INPÂKNA HLABU 65:2

Aw ṭawngṭâina ngaitu, I kuomah tisa po po chu hung an tih.

INPÂKNA HLABU 65:3

Rîtlonahai chun a mi hne hlak dea chu, Kan bawsietnahai po chu nangin sâwpfai i tih.

INPÂKNA HLABU 86:9

Aw Lalpa, i siem hnam tinrênghai chu hung an ta, i hmaah hung kûn an ta, I hming chu hung chawimawi an tih.

ISAI 19:21

Chuongchun, Lalpa chu Aigupta mihai ihriet ni tâng a ta, Aigupta mihai chun chu nia chun Lalpa chu hre tâng an tih; anih, inthawina le thilpêkin chibai bûk an tih, Lalpa kuoma chun thu tiem an ta, muolsuo bawk an tih.

ISAI 19:23

Chu nia chun Aigupta rama inthawkin Assuria ram chenin lamlien um a ta; chuongchun, Assuria mihai chu Aigupta ramah fêng an ta, Aigupta mihai chu Assuria ramah fe bawk an tih; Aigupta mihai chun Assuria mihai leh Pathien chu chibai bûk hmunkhat tâng an tih.

ISAI 2:2

Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, Lalpa chu chibai bûk an tih.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

EZEKIEL 20:40

Lalpa Pathien chun a tih: Ka tlâng inthieng, Israel tlâng insânga chun Israel sûngkuohai po po chu, an rêngin chu rama chun ka rawng bâwl tâng an ta, chutaka chun anni chu lâwm ka ta, chutaka chun in thilinhlânhai chu, in rahmasa inthâwinahai le in thil inthienghai po po le chun pawimawsak tâng ka tih.

EZEKIEL 45:17

Chun, ruoiṭhenahaia le, thla tharhaia le, châwlnihaia le, Israel sûngkuo ruoiṭhena hunbi neihaia chun, pumrawhmang thilinhlânhai, bu thilinhlânhai, dâwnmi thilinhlânhai inhlân chu lal chan chu ni ve thung a tih; Israel sûngkuo ta dinga intlanna siemna dingin, suol thilinhlânhai, bu thilinhlânhai, pumrawhmang thilinhlânhai, inremna thilinhlânhai chu a buotsai ding a nih.

EZEKIEL 46:1

“Lalpa Pathien chun hieng hin a tih: huon sûng tuollai sûngril lem dâi kawtkhâr saktieng sawng saw ni ruk sinthaw sûng po inkhâr a ta; amiruokchu, châwlni chun inhawng a ta, thla thar nia khawm chun inhawng bawk a tih.

EZEKIEL 46:6

Chun, thla thar nia ding bâwng- chal tuoi demkailo pakhat nîng a ta; berâmte paruk le berâmchal leh; an rêngin demkailo an ni ding a nih;

ZEKARIA 14:14

Chun, Juda khawm chun Jerusalem chu do tâng a ta; kil tina hnam po pohai hausakna; rângkachak dâm, tangka dâm, silfên dâm nasataka tam lâk khâwm nîng a tih.

ZEKARIA 14:16

Chun, Jerusalem hung thawtu hnam po pohaia a la um sunhai chu kum tin tinin laltak, sipaihai Lalpa chu be ding le, Bâwkte ruoiṭhe chu nei dingin hang fe rawp hlak an tih.

ZEKARIA 14:18

Aigupta hnam khawm chu a hang fe naw a, a hung naw chun, an chungah sûr bik naw ni a, bâwkte ruoiṭhe nei dinga hang fe nawhai hnam Lalpain a hremna hri chu an chungah um a tih.

ZEKARIA 14:19

Hi hi Aigupta ram hremna chu nîng a ta, bâwkte ruoiṭhe nei dinga hang fe naw hnamhai ta dinga hremna ni bawk a tih.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

JOHAN 4:23

Chuongchun, a hun a tlung ding a ni tah, tu khawm hin a tlung zing tah, chu pha chun Pathien chibai bûktu taktakhaiin thlarau le titaktakin Pa chibai bûk an tih, Pa chun chuong ang mi chu ama chibai bûktu dingin a zawng a nih.

THUPUONGSUO 15:4

Aw Lalpa, tu am i hming inza naw a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.