ISAI 66:19 - Pathien Lekhabu Inthieng (BSI)

¹⁹ Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lova ka ropuina la hmu ngai lohai kuoma chun tir ka tih; chuongchun, hnam tin lai chun ka ropuina thu hril an tih.

ISAI 66:19 ပူးပေါင်းရင်းမြစ်များ

INṬANNA 10:13

Chun, Mizraim chun Lud, Anam, Lahab, Naphtu,

INṬANNA 10:2

Japheth naupasalhai chu: Gomer, Magog, Madai, Javan, Tubal, Mesek le Tiras an nih.

INṬANNA 10:22

Sem naupasalhai chu: Elam, Assur, Arpaksad, Lud le Aram an nih.

INṬANNA 10:4

Javan naupasalhai chu: Elisa, Tarsis, Kittim le Dodanim an nih.

INṬANNA 9:27

Pathienin Japheth chu suklien sienla, Sem puon inhaiah um raw se; Kanaan chu a siehlawin um raw se,” a ti bawk a.

1 CHANCHIN SUINA 1:11

Chun, Mizraim chun Ludim, Anamim, Lehabim, Naphtuhim,

1 CHANCHIN SUINA 1:7

Javan naupasalhai chu: Elisa, Tarsis, Kittim le Rodanim an nih.

1 CHANCHIN SUINA 16:24

Hnam tin lai chun a ropuizie hril unla, Mi tinrênghai lai chun a thilmak thawhai hril ro.

INPÂKNA HLABU 72:10

Tarsis ram le thlierkâra lalhaiin lâwmman hung chawi an ta, Seba le Sheba ram lalhaiin thilpêk hung inhlân bawk an tih.

ISAI 11:12

Chun, hnam tin ta dingin inchikna târ suok a ta, Israel hnawt suoka umhai chu ṭhuoi khâwm a ta, Juda indarhai kâwl kil lia inthawkin ṭhuoi khâwm a tih.

ISAI 18:3

Khawvêla um po po le leihnuoi hluohai, tlângahai inchikna an târ suok phaleh en ro; tawtawrâwt an mût pha chun ngai ro.

ISAI 18:7

Chu pha chun sipaihai Lalpa hming umna hmun Zion tlânga chun, sipaihai Lalpa kuoma pêk dingin mi insâng thler thlawr innâmtakhai kuoma inthawkin, an suok phuta inthawka tu chena mi ṭiumtakhai kuoma inthawk chu, lâwmman hung chawi an tih; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 2:16

Tarsis lawng lien po po chunga dâm, thil tehlêm ditum po po chunga dâm khawm la um a tih.

ISAI 29:24

Thlaraua invâkhmanghai khawm chun hrethiem tâng an ta, mi chierhai chun thuinchûktir chu inchûktir tâng an tih,” tiin.

ISAI 42:12

Lalpa chu sukropui sienla, thlierkârahai chun ân pâkna thu hril raw se.

ISAI 42:4

Hnuoia hin rorêlna ân umtir hmakhat chun ama chu châu naw ni a, beidawng bawk naw nih; chun, thlierkârhai chun a dân thu chu nghâk zing an tih.

ISAI 43:6

hmârtieng kuoma chun, ‘Inthla ro,’ tîng ka ta, simtieng kuoma chun, ‘Hrên zing naw ro,’ tîng ka tih; ka naupasalhai chu hlataka inthawkin hung ṭhuoi unla, ka naunuhmeihai chu leihnuoi tâwpa inthawkin hung ṭhuoi ro;

ISAI 49:1

Aw thlierkârhai, ka thu ngai unla, hlataka mi tinhai, lo ngai bawk ro; Lalpa chun sula inthawk hrimin a mi ko a; ka nu phîng sûnga inthawk hrimin ka hming a lo hril ta a;

ISAI 49:12

En ta, sawhai saw, hlataka inthawkin an hung ding a ni saw; en ta, sawhai saw, hmartienga inthawk dâm, thlangtienga inthawk dâm, Sim rama inthawk dâmin an hung ding a ni saw.

ISAI 49:22

Lalpa Pathien chun hieng ang hin a tih, “Ngai ta, hnam tin ta dingin ka kut ka pharin, mi tin ta dingin kân chikna târ suok ka tih; chuongchun, i naupasalhai chu apawma pawmin i kuomah hung ṭhuoi ka ta, i naunuhmeihai khawm an liengkoa puta hung ṭhuoiin um an tih.

ISAI 51:5

Ka felna chu a hnai a, ka sandamna chu a suok ta a, ka bânhai hin mi tin ro rêlpêk a tih, thlierkârhai chun mi nghâk an ta, ka bân hi ring an tih.

ISAI 52:10

Lalpa chun hnam tinrênghai mithmua chun a bân inthieng chu a hlîm tah; chuongchun, kâwlkawdawnga mi po poin ei Pathien sandamna chu hmûng an tih.

ISAI 52:15

hnam tamtakin maktîng an tih; lalhaiin a kuoma chun an bau lân chîp an ta, an kuoma hril ngai lo chu la hmûng an ta, naa an hriet ngai naw chu an ngaithiem ding a nih.

ISAI 55:5

Ngai ta, i hriet naw hnam chu ko i ta, nangma hre ngailo hnam chu i kuomah hung tlân an ta; Lalpa i Pathien lei le, Israelhai Mi Inthieng lei chun; ama chun a chawimawi si che a.

ISAI 60:9

Ama chun a chawimawi che leiin Lalpa i Pathien hming ta ding le Israelhai Mi Inthieng ta ding chun i naupasalhai an tangka le rângkachak leh hlataka inthawka ṭhuoi dingin matheilovin thlierkârhai chun mi nghâk an ta. Tarsis lawng lienhai chun hmasak inchûng an tih.

ISAI 62:10

Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.

ISAI 65:1

A mi lam ngai nawhai zawngin ka um a, a mi zawng ngai nawhai hmuin ka um a; ka hming put naw hnam kuoma chun, “Hitaka hin ka um, hitaka hin ka um,” ka ti a.

JEREMIA 46:9

Nangni sakawrhai, hang fe unla, nangni sakawr tawlailîrhai, lunginsen ro; mi thilthawtheihai khawm chu fe suok raw hai seh; Ethiopia le Put mihai, phaw hmang mihai le, Lud mi thalngul kuoi hmang mihai chu.

EZEKIEL 27:10

“Persia le Lud le Put mihai chu, i sipai pâwl indo mihai chu an nih; anni chun nangmaa chun thîrlukhum le phaw chu an khai a, i ngainobeina chu an târlang a nih.

EZEKIEL 27:13

Javan, Tubal le Mesek chu i sumdâwngtu an na, mihriemahai le, dârsen bûr le bêlhaiin i sum dingin an sumdâwng a.

EZEKIEL 30:5

Ethiopia, Put le Lud mi chi inpawlhai chu, Kus mihai leh, ram ṭhangruolhai mihai chu anni le chun kâwlhnâmin tlûng an tih.

EZEKIEL 32:26

Mesek le Tubal le an mipuihai po po leh an um a, an thlânhai chu a sîrvêlahai chun a um a, an rêng el chun sertanlo, kâwlhnâma lo tlu tah an na, mi hring rama chun an ṭitumna chu an lo inumtir ta a.

EZEKIEL 39:1

“Chun, nang, mihriem naupa, Gog chunga chun thu hril rawh, hieng hin ti la, Lalpa Pathien chun hieng hin a tih: Aw Gog, Ros le, Mesek le, Tubal hotutak nang ka dodâl che a nih;

EZEKIEL 39:6

Magog le thlierkâra chêngtuhai chunga chun mei tir ka ta; chun, Lalpa chu ka nih ti mi hre tâng an tih.

DANIEL 11:18

Hi hnunga hin, thlierkâr tienga chun nghâng a ta; tamtak chu lâng a tih; nisienlakhawm, sipai hotu chun zilna amain a pêk chu suktâwp a ta, anih, chu naw khawm chu, a zilna chu ama chungah inumtir bawk a tih.

ZEPHANIA 2:11

An chunga chun Lalpa chu ṭiumtak nîng a ta; hnuoi chunga pathienhai po po chu a sukbohmang ding a ni si a; chuongchun, mihriemhai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkârhaia inthawk chun.

ZEPHANIA 3:10

Ethiopia vadunghai khêla inthawk chun ka riminhnik râwtuhai, ka hnawtdarhai naunuhmeihai ngei chun, ka thil inhlânhai chu hung chawi an ta.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

MATTHAI 28:19

“Chuongchun, fe unla, hnam tina mi inchûktirin siem unla, Pa le, Naupa le, Thlarau Inthieng hming chun baptist unla;

MARKA 16:15

Chun, an kuomah, “Khawvêl po poah fe unla, thilsiemhai po po kuomah Chanchin Ṭha hi hril ro.

LUKA 2:34

Chun, Simeon chun mal a sâwmpêk a, a nu Mari kuomah, “Ngai rawh, hi naupang hi Israel lai mi tamtak tlûkna ding le ngîrsuokna dinga ruot a nih, mi isawisêl ding inchikna ni bawk dingin:

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:21

“A chanchin la hril ngainawnaa mihai chun Hmûng an ta, A la hre ngainawhai chun, Hrieng an tih,” ti ziek ang khan.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,