ISAI 66:16 - Pathien Lekhabu Inthieng (BSI)

¹⁶ Meiin a nih Lalpain a ngaituo ding chu, a kâwlhnâmin a nih mi po po a ngaituo ding chu; chuongchun, Lalpa isukhlumhai chu tamtak nîng an tih.

ISAI 66:16 ပူးပေါင်းရင်းမြစ်များ

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

ISAI 27:1

Chu nia chun Lalpa chun a kâwlhnâm ngei ṭhatak, lientak, ringumtak chun leviathan rûlpui hrâttak le leviathan rûlpui kâwi ngul chu hrem a ta, tuipuia dragon um chu that bawk a tih.

ISAI 3:13

Lalpa chu hrilpui dingin a hung ngîr suok a, mihai ro rêl dingin a hung ngîr ta a.

ISAI 30:30

Chun, Lalpa chun a râwl ropuitak chu inhriettir tâng a ta, a lunginsenna nasatak le thil kânghmang meichawkin, thlipui le ruopui le rielin, a kut thlâk dân chu inentir tâng a tih.

ISAI 31:8

“Chu pha chun Assuria mi chu, mihriem kâwlhnâma sukthlûk ni lovin, kâwlhnâm sukthlûkin um a tih; chun, kâwlhnâm mihriemhai ta ni lovin ama chu fa zo a tih; kâwlhnâma inthawk chun tlân hmang a ta, a tlangvâlhai chu sie chawitu hung ni tâng an tih.

ISAI 34:2

Lalpa chun hnam tinrêng chunga chun lungninawna a neiin, an sipaihai po po chunga chun lunginsenna a nei si a; anni chu a sukbohmang vawng a, that dingin a pêk ta a.

ISAI 65:12

ka ko lai cheu khan in mi dawn nuom naw a, thu ka hril lai khan nain in hriet nuom naw a, ka mithmuah thil suol chu in thaw lema, ka thil lâwm naw zâwng chu in thlang leiin kâwlhnâmin in chantâwk chu rêlpêk ka ti cheu a, in rêngin thatnaa chun kûn vawng in tih.

JEREMIA 25:31

Ri chu hnuoi tâwp chenah hung tlung a ta; Lalpa chun hnamhai le chun inkalna an nei si a; mi tin chu phût a ta; mi rilohai ruok chu kâwlhnâm pêng a tih, Lalpa chun a tih,”tiin.

JEREMIA 25:33

Chun, chu nia chun Lalpa sukhlumna chu hnuoi tâwp khing khata inthawka a tâwp khingtieng chen nîng a ta; chuonghai chu sûn ni naw ni hai a, lâk khâwm khawm ni naw ni hai a, phûm khawm ni bawk naw ni hai; leihnuoi chunga êk el ni lem an tih.

JEREMIA 45:5

Chun, nang chun i ta dingin thil ropuihai chu i zawng a ni maw? Zawng naw rawh, ngai ta, mihriem po po chungah thil ṭhanaw ka hung intlungtir ding a ni si a, Lalpa chun a tih; chun, i hringna ruok chu i fena tieng tiengah sanhim ka ti che,” tiin.

JEREMIA 46:15

I mi hrâthai chu iengdingin am lên hmangin um an ta? Lalpa chun anni chu a hnawtdar leiin, anni chu an ngîr nawh.

EZEKIEL 28:18

I sumdâwngnaa fel nâwnaa suolna tam leiin, I hmun inthienghai chu i lo sukpawrche ta a; Chuleiin, i sûnga inthawk mei ka hung lâk suok a, A kâng hmang che a, hnuoia pilvutah kân changtir che a, Nangma entuhai po po che mithmua chun,

EZEKIEL 38:17

Lalpa Pathien chun hieng hin a tih: ka siehlaw Israel zâwlneihaiin kum tamtaka chun anni indotir ka ti che tia chuong nihaia an lo hril, tienlaia a chanchin an lo hril hlak kha i ni naw am a nih?

EZEKIEL 5:15

Chuongchun, vauna ṭiumhai le, lunginthak le lunginsennaa rorêlnahai ka hung suktlung pha chun, i vêla hnam umhai ta ding chun makti ding le, inchûkna ding le, hrânghla le, invaunaa hmang la nîng a tih, kei Lalpa hin ka hril ta a nih:

JOEL 3:2

hnam po po kei khâwm ka ta, anni chu Jehosaphat kâwnah hung ṭhuoi thlâng ka ta, ka ram an sem dar a, hnamhai laia an sukdar, ka mihai le ka rochan Israelhai ta ding chun anni chu chutaka chun khing ka tih.

AMOS 7:4

Hieng ang hin Lalpa Pathien chun a mîn entir a; chun, en ta u, Lalpa Pathien chun meia do dingin a ko a; mei chun tui inthûk lien chu a kâng vawng a; ram khawm chu a kâng zo mêk bawk a.

NAHUM 3:15

Chutaka chun meiin kâng hmang a ti che a, kâwlhnâmin sât hlum a ti che, khâu angin sukbohmang a ti che: khâu angin insukpung la, khâuhawn angin insukpung rawh.

NAHUM 3:3

Sakawr chungchuong mihaiin kâwlhnâm tât tle le fei inlet de zawt zawtin hma an nawr a. Mi tamtak thatin an um a, mithi ruong tiemsênglo a um a, ruonghaia chun an inpal nawk nawk a.

ZEKARIA 14:5

Chun, ka tlâng kâra ruomah chun tlânsieng in ta; tlâng kâra ruom chun Azel a tlung rak ding a ni si a: anih, Juda lal Uzzia inlal laia simkhawleihnuoi inhnînga in tlânsiet ang khan, tlânsieng in tih; chun, Lalpa ka Pathien chu hung a tih, a kuoma mi inthienghai po po leh.