ISAI 66:15 - Pathien Lekhabu Inthieng (BSI)

¹⁵ Ngai ta u, a lunginsenna chu hrîkthla ding le, a kâwkna chu meichawkhaia hrîkthla dingin, Lalpa chu mei leh a hung ding a ni si a, a tawlailîrhai chu thlivir ang el nîng a tih.

ISAI 66:15 ပူးပေါင်းရင်းမြစ်များ

INPÂKNA HLABU 11:6

Mi rilohai chunga chun chânghai insûrtir a ta, Mei le kât le thil lumtak chu an no chan ding nîng a tih.

INPÂKNA HLABU 18:9

Ama chun vânhai khawm chu ân kûntir a, a ṭum ta a. A ke hnuoia chun inthim sâmup hi a hung um ta a.

INPÂKNA HLABU 21:9

I lungsen pha chun anni chu rawtuina mei chawk zur zur ang chun siem i ta, Lalpa chun anni chu lunginsenin lem zo a ta, Mei chun kâng hmang el a tih.

INPÂKNA HLABU 50:3

Ei Pathien chu hung a ta, to zing naw nih: A hmatieng chun mei kâng dur dur a ta, A vêla chun thlipui nasatak hrâng bawk a tih.

INPÂKNA HLABU 68:17

Pathien tawlailîr chu a sînga sîng, a sânga sâng tamtak a nih. Lalpa chu Sinai tlânga a um ang khan, chuong laia chun hmun inthiengah a um tah.

INPÂKNA HLABU 97:3

A hma tieng chun mei a fe a, A vêla ama dotuhai chu a kâng hmang hlak.

ISAI 10:17

Chun, Israelhai êntu chu mei dingin nîng a ta, an Mi Inthieng chu meichawk dingin ni bawk a tih: chu chun ni khat thilah a hlohlingneihai le a buorhai chu sukkângin sukbohmang a tih, hmawlin thing ni lo mihriem ân let lem ang elin maw!

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 30:30

Chun, Lalpa chun a râwl ropuitak chu inhriettir tâng a ta, a lunginsenna nasatak le thil kânghmang meichawkin, thlipui le ruopui le rielin, a kut thlâk dân chu inentir tâng a tih.

ISAI 30:33

Topheth pakhat chu inhma daia lo buotsai tah a ni si a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; Lalpa thuok, kât vadung luong ang chun a sukkâng dur dur a.

ISAI 31:9

Chun, a lungpui chu thil râpthlâktak leiin bohmang a ta, a mi lienhai chu inchikna leiin lunginzîng tâng an tih,” tiin; Lalpa, a mei Ziona um le, a rawtuina mei Jerusalema um chun a tih.

ISAI 5:25

Chuleiin, Lalpa lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong naw a; a kut chu a lân let ta rawp a.

ISAI 5:28

an thalhai chu inzumtak a na, an thalngulhai po po chu kuoi sain a um ṭhup a; an sakawr tinhai chu meitâwklung ang nîng an ta, an tawlailîr kehai chu thlivir ang ela ngai ni bawk an tih.

ISAI 51:20

I naupasalhai chu an châu a, sakêl lêna a âwk angin kawtthlêr tâwp tienga chun an zâl phung a, Lalpa lunginsenna le i Pathien kâwkna chun an sip tah a nih.

JEREMIA 25:37

Chun, Lalpa lunginsenna ṭiumna lei chun ran in muongumtakhai dâm chu an to ṭawk ṭawk a.

JEREMIA 4:13

Ngai ta, ama chu sûmhai angin a tungin hung a ta, a sakawr tawlailîrhai chu thlivir ang nîng an tih, a sakawrhai khawm chu mupuihai nêkin an hrât lem a nih. Ei chung a va rik de! suksietin ei um si a.

JEREMIA 4:3

Jerusalema le Juda rama mihai kuoma chun, Lalpa chun hieng hin a ti si a: In hnuoi inlet lo chu suknawi unla, hling lai chun chi thlâk naw ro.

JEREMIA 46:15

I mi hrâthai chu iengdingin am lên hmangin um an ta? Lalpa chun anni chu a hnawtdar leiin, anni chu an ngîr nawh.

EZEKIEL 38:17

Lalpa Pathien chun hieng hin a tih: ka siehlaw Israel zâwlneihaiin kum tamtaka chun anni indotir ka ti che tia chuong nihaia an lo hril, tienlaia a chanchin an lo hril hlak kha i ni naw am a nih?

EZEKIEL 5:15

Chuongchun, vauna ṭiumhai le, lunginthak le lunginsennaa rorêlnahai ka hung suktlung pha chun, i vêla hnam umhai ta ding chun makti ding le, inchûkna ding le, hrânghla le, invaunaa hmang la nîng a tih, kei Lalpa hin ka hril ta a nih:

DANIEL 11:40

Chun, hun tâwpa chun simtieng lal chun ama chu nawr a ta; hmârtieng lal chun lawng tamtakhai leh, sakawr chung chuong mihai leh, sakawr tawlailîrhai leh phaivaw hrâng ang elin ama chu hung rûn a tih; chun, ramhaia chun hung lût a ta, palzêl a ta, fe thleng a tih.

DANIEL 7:10

Chun, tuihnâr ṭiumtak a hung suok a, A hma bula inthawk chun a hung suok a, Sâng sânga sângin a rawng an bâwl a, Sang sâwm sâwma vawi sâng sâwm a hmaa chun an ngîr a; Rorêlna chu ṭan a ni tah a, Lekhabuhai chu hawngin a um ta a.

HOSEA 8:7

Thli an chîng a, thli sie an sîk ding a ni si a, Kûng ngîr a nei naw a, a zîk khawm chun ra insuo naw ni; Insuo khawm ni sienla, mikhuolhaiin fa zo an tih.

AMOS 7:4

Hieng ang hin Lalpa Pathien chun a mîn entir a; chun, en ta u, Lalpa Pathien chun meia do dingin a ko a; mei chun tui inthûk lien chu a kâng vawng a; ram khawm chu a kâng zo mêk bawk a.

NAHUM 1:6

A lungninawna hmaa chun tu am ngîr thei an ta, a lunginsenna nasataka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

HABAKKUK 3:8

Lalpa chu vadunghai chungachun a lungawi naw am a nih? Vadunghai chunga chun i lunginsenna chu a umin, Tuipui chunga chun i lunginsenna chu a um am a nih? I sakawrhai chunga chun i chuongin, I sandamna sakawr tawlailîrhaia chun i chuong hi?

ZEKARIA 6:1

Chun, ka mithai ka hang inlên nâwk a, tlâng pahni inkâra sakawr tawlailîr pali hung suok hi ka hmu a, ka en zing a; chu tlânghai chu dârsen tlâng an nih.

MATTHAI 22:7

Chuongchun, lal chu a lunginsen ta a; a sipaihai a tir a, chuong tuolthathai chu a sukbo a, an khuo khawm a rawpêk ta a.

DÂN PAHNINA 28:20

Lalpain in chunga in thilthaw taphawt chungah ṭawngsie dâm, buoina dâm, kâwkna dâm, hung tir a tih, tlâwm in ta, bohmang vak el in tih; in thilthawhai a suol a, in mi hnungnghat leiin.

2 PETER 3:7

nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.