ISAI 66:11 - Pathien Lekhabu Inthieng (BSI)

¹¹ in nêk, a thlamuongna nêneahai chun in tlai theina ding le, in nêk daa, a ropuina tamtaka chun in lâwm theina dingin,” ti hi.

ISAI 66:11 ပူးပေါင်းရင်းမြစ်များ

INPÂKNA HLABU 36:8

Anni chu i insûng thil ṭhain tlai bêk bêk an ta, I lâwmna vadunga mi chu indâwntir bawk i tih.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti che a; i kea pilvut chu liek an tih; chuongchun, kei hi Lalpa ka ni hung hre el i tih; a mi nghâktuhai chu muolphoin um naw ni hai.

ISAI 60:1

Tho la, var rawh, i var chu a hung tlung a; Lalpa ropuina chu i chungah a hung suok ta hi.

ISAI 60:16

Chun, hnam tin nênetui fâwp i ta, lalhai nêne khawm nêng i tih; kei Lalpa hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.

ISAI 60:2

Ngai ta, inthimin leihnuoi hi ân khum ding a ni si a, inthim sâmupin mihai ân khum bawk ding a nih: nisienlakhawm, Lalpa chu i chungah hung suok a ta, a ropuina chu i chungah lân lang a tih.

ISAI 60:5

Chu pha chun hmûng i ta, var tâng i tih, i lungril chu inthin a ta, suklienin um a tih; tuipuia sumdâwngna tamtak el chun nanga tieng a pan ding a ni leiin le, hnam tin sum chun i kuom a hung tlung ding a ni leiin.

ISAI 62:2

Chuongchun, hnam tinin i felna chu hmûng an ta, lal po poin i ropuina chu hmu bawk an tih; chun , hming thar, Lalpa bauin ân put ding chun ko an ti che.

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

1 PETER 2:2

naute pieng tharhai angin thlarau tieng nênetui iengkhawm pawl lo chu châk ro, chutaka chun sandamna tling khawpa in inṭhang lien theina dingin.