ISAI 66:10 - Pathien Lekhabu Inthieng (BSI)

¹⁰ “Jerusalem hmangaitu po pohai, Jerusalem chu hlimpui unla, lâwmpui ro; ama sûntu po pohai, lâwm leiin hlimpui ro;

ISAI 66:10 ပူးပေါင်းရင်းမြစ်များ

INPÂKNA HLABU 122:6

Jerusalem thlamuongna ding hnipêk ro, Nangma ngainatuhai chu thawveng an tih.

INPÂKNA HLABU 137:6

Ka hriet zing naw che chun, Ka lei hi ka dangah kawp tlat raw se; Ka hlimna tak nêka Jerusalem ka dit lem naw chun.

INPÂKNA HLABU 26:8

Lalpa, i umna in chu ka ngaina a, I ropuina umna khawm chu.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 35:2

Pâr vul chûk a ta, hlasak le lâwmin hlim a tih; Lebanon ropuina chu a kuoma pêk nîng a ta, Karmel le Saron mawina leh; Lalpa ropuina hmûng an ta, ei Pathien mawina leh.

ISAI 44:23

Aw vânhai, hlimtakin hla sak ro, Lalpain chu chu a thaw ta si a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: Lalpa chun Jakobhai chu ân tlan ta a, Israelhaia chun ân chawimawi ding a ni si a.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 65:18

Nisienlakhawm, ka thil siema chun kumkhuoin lâwmin hlim ro; ngai ta u, Jerusalem chu hlimnaah ka siem a, a mihai chu lâwmnaah ka siem a ni hi.

ISAI 9:3

Hnam chu i suktam ta a, an hlimna khawm i sukpung ta a; bu sîk laia hlim angin i hmaah an hlim ta a, miin râllâk sum an sema an hlim ang elin.

EZEKIEL 9:4

Chun, Lalpa chun a kuoma chun, “Khawpui laia chun, Jerusalem laia chun fe suok la, chu sûnga tirdakumnahai thawa um tahai po po leia khêk a, thuokdawnghai bâwkhaia chun inchikna sie rawh,” a ti a.

DÂN PAHNINA 32:43

“Aw, nangni hnam tinhai, A siehlawhai thisen phuba chu a lâk ding a nih; Ama dotuhai chungah phuba a lâk ding a nih, A ram le a mihai ta dingin inremna famkim siem a tih,”