ISAI 66:1 - Pathien Lekhabu Inthieng (BSI)

¹ Lalpa chun hieng ang hin a tih, “Vân ka ṭhungpha a na, hnuoi ka ke innghatna a nih; in ieng ang am in mi bâwlpêk ding a na? Khâwlai hmun am a na ka châwlna ding chu?

ISAI 66:1 ပူးပေါင်းရင်းမြစ်များ

1 LALHAI 8:27

Nisienlakhawm, Pathien chu hnuoia hin a um ngût ding am chu? Ngai ta, vân le vânhai vâna khawm i keng naw a na, hi ka in bâwla lem hin chu i vân leng naw nasa âwm ngei de!

1 CHANCHIN SUINA 28:2

Chun, lal David chu a kein a ngîr a, “Ka unauhai, ka mihai, lo ngai ta u; keia ngaia chun Lalpa thuthlungna bâwm châwlna ding in le, Pathien ke innghatna ding hmun bâwlpêk chu ka lungrilah a um a; chuongchun, a in bâwlna ding khawm chu ka siem zo hieu ta a.

2 CHANCHIN SUINA 2:5

Chu in ka bâwl chu a ropui hle a, kan Pathien chu pathien danghai po po nêkin a ropui lem hrim a.

2 CHANCHIN SUINA 6:18

Nisienlakhawm, thilthaw tinrêngah mihriemhai lai Pathien chu a khawsa ding am a nih? Ngai ta, vân le vânhai vân khawm chun nang chu a dâwl naw che a nih; hi in ka bâwl lem hi chu a chîn nasa âwm de!

INPÂKNA HLABU 11:4

Lalpa chu a biekin inthiengah a um a, Lalpa chu a ṭhungpha chu vânah a um; Mihriem nauhai hi a mitin a en a, a mitvun chun a fie hlak.

INPÂKNA HLABU 132:7

Ama umnaahai chun lût ei ta, A ke innghatna bula chun chibai bûk ei tih.

INPÂKNA HLABU 99:9

Lalpa ei Pathien chu chawimawi unla, A tlâng inthienga chun chibai bûk ro; Lalpa ei Pathien chu ân thieng si a.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 60:13

Ka hmun inthieng cheimawi dingin Lebanon ropuina chu i kuomah hung a ta, fâr dâm, phân dâm, fârsuok dâm chu hung an tih; chuongchun, ka kein a sirna hmun chu sukropui ka tih.

JEREMIA 23:24

Lalpa chun, ‘Mi tukhawm ka hmu lo dingah hmun fienrielahai ân bihmang thei am a nih?’ a tih. ‘Hnuoi le vân chu keia suksip a ni naw am a nih?’ Lalpa chun a tih.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

MATTHAI 12:6

Iengkhawm ni sien, Pathien biekin nêka ropui lem hitaka hin a um ti ka hril cheu hi.

MATTHAI 24:2

Chun, a inchûktirhai chu Pathien biekinhai inentir dingin a kuomah an hung a. Ama ruok chun, an kuomah, “Hieng po po hi in hmu maw? Titakzetin ka hril cheu hi, sukchim loa lung inthuo hrim hrim hitaka hin um naw ni,” a ta, a dawn a.

THILTHAWHAI 17:24

Pathien, khawvêl le a sûnga thil po po siemtu chu, hnuoi le vân lal a ni leiin, kuta bâwl inhaiah a um nawh.