ISAI 65:8 - Pathien Lekhabu Inthieng (BSI)

⁸ Lalpa chun hieng ang hin a tih, “Grêp bâwrah uoin thar an hmu a, miin, ‘Sukse naw, khataka khan malsâwmna a um si,’ an ti ang khan, ka siehlawhai leiin ti vêng ka tih, an rênga ka suksiet vawng nawna dingin.

ISAI 65:8 ပူးပေါင်းရင်းမြစ်များ

INṬANNA 18:26

Chun, Lalpa chun, “Sodom sûnga chun mi fel sâwmnga khawm ka hmu chun anni lei chun khaw pumpui chu hla el ka tih,” a ta.

ISAI 1:9

Sipaihai Lalpa chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 10:21

Hlabîkhai, Jakobhai laia a la dam sunhai chu, Pathien hrâttak kuoma chun la kîr nâwk an tih.

ISAI 10:22

I mi Israelhai chu tuisuoriet phaiphin zâtin um hai sien khawm, a la um sunhai chau chu an kîr nâwk ding a ni si a; felna luong liemna suksietna chu tlung dinga ruot tlat a nih.

ISAI 48:9

Ka sukbohmang nawna ding cheuin, ka hming leiin ka lunginsen chu khêk hrîng ka ta, inpâk ka hlawna dingin in chungah insûm ka tih.

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienlakhawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

JEREMIA 30:11

Nangma sandam ding chein i kuomah ka um si a, Lalpa chun a tih: nang ka sukdarna tieng chea hnamhai po po tâwpna letdêr chu siem ka ta, nang ruok chu suktâwp letdêr naw ning che; amiruokchu, rorêlnain sukdik lem ka ti che a, hrem lovin ieng kawnga khawm mâksan naw ning che.

JOEL 2:14

Lalpa in Pathien kuomah, beiphit inhlân le dâwn ding inhlânahai khawm chun, kîrin lungril inlêtin, malsâwmna mâksanin um naw ni ti tuin am a hriet a?

MATTHAI 24:22

Chun, chuong nihai chu suktâwi ni naw sien chu mihriem hrim hrim damin suok naw ni hai; nisienlakhawm, thlanghai lei chun chuong nihai chu suktâwi nîng a tih.

MARKA 13:20

Chun, Lalpân chuong nihai chu suktawi naw sien chu mihriem hrim hrim damin suok naw ni hai; nisienlakhawm, mi thlang a iruothai leiin nihai chu a suktawi a.