ISAI 65:7 - Pathien Lekhabu Inthieng (BSI)

⁷ nangni khawhlona le in puhai khawhlona chu, Lalpain a tih, chuonghai chun tlâng lien chungahai thil rim inhnik an raw a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

ISAI 65:7 ပူးပေါင်းရင်းမြစ်များ

1 LALHAI 22:43

A pa Asa lampui hraw po po chu a hraw ve a; pêtsan dêr lovin Lalpa mithmuah thilṭha a thaw hlak a, bâwlhmunhai chu a sukbo vawng naw a, bâwlhmunahai chun mihai chu an inthâwiin riminhnikhai chu an la raw zing hlak a.

1 LALHAI 22:44

Chun, Jehosaphat chun Israel lal le inremna a siem a.

2 LALHAI 12:3

Amiruokchu, bâwlhmunhai chu sukbohmang a ni chuong nawh; bâwlhmunahai chun mihai chu an inthâwiin riminhnik an la raw zing tho a.

2 LALHAI 14:4

Amiruokchu, bâwlhmunhai ruok chu sukbo a ni chuong nawh; bâwlhmunahai chun mihai chu an lân thâwiin, riminhnik an la raw zing hlak a.

2 LALHAI 15:35

Amiruokchu, bâwlhmunhai chu sukbo a ni chuong nawh; bâwlhmunahai chun mihai chu an lân thâwiin, rim inhnik an la raw zing hlak. Lalpa in kawtkhâr sakhnung lem chu a siemṭha a.

2 LALHAI 16:4

Chun, bâwlhmunahai, tlângahai, thing hring hmun tin hnuoia dâm ân thâwi a, riminhnik a raw a.

2 CHANCHIN SUINA 21:11

Chunawa khawm chun Juda ram tlângahai chun bâwlhmunhai a siem a, Jerusalema umhai chu ân uirettir a, chuongchun, Juda ram chu an lo ṭhuoi hmang ta a.

FESUOKNA 20:5

an kuoma chun kûnin an rawng i bâwl ding a ni nawh: Lalpa i Pathien hi Pathien thîkthusetak, pahai khawhlona chu nauhai chunga hung intlungtir hlaktu, a mi theidatuhai chu an thla suon thum le suon li chen chunga khawm, hremna intlungtir hlaktu le

ISAI 10:12

Chu lei chun Lalpa chun, Zion tlâng le Jerusalem chunga sinthaw ding po po a thaw zo pha chun, Assuria lal a lungril chapo ra le a mit chapo ropuina chu la hrem ka tih.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

ISAI 22:14

Chuongchun, sipaihai Lalpa chun ka naah ân hriettir a, “Matheilovin hi suolna hi in thi hmakhat chun nangni laia hi sukfai ni ta naw nih, Lalpa, sipaihai Lalpa chun a tih,” tiin.

ISAI 26:21

Ngai ta u, Lalpa chu, an suolna leia hnuoia umhai hrem dingin a umnaa inthawk chun a hung ṭum ding a nih; hnuoi khawm hin a thisenhai chu suklang a ta, mi an thathai chu inkhum ta naw ni.

ISAI 28:21

A sin, a sin danglam chu, a thaw theina ding le, a thilthaw, a thilthaw danglam chu a muolsuo theina dingin, Lalpa chu Perazim tlânga a tho ang khan a tho ding a ni si a, Gibeon ruoma a lunginsen ang khan a lunginsen ding a ni si a.

ISAI 29:14

chuleiin, ngai ta, hienghai lai hin thilmak thaw nâwk nghâl ka ta, thilmak, thilmaktak el chu; chuongchun, an mi varhai varna chu bohmang tâng a tih, an mi bengvârhai hrietna chu thupin um tâng a tih,” a ta.

ISAI 3:11

Mi suol chung chu a rik de! An la se ding a nih; an kuta thilthaw thungna chu an kuoma pêk a la ni ding a ni si a.

ISAI 30:13

hi khawhlona hi nangni ta ding chun lung bang insângtak a se lai, chim vâng vâng, pâwng pûr, kârlova, mitkhapkârlova se rup ding ang hi a ni ding a nih.

ISAI 30:14

Chuongchun, bêlhemtu bêl chu an suknawi ang hin, hla um dêr lova kawinawiin, a hlek laia, behâr thuka mei lâkna ding amanih, tuikhura tui thâlna ding amani khawm um lo khawpin, sukkawi nawi a tih,” tiin.

ISAI 57:12

I felna thu hi hril ka ta, i thilthawhai chu i ta dingin ienga ṭhahnem ni naw nih.

ISAI 57:7

Tlâng insâng inzotak chunga chun i khum chu i sie a, chutaka bawk chun inthâwina inhlân dingin i fe hlak.

ISAI 59:18

An thilthawhai angin, an thilthawhai ang ngeiin, ama chun thung a tih, ama dotuhai chu lunginsennain, a hmêlmahai chu thungnain thung a tih; thlierkârhai khawm thungrul a tih.

ISAI 65:6

Ngai ta u, ka hmaah ziekin a um a, to zing naw ningah a, thung lem ka tih, anih, an ângsûngah thung ve vêng ka tih,

ISAI 66:4

Ka ko lai khan tukhawma an mi dawn naw a, thu ka hril lai khan nain an hriet naw a, ka mithmua thil suol chu an thaw lem a, ka thil lâwm naw zâwng chu an thlang leiin kei khawmin anni hlêmna ding chu thlangpêk ka ta, an ṭi zâwnghai chu an chungah intlungtir ka tih,” tiin.

JEREMIA 13:25

Hi hi i chan tâwk, keima kuoma inthawka, i chan dinga ruot chu a nih; Lalpa chun a tih; kei i mi theinghil ta a, thil dik lo chu i lo ring ta lei khan.

JEREMIA 13:27

Ramhnuoi muol chunghaia i châkna hurna, i în hrâmnahai, i uirenahai, i tirdakumnahai chu ka hmu a. Aw Jerusalem, i chung a va rik de! sukthieng i ni âwm si naw a, ieng chen am a la ni ding chu aw?

JEREMIA 16:18

Chun, a hmasatakin, an khawhlona le suolna chu a let hniin thung ka ta, ka ram chu an thil thienglo ruokhai chun an lo sukpawrche ta a, ka rochan khawm an tirdakumna chun an lo suksip ta leiin.

JEREMIA 5:29

Hieng thilhai lei hin ka hung hrem naw ding am a nih? Lalpa chun a tih; hnam hieng ang chunga hin ka thlarau chun phuba a lâk naw ding am a nih?

JEREMIA 5:9

Hieng thilhai lei hin ka hung hrem naw ding am a nih? Lalpa chun a tih; ka thlarau chun hieng ang hnam chunga hin phuba a lâk naw ding am a nih?

EZEKIEL 18:6

tlânghai chunga chun a fâk bawk naw a, Israel sûngkuohai milimhai tieng chun a mithai ân lên bawk naw a, a tuolbâwm nuhmei chu a lo sukpawrche naw a, nuhmei insiehran lai a hung hnai bawk naw a;

DANIEL 9:8

Aw Lalpa, i chungah thil kan lo suksuol ta leiin, keini chu kan lalhai leh, kan ṭhuoituhai leh, kan thlatuhai leh hmêl hamhaitak put kan nih.

HOSEA 11:2

Ka ko râwn po leh an mi hlat zuol det a, Baalhai kuomah an inthâwi zing a. Mi lim siem fâwmhai kuomah riminhnik an raw lem a nih.

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi Lalpa thu suok a nih.

LEVI DÂN 26:39

Chun, nangni laia mi la umsunhai chu in hmêlmahai ramah an rîtlona leiin rêm tiel tiel an ta; an pi le puhai chun an rîtlona an rêm pha angin, anni khawmin rêm pha bawk an tih.

NAMBAR 32:14

Chun, ngai ta u, Israelhai chunga Lalpa lungsenna ṭiumtak chu belsain nangni suon suolhai hin in puhai ai in aw ta a.

LUKA 6:38

Pe ro, chuongchun pêkin um in tih, ṭhahnemngaitaka inkhia, namdêna, sâwi muka, liem zar zara, in mal chungah pêk nîng in tih. In inkhîna ngai bawkin inkhipêk in ni ding a ni si a,” a ta.

1 THESSALONIKA 2:16

sandam an ni theina dinga Jentailhai laia thu hril an mi khap hlak si a, chuong anga an suol inkhina suksip rawp dingin, nisienlakhawm, lunginsenna chu an chungah a tâwp khâwk râwtin a hung tlung tah.