ISAI 65:6 - Pathien Lekhabu Inthieng (BSI)

⁶ Ngai ta u, ka hmaah ziekin a um a, to zing naw ningah a, thung lem ka tih, anih, an ângsûngah thung ve vêng ka tih,

ISAI 65:6 ပူးပေါင်းရင်းမြစ်များ

INPÂKNA HLABU 107:17

Mi invêthai chu an bawsietna lei le, An rîtlonahai leiin an insukrinum hlak a.

INPÂKNA HLABU 109:14

A thlatuhai rîtlona chu Lalpa kuomah hriet zingin um sien la, A nu suolna chu thai hmangin um naw raw se.

INPÂKNA HLABU 50:21

Chuong thil chu i thaw a; nisienlakhawm, ka to zing a; Chuongchun, nangma ang charah i mi ruot hlak a, Nisienlakhawm, kâwk ka ti che a i mithmuah indawt peiin suklang ka tih.

INPÂKNA HLABU 50:3

Ei Pathien chu hung a ta, to zing naw nih: A hmatieng chun mei kâng dur dur a ta, A vêla chun thlipui nasatak hrâng bawk a tih.

INPÂKNA HLABU 56:8

Nangin kân vâkvainahai hi în chik hlak a, Ka mitthlihai hi i savun pênga chun thun la. I lekhabuah a chuong tâwl naw am a nih?

INPÂKNA HLABU 79:12

Aw Lalpa, nangma an hrilsietna che kha, Kan vêla mihai kuomah an ângsûngah a lêt sariin thung nâwk rawh;

FESUOKNA 17:14

Chun, Lalpa chun Mosie kuomah, “Lekhabuah hi hi hriet zingna dingin ziek la, vân hnuoi po poa inthawkin Amalek hriet zingna hi thai hmang dêr ka tih ti Joshua naa chun inhriettir rawh,” a ti a.

ISAI 26:21

Ngai ta u, Lalpa chu, an suolna leia hnuoia umhai hrem dingin a umnaa inthawk chun a hung ṭum ding a nih; hnuoi khawm hin a thisenhai chu suklang a ta, mi an thathai chu inkhum ta naw ni.

ISAI 3:11

Mi suol chung chu a rik de! An la se ding a nih; an kuta thilthaw thungna chu an kuoma pêk a la ni ding a ni si a.

ISAI 42:14

Sâwttak ka to zing ta a; ka um ṭawk ṭawkin kân sûm hrâm hram hlak; tu ruok hin chu nuhmei nauhase angin khêk tuor tuor ka ta; inthuok huom huomin inthuok hlawp hlawp bawk ka tih.

ISAI 59:18

An thilthawhai angin, an thilthawhai ang ngeiin, ama chun thung a tih, ama dotuhai chu lunginsennain, a hmêlmahai chu thungnain thung a tih; thlierkârhai khawm thungrul a tih.

ISAI 64:12

Aw Lalpa, chuong thilahai chun în sûm thei ding am a nih? I to zingin i mi sukrimsi nasa zing ding am a nih?

ISAI 66:6

Ngai ro, khawpuia sa mur mur ri chu! biek ina ri a ni chu! a hmêlmahai thungtu Lalpa ri a ni chu!

JEREMIA 16:18

Chun, a hmasatakin, an khawhlona le suolna chu a let hniin thung ka ta, ka ram chu an thil thienglo ruokhai chun an lo sukpawrche ta a, ka rochan khawm an tirdakumna chun an lo suksip ta leiin.

EZEKIEL 11:21

Nisienlakhawm, an lungrilhaia an tirdakumna le an pawrchenahai zâwmtuhai chu, an lu chunghaia ngei chun an suol maw chu innghat ka tih, Lalpa Pathien chun a tih,” tiin.

EZEKIEL 22:31

Chuleiin, ka lunginsenna chu an chunga chun ka bunthlâk a, ka lunginsenna mei chun anni chu ka kâng hmang ta a; an lampuihai chu anni lu chunga ngei chun ka hung intlungtir ta a, Lalpa Pathien chun a tih,” tiin.

EZEKIEL 9:10

Chuongchun, keia ta ding khawma, ka mitin hla naw ni a, lunginsietna nei bawk naw ning, amiruokchu, an suol man chu an lu chungah innghat lem ka tih,” a ta.

JOEL 3:4

Anih, aw Tura le Sidon le Philistin ram po pohai, ka ta dingin ieng am in ni a? In mi thung ding am a nih? In mi thung chun, hrâttakin, inhmawtakin in mi thungna chu in lu chung ngeiah thung vêng ka ti cheu.

MALAKI 3:16

Chun, Lalpa ṭi mihai chu an inbiek tâwl a; chun, Lalpa khawmin anni chu a ngai ngei a, a hriet a, ama hmaa chun hriet zingna lekhabu chu, Lalpa ṭituhai le, ama hming ngaituo hlaktuhai ta ding chun ziekin a um ta a.

LUKA 6:38

Pe ro, chuongchun pêkin um in tih, ṭhahnemngaitaka inkhia, namdêna, sâwi muka, liem zar zara, in mal chungah pêk nîng in tih. In inkhîna ngai bawkin inkhipêk in ni ding a ni si a,” a ta.

DÂN PAHNINA 32:34

“Chu chu kân khâwlkhâwm, Ka robâwma châr khum chie a ni naw am a nih?

THUPUONGSUO 20:12

Chun, mithihai a lien a chîn, lalṭhungpha hmaa ngîr ka hmu a. Chun, lekhabuhai an phar a,lekhabu dang Hringna bu chu an phar bawk a, mithihai chu lekhabuhaia ziek an thilthaw ang peiin rêlpêkin an um ta a.