ISAI 65:4 - Pathien Lekhabu Inthieng (BSI)

⁴ thlân laiahai ṭhunga, hmun fienrielhaia riek hlakhai, vawk sa faa, an bêlhaia thil tirdakumhai tuihâng um hlakhai,

ISAI 65:4 ပူးပေါင်းရင်းမြစ်များ

FESUOKNA 23:19

I hnuoi ra hmasatak laia a ṭha tak chu Lalpa i Pathien ina chun i hung lâk ding a nih. Kêlte chu a pui nênetuiin i suong ding a ni nawh.

FESUOKNA 34:26

I hnuoi ra thar hmasatak chu Lalpa i Pathien inah i hung lâk ding a nih. Kêlte chu a nu nênetuiah i suong ding a ni nawh,” tiin.

ISAI 66:17

Huonahai chun an fe a, a laia mi hnunga um nghien dinga insukthieng le insukfai hlakhai, vawk sa le thil tirdakum le mazu fa chu bohmang tâwl an tih; Lalpain a tih.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

EZEKIEL 4:14

Chun, kei chun, “A, Lalpa Pathien! ngai ta, kei chu ka lungril khawm sukpawrche a la ni naw a, ka tleirâwla inthawk tah tu chen hin amaa thi amanih, ramsahaiin an kei nâwi amanih ka fâk ngai naw a, ka baua hin sa tirdakum hrim hrim a lût ngai nawh,” ka ti a.

LEVI DÂN 11:7

Vawk, a tin chu ân kâk a, irsuok a sawi naw leiin in ta dingin a thiengnaw a nih.

ZEKARIA 9:7

A thisen chu a baua inthawkin le a tirdakumna chu a hahai kâra inthawkin la hmang ka ta; ama khawm chu ei Pathien ta dinga a la um sun hung nîng a tih; Judaa chun lal hung nîng a ta, Ekron mihai chu Jebus mi ang hung nîng an tih.

NAMBAR 19:11

“Tu ruong khawm themtu chu ni sari thienglo nîng a tih.

MATTHAI 8:28

Chun, râl khingtieng Gadarin mihai ram chu a tlungin, khawhri iman pahni, thlâna inthawka hung suokin, an hung intuokpui a; an hrâng bêk a; chuongchun, chu lampuia chun tukhawm an fe thei naw a.

LUKA 8:27

Chun, khawmuola a suokin, khuoa mi khawhri iman tûin amanih ân tuokpui a; ina hrim khawm a um naw a, thlânahai a um lem hlak a.

DÂN PAHNINA 14:21

“Mania thi chu iengkhawm in fâk ding a ni naw a, in umpui ram dang mihai fâk dingin pe thei in tih; hnam dang mihai kuomah a zawrin zawr thei bawk in tih; nangni chu Lalpa in Pathien ta dinga hnam inthieng in ni si a. Kêlte chu a pui nênetuiin in suong ding a ni nawh.

DÂN PAHNINA 14:3

“Thil tirdakum hrim hrim in fâk ding a ni nawh.

DÂN PAHNINA 14:8

Chun, vawk hi a tin chu ân kâk dea chu irsuok a sawi naw leiin in ta dingin tirdak a um a nih, a sa in fâk ding a ni naw a, a ruong khawm in them ding a ni nawh.

DÂN PAHNINA 18:11

dâwi invêt thiem dâm, khawhri zâwl ruoi dâm, thiemrâu dâm, mithi biek chîng mihai dâm chu nangni lai an um ding a ni nawh.