ISAI 65:24 - Pathien Lekhabu Inthieng (BSI)

²⁴ Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

ISAI 65:24 ပူးပေါင်းရင်းမြစ်များ

INṬANNA 24:15

Chun, a hril zo hmain, ngai ta, Abraham sangpa Nahor nuhmei Milka naupa Bethuel naunu Rebeka chu a liengkoa tuibêl putin a hung suok a.

2 LALHAI 19:20

Chuong lai chun Amoz naupa Isai chun Hezekia kuomah, “Lalpa Israel Pathien chun hieng ang hin a ti a nih ‘Assuria lal Sennakerib sietna ding tienga ka kuoma i ṭawngṭai kha ka lo hriet,’ tiin, mi a tir a.

INPÂKNA HLABU 32:5

Ka suolna chu i kuomah ka puong a, Ka rîtlona chu ka ip ta naw a, “Ka bawsietna chu Lalpa kuomah thupha châwi tâng ka tih,” ka ti a; Chuongchun, ka suol rîtlona chu i lo ngaidam ta kha.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

ISAI 30:19

Mihai chu Jerusalema Ziona chun an um ding a ni si a; ṭap nâwk ta naw ti niu a, in khêk ria chun ama chun lunginsiet ngei ngei a ti cheu a, a hriet phingleh dawn a ti cheu.

ISAI 41:17

Mi rimsi le pasiehai chun tui an zawng hlak a, a um si naw a, an lei dangchârin a ṭâwl vawng hlak; kei Lalpa hin anni chu dawn ka ta, kei Israelhai Pathien hin anni chu mâksan naw ning.

ISAI 55:6

Hmu awla a um lai hin Lalpa chu zawng unla, a hnâi lai hin ko ro;

ISAI 58:9

Chu pha chun ko i ta, chuongchun, Lalpa chun dawn a tih; hang ko i ta, chuongchun, ama chun, ‘Hitaka hin ka um,’ tîng a tih. Nangni laia inthawka rîngkawl dâm, kutchala mi khîk dâm, suoltaka ṭawnghai hi i sukbo a,

ISAI 59:1

Ngai ta u, Lalpa kut chu sandam theilo dingin suktawiin a um naw a, a na chu hre theilo dingin, a sêt bawk nawh:

DANIEL 10:12

Chun, ama chun ka kuomah, “Daniel ṭi naw rawh, i Pathien hmaa nang le nang în sukhnuoi a, a ngaina hre dinga i lungril i siem nia inthawk khan i thuhai chu hriet a lo ni ta a, i thuhai lei chun hi ka hung a nih.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

MARKA 11:24

Chuleichun, ka ti cheu hi, iengkim ṭawngṭaia in hni taphawt chu, hmusain inngai unla, chuongchun, hmûng in tih.

THILTHAWHAI 4:31

Chun, an ṭawngṭai zo chun an umna in chu a hung inhnîng a, an rêngin Thlarau Inthiengin an hung sip a, huoitakin Pathien thu an hril ta a.