ISAI 65:21 - Pathien Lekhabu Inthieng (BSI)

²¹ Chun, inhai bâwl an ta, chuonga chun um zing bawk an tih; grêp huonhai siem an ta, a ra fa bawk an tih.

ISAI 65:21 ပူးပေါင်းရင်းမြစ်များ

INPÂKNA HLABU 107:37

Lohai an nei a, grêp huonhai an siem a, A ra hung punghai chu an hmu theina dingin.

ISAI 30:23

Chuongchun, ama chun in bu chi hnuoia in tu ding ta ding chun ruotui chu pêng a ta; hnuoia thil mâwnghai chu bu dingin pêng a tih; chu chu ṭhatak, hlâwktak nîng a ta, chu nia chun in ranhai chu ran tlatna hmun lientakahai chun tlâng an tih.

ISAI 32:18

Chuongchun, ka mihai chu râlmuonga umnaahai le in dettakhaia le châwlna hmun muongumtakhaia chun um tâng an tih.

ISAI 37:30

Chun, hi hi i ta dinga inchikna ding chu nîng a tih; tu kum hin bu inhli ring in ta, kum nâwk khawm chu inhli bawk chu ring in tih; chun, a kum thumnaa chun bu tu unla, ât unla, grêp huonhai siem unla, a ra chu fa ro.

LEVI DÂN 25:19

Ram chun ra insuong a ta, tlaitakin chên in ta, thlamuongtakin in va khawsa ding a nih.

LEVI DÂN 26:16

kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

AMOS 9:14

Chun, ka mi Israelhai chu sala inthawkin ṭhuoi kîr nâwk ka ta; khaw ṭâwphai chu siem nâwk an ta, hluong an tih; chun, grêp huonhai siem an ta, a uoin dâwn an tih; huonhai khawm siem an ta, a ra chu fâng an tih.