ISAI 65:2 - Pathien Lekhabu Inthieng (BSI)

² Mi hel hmanghai ta dingin sûnnithlâkin ka bânhai ka phar hlak, chuonghai chu anni ngaituona ang peia lampui ṭha nawa fe hlakhai,

ISAI 65:2 ပူးပေါင်းရင်းမြစ်များ

INṬANNA 6:5

Chun, Lalpa chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INPÂKNA HLABU 36:4

A khumlaizâwla chun thilsuol a ngaituo hlak a, Lampui ṭha nawa chun a fe hrâm hrâm a, Suolna chu a tirdak nawh.

INPÂKNA HLABU 36:5

Aw Lalpa, i ngilneina chu vânhaia khin a um a, I ringumna chun vân dumhai khi a tawng a nih.

THUVARHAI 1:24

Ka ko cheu a, in ngaisak naw a, Ka bân ka pharsuok a, tukhawma in ngaisak naw a,

THUVARHAI 16:29

Mi hrângsie chun a tuolbâwm chu a vethlêm a, Lampui ṭhalova chun ama a ṭhuoi hlak.

ISAI 1:2

Aw vânhai, ngai unla, aw leihnuoi, na sit rawh, Lalpa chun thu a hril ie: “Nauhai chu ka châwm puitling a, ka chungah an hel ta si a.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai naw a, hmeithai thu hlak an kuom a tlung ngai nawh.

ISAI 30:1

Lalpa chun, “Nau helhmanghai chu an chung a rik ie! chuonghai chun mi an râwn a, kei ruok chu an mi râwn si naw a, an suol chunga suol an belsana dingin inkhumnain an inkhum a, ka thlarau thu ruok chun an inkhum si naw a;

ISAI 30:9

Chuonghai chu mi hel hmang dâm, nau khêlhlip dâm, nau, Lalpa dân ngai nuom lohai an ni si a;

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

ISAI 55:8

Ka ngaituohai hi i ngaituohai a ni si naw a, i um dânhai chu ka um dân a ni bawk nawh, Lalpain a tih.

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw ta a.

ISAI 66:18

An thilthawhai le an ngaituohai chu ka hriet si a; hnam tinrêng le ṭawng tinrêng ka ṭhuoi khâwm hun a la hung tlung ding a nih; chuongchun, hung an ta, ka ropuina hmûng an tih.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

ISAI 66:4

Ka ko lai khan tukhawma an mi dawn naw a, thu ka hril lai khan nain an hriet naw a, ka mithmua thil suol chu an thaw lem a, ka thil lâwm naw zâwng chu an thlang leiin kei khawmin anni hlêmna ding chu thlangpêk ka ta, an ṭi zâwnghai chu an chungah intlungtir ka tih,” tiin.

JEREMIA 18:12

“Nisienlakhawm, ‘Beiseina hrim a um nawh, mi tin mâni ngairuotna ang seng ei hraw ding a na, eini mi tin chun mâni lungril rilo ngarzie ang peiin ei thaw el ding a nih,’ an ta.

JEREMIA 3:17

Chu pha chun Jerusalem chu Lalpa lalṭhungpha tiin inbûk an ta, hnam po pohai chu chutaka chun kei khâwm nîng an ta, Lalpa hmingin Jerusalema chun, an lungril rilo ngarna ang chun fe khâwm nâwk ta ngai naw ni hai.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

JEREMIA 5:23

Amiruokchu, hi hnam hin lungril hel le, lungril inher an nei a, an hel a, an fe ta a.

JEREMIA 7:24

Nisienlakhawm, an ngai naw a, an na khawm an sit bawk naw a, amiruokchu, anni remruotnaa le, an lungril rilo kâwmâwna chu hrawin, hmatiengah ni lovin an kîr nâwk ta lem a.

NAMBAR 15:39

chu rei chu in en hlak a, Lalpa thupêk po po in hriet zinga in zâwmna ding le nawchizawra in um hlak anga in lungril dit zâwng le in mit la zâwng hnawta in um nawna dingin le,

MATTHAI 15:19

Lungrila hin ngaituona suolhai, tuolthatna hai, uiretna hai, inditna hai, inrûkna hai, inhêkna hai, hrilsietna hai a hung suok hlak si a.

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

LUKA 13:34

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu; ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum kha! Nisienlakhawm, in nuom si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:21

Amiruokchu, Israelhai thua chun, “Mi timawhai le sêlhrâthai ta dingin, Sûnnithlâkin ka bânhai ka phar hlak kha,” a ti a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

DÂN PAHNINA 29:19

Hi inkhâmna thu ngaithlatu po poin, ‘Lulultakin ei lampui hraw chu hraw zing inla khawm him tho ei tih,'tia lungrila ngaidân siem a, inthlamuontu um hlau rawi an tih. (Chu chun ram hnâwng le ram ṭâwt chungah sietna intlun a tih).

DÂN PAHNINA 31:27

Hel in chîngzie dâm, in kâwmawzie dâm ka hriet a nih; ngai ta u, tuta ka la dampui lai cheu hmana Lalpa chungah in hel hlak a; ka thi hnunga lem chu iengtin takin am a nasa ding chu aw!

DÂN PAHNINA 9:7

“Thlalêra Lalpa lung in suksen hlakziehai dâm kha hre zing unla, theinghil naw ro. Aigupta rama inthawka in suok nia inthawka hi hmun in hung tlung chen hin Lalpa chunga helhmang in nih.