ISAI 65:19 - Pathien Lekhabu Inthieng (BSI)

¹⁹ Jerusalem chunga chun hlim ka ta, ka mihai chunga khawm lâwm ka tih; a sûnga chun ṭap ri chu hriet ni ta naw ni a, inrûm ri khawm hriet ni ta naw ni;.

ISAI 65:19 ပူးပေါင်းရင်းမြစ်များ

INPÂKNA HLABU 144:14

Ei bâwng ruolhaiin tê pâia nei ṭeuin, Te insietna le hlawsamna hrim a um naw phâleh, Ei kawtthlêrhaia beidawng khêk râwl hrim hrim a um dêr naw pha chun:

HLAHAI HLA 3:11

Aw nangni Zion naunuhai, fe suok unla, lal Solomon chu en ro, Nuhmei a nei nia le a lungril a hlim nia a nuin lallukhum ân khumtir kha.

ISAI 25:8

Thina chu a lem sawng tah; Lalpa Pathien chun mi po po hmaia inthawk chu mitthlihai chu hrufai a tih; a mihai hming sietna chu leihnuoi po po chunga inthawk hin la hmang a tih; Lalpain chu chu a hril ta si a.

ISAI 30:19

Mihai chu Jerusalema Ziona chun an um ding a ni si a; ṭap nâwk ta naw ti niu a, in khêk ria chun ama chun lunginsiet ngei ngei a ti cheu a, a hriet phingleh dawn a ti cheu.

ISAI 35:10

chun, Lalpa intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 60:20

I nisa chu tla ta naw ni a, i thla khawm chu bo ta bawk naw nih: Lalpa chu i kumkhaw var a ni ding a ni si a, i lusûn nihai chu a tâwp ta ding a ni si a.

JEREMIA 31:12

Chun, hung an ta, Zion tlâng insângna laiahai chun hla hung sak an ta; Lalpa ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

JEREMIA 32:41

Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

EZEKIEL 36:15

chun, hnamhai inzakna chu inhriettir ta ngai bawk naw ning che a, hnamhai kâwkna chu phur ngai ta bawk naw ti ni; chun, i hnamhai chu insuithlu dingin siem nâwk ta ngai bawk naw ti ni, Lalpa Pathien chun a tih,” tiin.

ZEPHANIA 3:15

Lalpa chun i chungthu rêlna chu a lâk hmang ta a, I hmêlma khawm chu a hnawt dawk tah a nih; Israel Lal, Lalpa ngei chu nangmaa chun a um a, Thil ṭha naw hril ṭi ta dêr naw ti nih.

ZEPHANIA 3:17

Lalpa i Pathien thilthawtheitak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

ZEKARIA 2:10

Aw Zion naunu, hlim la, hla sak rawh, en ta, ka hung mêk a, nangni lai chun ka chêng ding a ni si a, Lalpa chun a tih.

LUKA 15:3

Chuongchun, ama chun an kuomah hi tekhithu hi a hril a;

LUKA 15:5

Chun, a hmu nâwk chun, lâwmtakin a liengkoah a put hlak.

THUPUONGSUO 21:4

An mita inthawkin mitthli po po hrufai a ta; Thina um nâwk ta naw ni a, Lungngai dâm, ṭap dâm, nat dâm khawm, Um nâwk ta bawk naw ni a; Thil hmasahai chu a bo tah,” tiin.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.