ISAI 65:15 - Pathien Lekhabu Inthieng (BSI)

¹⁵ Chun, in hming chu ṭawng inkhâmna dingin ka mi thlanghai kuoma chun mâksan in ta, Lalpa Pathien chun sukhlum a ti cheu a, chun, a siehlawhai chu hming dangin ko tâng a tih;

ISAI 65:15 ပူးပေါင်းရင်းမြစ်များ

INPÂKNA HLABU 102:8

A mi dotuhai chun sûnnithlâkin an mi hrilsiet hlak a, Ka chunga ṭiumhai chun vânnikhâmnain an mi hmang a.

THUVARHAI 10:7

Mi indik hriet zingna chu malsâwmin a um a, Mi khawhlo hming ruok chu thâm hmang a tih.

ISAI 62:2

Chuongchun, hnam tinin i felna chu hmûng an ta, lal po poin i ropuina chu hmu bawk an tih; chun , hming thar, Lalpa bauin ân put ding chun ko an ti che.

ISAI 65:12

ka ko lai cheu khan in mi dawn nuom naw a, thu ka hril lai khan nain in hriet nuom naw a, ka mithmuah thil suol chu in thaw lema, ka thil lâwm naw zâwng chu in thlang leiin kâwlhnâmin in chantâwk chu rêlpêk ka ti cheu a, in rêngin thatnaa chun kûn vawng in tih.

ISAI 65:22

Mi dang umna dingin in bâwl ta naw ni hai a, mi dang fâk dingin grêp huon siem nâwk ta bawk naw ni hai; thing dam sûng nihai ang hin ka mihai dam sûng nihai chu a um ding a ni si a, ka mi thlanghai chu sâwttak an thawsuok chunga chun an lâwm ding a nih.

ISAI 65:9

Chun, Jakoba inthawkin chi pakhat suksuok ka ta, Judaa inthawkin ka tlânghai hluotu ding chu suksuok bawk ka tih; chuongchun, ka mi thlanghai chun chu chu hluong an ta, ka siehlawhai chu chutaka chun um an tih.

ISAI 66:15

Ngai ta u, a lunginsenna chu hrîkthla ding le, a kâwkna chu meichawkhaia hrîkthla dingin, Lalpa chu mei leh a hung ding a ni si a, a tawlailîrhai chu thlivir ang el nîng a tih.

JEREMIA 24:9

anni chu thil ṭha nawa hnungtieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 25:18

Chuong chu hieng Jerusalem le Juda khawpuihai le a sûnga lalhai le rorêltuhai chu, vawisûn ni anga hi, anni chu râusan le maktia le, incheknaa le, ṭawngsephura siem dingin;

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 29:18

Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawngdâwng dingin hnuoia lalram po po laia hnungtieng hmatienga nawrlênga um dingin pe suok ka tih;

JEREMIA 29:22

Babulona Juda sal intânghai po po chun, “Zedekia le Ahab, Babulon lalin a rawhai ang chun Lalpa chun siem raw se che,” tiin, anni chungthua chun ṭawngse inphurna takah hmang an tih:

JEREMIA 42:18

Sipaihai Lalpa Israel Pathien chun hieng hin a ti si a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwmhnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

JEREMIA 44:12

Juda la um sunhai chu ṭhuoi ka ta, chutaka va mikhuol dinga Aigupta ram tieng an hmai innghathai chu; chun, anni chu bohmang vawng an ta, Aigupta rama chun tlûng an ta; ṭâmna le kâwlhnâmin anni chu sukbohmang nîng an tih; thîng an ta, a chîn taka inthawka a lien tak chenin kâwlhnâm le ṭâmin thîng an tih; chuongchun, anni chu hnâwmhnawk le, makti ding le, ṭawngsephur le ṭawngsekawk nîng an tih.

EZEKIEL 14:8

chu mipa chunga chun ka hmai innghat ka ta, thuvara inchikna dingin thilmakah siem ka ta, ka mihaia inthawk chun ama chu sât thlâng ka tih; chun, Lalpa chu ka ni ti mi hre tâng in tih.

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

MATTHAI 21:41

Anni chun a kuomah, “Chuong mi suolhai chu rimsitakin sukbohmang a ta, grêp huon chu lo enkawltu dang, a lo pha po leh a rahai chu a kuomah pe pei dinghai kuomah thlohlaw dingin pêng a tih,” an ta.

MATTHAI 22:7

Chuongchun, lal chu a lunginsen ta a; a sipaihai a tir a, chuong tuolthathai chu a sukbo a, an khuo khawm a rawpêk ta a.

THILTHAWHAI 11:26

Chun, kum khat zet kohranhai inkhâwmnaa chun an ṭhang ve hlak a, mi tamtak an inchûktir hlak a. Antiokeia chun a nih inchûktirhai chu “Kristien” an ti hmasa tak chu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:26

Chun, hieng hi hung nîng a ta, an kuoma, ‘Ka mihai in ni nawh,’ tia an umna hmun ngeia chun, Pathien hring nauhai inbûkin um an tih,” tia a hril ang ngei khan.

1 THESSALONIKA 2:16

sandam an ni theina dinga Jentailhai laia thu hril an mi khap hlak si a, chuong anga an suol inkhina suksip rawp dingin, nisienlakhawm, lunginsenna chu an chungah a tâwp khâwk râwtin a hung tlung tah.

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.