ISAI 65:12 - Pathien Lekhabu Inthieng (BSI)

¹² ka ko lai cheu khan in mi dawn nuom naw a, thu ka hril lai khan nain in hriet nuom naw a, ka mithmuah thil suol chu in thaw lema, ka thil lâwm naw zâwng chu in thlang leiin kâwlhnâmin in chantâwk chu rêlpêk ka ti cheu a, in rêngin thatnaa chun kûn vawng in tih.

ISAI 65:12 ပူးပေါင်းရင်းမြစ်များ

ISAI 1:16

Insâwp unla, insukfai ro, ka mithmu phâk nawah in thilthawhai hi a suolna chu sie hmang ro; suol thaw thaw el hi ma ta unla, thil ṭha thaw inchûk ta ro;

ISAI 1:20

nisienlakhawm, in nuom naw a, in hel chun kâwlhnâmin fa zo a ti cheu; Lalpa bau chun chu chu a hril tah a nih,” a ta.

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

ISAI 27:1

Chu nia chun Lalpa chun a kâwlhnâm ngei ṭhatak, lientak, ringumtak chun leviathan rûlpui hrâttak le leviathan rûlpui kâwi ngul chu hrem a ta, tuipuia dragon um chu that bawk a tih.

ISAI 3:25

I mihai chu kâwlhnâma sukthlûkin um an ta, i mi hrâttakhai chu indonaah tlûng an tih.

ISAI 34:2

Lalpa chun hnam tinrêng chunga chun lungninawna a neiin, an sipaihai po po chunga chun lunginsenna a nei si a; anni chu a sukbohmang vawng a, that dingin a pêk ta a.

ISAI 34:5

Ka kâwlhnâm chun vânah tlaitakin a dâwn ta si a, ngai ta, chu chu, rorêl dingin, Edom mihai chunga le, ka ṭawngse inphur mihai chunga chun tlâng a tih.

ISAI 34:6

Lalpa kâwlhnâm chu thisenin a khawp a, thâunaa sukthâuin a um ta a; berâmte le kêlte thisenin, berâmchal kal thâu dâmin; Lalpa chun Bozra khuoa chun inthâwina a nei a. Edom rama chun thatna nasatak a nei bawk si a.

ISAI 41:28

Chun, ka hei en khawma mi hrim hrim an um naw a; anni chu ka hei indawn khawmin anni lai remruottu, thu pakhat khawm dawn thei, tukhawm an um dêr nawh.

ISAI 50:2

Ieng leiin am ka hung khan mi hrim hrim an um naw a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthawtheina hrim hrim ka nei nâwm a nih? Ngai ta u, ka kâwknain tuipui ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thu a, dangchârin an thi hlak.

ISAI 59:15

Anih, thutak a um ta naw a; thil ṭha naw bânsantu chu râllâkah ân siem hlak; Lalpain chu chu a hmu a, indikna hrim hrim um ta naw chun a suklungni ta naw a.

ISAI 63:6

Chuongchun, mi tin chu ka lunginsenin ka sirde a, ka lunginsenin ka sukrui a, an hringna thisen chu hnuoiah ka bunthlâk tah.

ISAI 65:3

huonahai inthâwia, ṭêklei chungahai thil rim inhnik rawa, ka hmaisan ngeia mi suklungsen hlaktuhai,

ISAI 66:16

Meiin a nih Lalpain a ngaituo ding chu, a kâwlhnâmin a nih mi po po a ngaituo ding chu; chuongchun, Lalpa isukhlumhai chu tamtak nîng an tih.

JEREMIA 16:17

An lampuihai po po chu ka mit chun a en zing a, ka hmaia inthawka thup an ni naw a, ka mithmua inthawkin an suolnahai khawm chu thup a ni bawk nawh.

JEREMIA 18:21

Chuleiin, an thlahai chu ṭâm kuoma chun pe la, anni chu kâwlhnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 34:17

Chuleiin, Lalpa chun hieng hin a tih: Mi tinin mâni unaupa chunga le, mi tinin mâni tuolbâwm chunga zalênna puong dingin ka thu in ngai naw a nih; ngai ta u, kâwlhnâm kuoma le, ṭâm kuoma le hripui kuoma chun in ta dingin zalênna chu ka puong a nih, Lalpa chun a tih: chuongchun, leihnuoia lalram po pohai laia hnungtieng hmatienga hnawt lêng dingin ka siem ding cheu a nih.

JEREMIA 35:17

chuleiin, Lalpa, Sipaihai Pathien, Israel Pathien chun hieng hin a tih: Ngai ta u, Juda ram chunga le Jerusalem hluotuhai po po chunga chun, an chunga thil ṭha naw tlung ding ka hril ta kha ka hung intlungtir ding a nih; an kuomah thu ka hril a, an ngai naw leiin, anni chu ka ko a, an mi dawn naw leiin,” tiin.

JEREMIA 7:13

Chun, tuhin Lalpa chun, ‘Hieng thilhai po po hi in thaw ta leiin, inhmataka thoa thu hrilin, in kuoma ngei chun thu ka lo hril ta a; nisienlakhawm, in ngai si naw a; ka ko cheu a, in mi dawn naw a;

JEREMIA 7:27

Chun, hieng thuhai po po hi an kuoma chun i hril ding a nih; amiruokchu, i thu chu ngai naw ni hai; anni chu ko bawk i ta, nisienlakhawm, dawn naw ni hai che.

LEVI DÂN 26:25

In chungah kâwlhnâm inlêngtir ka ta; chu chun thuthlung phuba chu lâng a ta, mâni khaw sûng sengah intawm khâwm in tih; chun, nangni lai hri inlêngtir ka ta, hmêlmahai kutah pêk nîng in tih.

MIKA 5:15

Chun, thu ngai naw hnamhai chunga chun lunginthakna le lunginsennain phuba lâkna intlungtir ka tih.

ZEKARIA 7:7

Hausakna le Jerusalem le a vêla khawpuihai le Simtieng le ramphaihai chu hluo a ni laia, zâwlnei hmasahai hmanga Lalpain thu a khêkpuihai chu in ngai naw ding am a nih?’ tiin,” a ta.

MATTHAI 22:3

Chun, inneina ruoiṭhe fa dinga a fielhai chu ko dingin a suokhai a tir a; nisienlakhawm, an hung nuom naw a.

MATTHAI 22:7

Chuongchun, lal chu a lunginsen ta a; a sipaihai a tir a, chuong tuolthathai chu a sukbo a, an khuo khawm a rawpêk ta a.

JOHAN 1:11

Ama mihai kuomah a hung a, ama mihaiin an lo lâwm si nawh.

DÂN PAHNINA 32:25

Puotiengah kâwlhnâmin thîng an ta, Sûngtienga chun thlabârin, Nunghâk, tlangvâl, nêne ne lai, Lua kêlsam ṭohai chenin.