ISAI 64:10 - Pathien Lekhabu Inthieng (BSI)

¹⁰ I khawpui inthienghai chu thlalêrah a hung inchang a, Zion chu thlalêrah a hung inchang a, Jerusalem chu hmun râusanah a hung inchang ta hi.

ISAI 64:10 ပူးပေါင်းရင်းမြစ်များ

2 LALHAI 25:9

Lalpa in le lal in chu a raw a; Jerusalem in po po, in ropui taktakhai chu a raw a.

1 CHANCHIN SUINA 23:5

chun, sâng ruk dang chu hotuhai le rorêltuhai an nih; sâng li chu kawtkhâr vêngtuhai an na; sâng li dang chun, “Inpâkna dinga ka siem,” Davidin a ti, chuong thuomhnawhai le chun Lalpa chu inpâk ding an nih.

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 48:2

(Khawpui inthienga mi an inti si hlak a, Israelhai Pathien chungah ringna an innghat bawk a nih; a hming chu sipaihai Lalpa a nih).

ISAI 52:1

Aw Zion, har la, har la, i hrâtna inbel rawh; aw Jerusalem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si naw a.

ISAI 6:11

Chun, kei chun, “Lalpa, ieng chen am nîng a ta?” ka ti a. Chun, ama chun a hril a, “Khawpuihai mihriem um lova inram a na, inhai hluotu um lovin a ṭîek a, râusana a um vawng a,

ISAI 63:18

I mi inthienghai chun sâwt nawtê chau an nei a, a mi dotuhai chun i hmun inthieng chu an sir siet tah.

JEREMIA 52:13

Lalpa in le lal in chu a raw a; Jerusalema in po pohai, in ropui takhai khawm chu meiin a raw ta a.

ṬAP HLA 1:10

Hmêlma chun a thil hluhai po po chungah a kut a phar a, Awinaw mi chu a hmun inthiengtaka chun a lût ti a hmu si a, I mipui inkhâwmnaa lût lo dinga i khaphai ngei kha.

ṬAP HLA 1:7

Jerusalem chun sukrinuma a um nihaia le, a rimsik nihaia chun, a hriet zing, A tienlai inhawitirna po po kha; A mipuihai chu hmêlma kuta an tlûk lai chun an ṭhangpui naw a, Hmêlmahai chun an hmu a, râusana a umnaa chun an nuisan a.

ṬAP HLA 5:18

Zion tlâng chu râusana umin, Sihalhai chu a chungah an inlawn a.

DANIEL 12:7

Chun, puon zai inhmia inthuom, vadung tuihai chunga ngîr chun a kut changtieng le vawitieng chu vân tieng a phar a, chatuona Hring kuoma chun inkhâmin, “Hun khat le, hunhai le, hun chenve sûng nîng a tih; chun, mi inthienghai thilthawtheina chu a nâwia suknâwi vawng chu an zo pha chun hieng thil po po hi thaw zo ni tâng a tih,” a ti ka hriet a.

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

HAGGAI 2:3

‘Nangni lai hin hi in hi a hmaa a ropui lai kha hmu a dam tu am in la um a? Anleh, tuhin ieng ang charin am in hmu a? In mithmua chun iengkhawm ni lo ang a ni naw am a nih?

LUKA 21:21

Chu pha chun Judai rama umhai chu tlângahai tlân hmang raw hai se, a sûnga umhai chun suoksan raw hai se, rama umhai chu a sûngah lût naw raw hai se.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hmâkhat chu Jerusalem chu Jentailhai sirdein um a tih.