ISAI 63:9 - Pathien Lekhabu Inthieng (BSI)

⁹ An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

ISAI 63:9 ပူးပေါင်းရင်းမြစ်များ

INṬANNA 48:16

suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, hnuoia hin mipui nasatak hung ni dingin hung pung raw hai se,” a ti a.

JOB LEKHABU (THE BOOK OF JOB) 37:23

Iengkimthawthei chu ei hmu suok thei nawh, Thilthawtheina le indiknaah a ropui a, Felna a hau a, nêksâwr naw nih.

INPÂKNA HLABU 25:22

Aw Pathien, Israelhai hi, An lunginzîngna po poa inthawkin sansuok rawh.

INPÂKNA HLABU 78:38

Nisienlakhawm, ama chu lainatnaa a sip leiin an rîtlona chu a ngaidam a, anni chu a sukbohmang nawh; Anih, vawi tamtak a lunginsenna chu a lâk kîr a, A lunginsenna chu a rêngin a chawktho nuom ngai nawh.

FESUOKNA 14:19

Chun, Lalpa vântirko Israelhai bûk hmaa fe chu ân tâwl a, an hnungah a fe ta a: chun, sûm ngîr chu an hmaa inthawkin ân tâwl a, an hnungah a ngîr a:

FESUOKNA 15:13

Nangin i zângainain mipui în tlanhai chu i ṭhuoi a; I umna hmun inthiengah i hrâtnain anni chu i ṭhuoi a.

FESUOKNA 19:4

Aigupta mihai chunga ka thilthaw tahai le, mupui thlahai chunga phur cheua ka kuoma ngei ka ṭhuoizie cheu kha in hmu ta a.

FESUOKNA 33:14

Lalpa chun, “I kuomah fe ve pei ka ta, châwlna pêng ka ti che,” a ti a.

FESUOKNA 33:15

Mosie chun a kuomah, “Ka kuomah i fe ve pei naw ding chun hitaka inthawk keini mi ṭhuoi tung ta naw rawh.

ISAI 43:1

Tu ruok hin chu aw Jakob rawihai, Lalpa nangni siemtu le, aw Israel rawihai, nangni inngîrtirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 43:4

Ka ngaia hlutak in na, mi inzaumtak in na, ka hmangai bawk cheu leiin, nangni aiah mihai pêng ka ta, in hringna aiah mi tin pêng ka tih.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

ISAI 51:10

Nang hi tuipui, tui inthûk lientak tui sukkangtu, tuipui mawng inthûk chu intlanhai kaina dinga lampuia siempêktu i ni nâwm a nih?

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; Lalpa chun a mihai chu a thlamuon ta si a, Jerusalem chu ân tlan tah a nih.

DANIEL 6:22

Ka Pathien chun a vântirko a hungtir a, sakeibakneihai bau chu a hung sukchîp a, an mi sukna hrim hrim nawh; a hmaa chun keimaa indik nawna um lo chu hmuin a um a; aw lalpa nanga hmaa khawm iengkhawm ka sukpawi nawh,” a ta.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

JOEL 2:18

Lalpa chun a ram chu a thîk a, a mihai chu a lunginsiet a.

ZEKARIA 2:8

Lalpa chun hieng hin a tih: A ropuina ding ang peiin ama chun nangni suksetu cheu hnamhai kuoma chun a mi tir a; nangni tâwktu cheu chun ama mit naulêng a tâwk a ni si a:

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, Lalpa in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai Lalpa chun a tih.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 25:45

Chun, ama chun an kuomah, ‘Titakzetin ka hril cheu hi, hieng mi chîntak laia mi pakhat chunga in thaw naw chu ka chunga thaw naw in nih,’ tiin la dawn a tih.

LUKA 15:5

Chun, a hmu nâwk chun, lâwmtakin a liengkoah a put hlak.

THILTHAWHAI 12:11

Chun, Peter chu a har phingleh, “Lalpain a vântirko a tir suok a, Herod kut le Juda mihai beiseina po poa inthawkin a mi sandam ti tuhin indiktakin ka hriet tah,” a ta.

THILTHAWHAI 7:38

Ama chu thlalêra pungkhâwmhai laia Sinai tlânga betu vântirko kuoma le ei thlatuhai kuoma um kha a nih; ama chu a mi pêk sâwng dinga thu hringhai latu kha a nih.

THILTHAWHAI 9:4

Chun, hnuoiah a tlu a, a kuomah, “Saula, Saula, nangin iengdinga i mi suknawmna am a na?” tiin rawl a hriet a.

1 KORINTH 10:9

Anni laia mi ṭhenkhatin Lalpa an fie a, rûla sukbohmanga an um pha ang khan Lalpa chu fie nâwng ei tiu.

DÂN PAHNINA 1:31

thlalêra khawm miin a nau a puok angin, Lalpa in Pathien chun hi hmun in tlung chen hin lampui intluonin a puokzie cheu in hmu kha,’ ka ti a.

DÂN PAHNINA 4:37

In pi le puhai chu a hmangai leiin an hnungah an thlahai chu a thlang cheu a, ama ṭhangin a thilthawtheina ropuitakin Aigupta rama inthawk chun a ṭhuoi suok cheu a;

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

HEBRAIHAI 2:18

Ama ngei chun thlêmna tuokin a lo tuor ta leiin, thlêmna tuokhai chu a ṭhangpui thei a nih.

HEBRAIHAI 4:15

Thiempu Laltak ei hrâtnawnahai mi hrietpui phâk lo nei ei ni si naw a. Eini anga kawng tinrênga thlêmna tuok tah, suol ruok chu suol lo nei ei ni lem.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,

RORELTUHAI 10:16

Chuongchun, anni laia hnam dang pathienhai chu an sie hmang vawng a, Lalpa rawng chu an bâwl ta a; chun, Israelhai lunginzîngna lei chun a lungril a lungngai ta bêk bêk el a.