ISAI 63:7 - Pathien Lekhabu Inthieng (BSI)

⁷ Lalpain thil iengkima a mi vur ang peiin Lalpa zainêmzie thuhai le Lalpa inpâkna thuhai chu hril ka tih; a lunginsietnahai ang pei le a zainêmna nasatzie ang peia Israel sûnghai chunga a ṭhatna nasataka an chunga a vur thu khawm kha hril bawk ka tih.

ISAI 63:7 ပူးပေါင်းရင်းမြစ်များ

1 LALHAI 8:66

A ni riet ni chun mipuihai chu ân ṭintir a; chun, lal chu mal an sâwm a, chuongchun, Lalpain a siehlaw David le a mi Israelhai chunga a ṭhatna chuong zozai ân langtir lei chun lungril hlim le lâwmtakin an in tieng an fe tâwl ta a.

2 CHANCHIN SUINA 7:10

Chuongchun, thla sarinaa ni sâwmhni pathum ni chun mipuihai chu an puon in tienghai chun, a mi Israelhai chunga le Solomon chunga le David chunga Lalpain ṭhatna a lo inentirna lei chun lungrila lâwmtak le thafântak chun a tir kîr ta a.

NEHEMIA 9:25

Kulnei khawpuihai le ram ṭhatak takhai chu an lâk a, thilṭha tinrênga sip inhai chu an hluo a, tuikhur huotsa hai, grêp huonhai, oliv huon dâm, thei kûng tamtakhai chu an nei a; chuongchun, an fâk a, an khawp a, an hung thâu a, i ṭhatna nasataka chun nuom an chên a.

NEHEMIA 9:27

Chuleichun, anni sukrinumtu an hmêlmahai kuta chun i pêk a; an lunginzîng laia an ko lai che khan vâna inthawk chun i lo ngai a; i zainêmna nasatak chun an hmêlmahaia inthawkin sansuoktu ding sandamtuhai i pêk a.

NEHEMIA 9:31

Nisienlakhawm, i zainêmna nasatak chun an tâwp sawng elna ding chu în tlungtir naw a; i thlathlam chuong bawk nawh, Pathien mi lunginsiet theitak, lainatnaa sip i ni si a.

NEHEMIA 9:35

An chunga i ṭhat thei vei leh, an ramah, ram lientak le ram ṭhatak i pêka chun i rawng an bâwlpêk si naw che a, an thil suksuol khawm an bân chuong bawk nawh.

INPÂKNA HLABU 103:2

Aw ka hringna, Lalpa chu inpâk la, A thilthaw ṭhat po po chu theinghil naw.

INPÂKNA HLABU 107:15

Aw mihriemhai hin Lalpa chu a ngilneina lei le, Mihriem nauhai chunga a thilmak thawhai lei hin inpâk hai sien aw!

INPÂKNA HLABU 107:21

Aw mihriemhai hin Lalpa chu a ngilneina lei le, Mihriem nauhai chunga a thilmak thawhai lei hin inpâk hai sien chu aw!

INPÂKNA HLABU 107:31

Aw, mihriemhai hin Lalpa chu a zainêmna lei le Mihriem nauhai chunga a thilmak thawhai lei hin inpâk hai sien chu aw!

INPÂKNA HLABU 107:8

Aw, mihriemhai hin Lalpa chu a ngilneina lei le, Mihriem nauhai chunga a thilmak thawhai lei hin inpâk hai sien aw!

INPÂKNA HLABU 145:7

I ṭhatna ropuitak an hriet zing chu hril an ta, I felna thu hi hlimtakin hlain sak an tih.

INPÂKNA HLABU 25:6

Aw Lalpa, i lainatnahai le i ngilneinahai chu hre zing la, Inhmaa lo um kumkhuo tah a ni si a.

INPÂKNA HLABU 51:1

Aw Pathien, i zainêm ang peiin mi lunginsiet la, I lainatna nasatzie ang peiin ka bawsietnahai hi thaihmang rawh.

INPÂKNA HLABU 63:3

I zainêmna hi hringna nêka a ṭhatlem leiin, Ka hmûr hin inpâk a ti che.

INPÂKNA HLABU 86:15

Nisienlakhawm, aw Lalpa, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

INPÂKNA HLABU 86:5

Lalpa, nang chu i ṭha a, ngaidam i pei a, A kotuhai che phawt kuomah zainêmna i hau si a.

INPÂKNA HLABU 92:2

Zîngkâra i zainêmna suklang le, Zân tina i ringumna suklang hi,

FESUOKNA 18:9

Aigupta mihai kuta inthawka sansuokin, Israelhai chunga Lalpain thilṭha a thaw po pohai chunga chun Jethro chu a lâwm hle a.

ISAI 26:13

Aw Lalpa kan Pathien, nang chau ni lovin, lal dang khawma kan chungah thu an nei ta hlak a, nisienlakhawm, nangma ṭhangpui ngeiin i hming hi lam tâng kan tih.

ISAI 51:2

In pu Abraham tieng le nangni neitu cheu Sara tieng kha en ro; ama chu pakhat chau a ni lai khan ka ko a, mal ka sâwm a, mi tamtakah ka siem ta kha.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw ni a, ka remna thuthlung chu sawnin um bawk naw ni, Lalpa a lunginsiettu che chun a tih.

ISAI 54:7

Mitkhapkâr chau el ka mâk che a; nisienlakhawm, lunginsietna nasatakin ṭhuoi nâwk ka ti che.

ISAI 54:8

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zainêmnain lunginsiet ka ti che, Lalpa nangma intlantu chun a tih.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

ISAI 64:5

Nang chun hlimtaka uma, feltaka thawtu, i lampuihaia nangma hre zing hlaktuhai chu, i tuok hlak a; ngai ta, nang i lunginsen a, keinin thil kan suksuol a; chuongahai chun sâwttak kan lo um ta a, chuongchun, sandamin la um thei kan ti?

ṬAP HLA 3:32

Lungngaina intlungtir hlak sien khawm, a zângaina hauzie ang peiin lunginsietna chu nei a tih.

HOSEA 2:19

Kumkhawtluongin ka ta dingin huol tlat ka ti che a, felna dâm, rorêlna dâm, lunginsietna dâm, lainatna dâmin ka ta dingin huol ka ti che.

ZEKARIA 9:17

A ṭhatna chu a va nasa lâwm lâwmin, a mawina chu a va nasa lâwm lâwm de aw! bu chun tlangvâlhai chu sukhlim a ta, uoin thar chun nunghâkhai chu sukhlim a tih.

MATTHAI 7:11

Chuongchun, nangni mi suol hmanin in nauhai thil ṭha pêk nachang in hriet chun, in Pa vâna mi chun a hnituhai chu thil ṭha a pêk lem hman hman naw ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:4

Annawleh, Pathien ṭhatnain simna dingin a ṭhuoi hlak che ti hre lovin, a ṭhatna hauzie le, a en theizie le, a zaidaw theizie dâm chu i ngainêp am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:20

Chun, bawsietna chu ân lang nawk zuol theina dingin Dân a hung um nâwk nghâl a. Nisienlakhawm, suol a pungna poah lunginsietna chu a pung zuol pei hlak;

EPHESI 2:4

Nisienlakhawm, Pathien chun lunginsietna a hauin, a mi hmangaina nasatak lei khan,

1 TIMOTHE 1:14

chun ei Lalpa lunginsietna chu ringna le Krista Isu hmangainain nasatakin a liem ta a.