ISAI 63:19 - Pathien Lekhabu Inthieng (BSI)

¹⁹ An chunga ro i rêl ngai nawna, i hming put ngailohai ang chu kan hung ni ta hi.

ISAI 63:19 ပူးပေါင်းရင်းမြစ်များ

2 SAMUEL 22:10

Ama chun vânhai khawm a sukkûn a, a ṭum ta a, A ke hnuoiahai chun inthim sâmup hi a hung um a.

INPÂKNA HLABU 135:4

Lalpa chun Jakobhai hi ama ta dingin a thlang si a, Israelhai hi a ro bik dingin a thlang bawk a.

INPÂKNA HLABU 18:10

Cherub chungah a chuong a, a vuong ta a; Anih, thli thlaahai chun a vuong thuok thuok a.

INPÂKNA HLABU 79:6

Nangma hre naw hnam tin chunga hin i lunginsenna chu bunthla la, I hming lam naw ramhai chunga khawm chun.

ISAI 63:18

I mi inthienghai chun sâwt nawtê chau an nei a, a mi dotuhai chun i hmun inthieng chu an sir siet tah.

ISAI 64:1

Tlânghai chu i hmaa an luong thlâk dûl dûl theina dingin vân kha sukthlêrin hung ṭum thei hrâm la chu aw!

ISAI 65:1

A mi lam ngai nawhai zawngin ka um a, a mi zawng ngai nawhai hmuin ka um a; ka hming put naw hnam kuoma chun, “Hitaka hin ka um, hitaka hin ka um,” ka ti a.

JEREMIA 10:25

Khawhri be mi, nang hre lohai chunga le, hnam nangma hming lam ngailohai chunga chun i ṭiumna chu bunthla la, Jakob chu an fâk zo si a; anih, ama chu an fâk zo a, an kânghmang dêr a, a umna khawm chu an suksiet a.

JEREMIA 14:9

Ieng dingin am mi maktia um, mi thilthawtheitak sandam thei silo ang chu nîng i ta? Nang chu, Aw Lalpa, keini lai hin i um a, i hming chawia ko kan na; keini mi mâksan naw rawh.

DANIEL 9:18

Aw ka Pathien, i na hung sit la, hung ngai ta; i mithai hung meng la, sukrêma kan umnahai le, i hming inchawia sak khuo hi hung en ta; kan felnahai ni lovin, amiruokchu, i zângaina leiin kan hninahai chu i hmaah kan hung intlun a ni lem si a.

DANIEL 9:19

Aw Lalpa, lo hre ta, aw Lalpa, ngaidam rawh, aw Lalpa, lo hre la,hung thaw ta, muong naw la; nangma zâra ngei chun, aw ka Pathien, i khawpui le i mihai chu nangma hming chawia hming sak an ni leiin,” tiin.

AMOS 9:12

Edom hmuna la umhai le ka hminga ko hnam po po hai chu an nei theina dingin,” Lalpa hi thil thawtu hin a tih.

THILTHAWHAI 14:16

Chu Pathien chun, tienlaiin hnam tin mâni lampui seng hraw a phal hlak a.

THILTHAWHAI 15:17

Mi dang, Jentailhai po po ka hming mîn ṭawmpuihai chun, Lalpa an zawngna dingin Chu bâwktê chu tungding ka tih, tiin,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:4

Israel mi an ni si a; nau nina dâm, ropuina dâm, thuthlung po po dâm, Dân pêkna dâm, Pathien rawngbâwlna dâm, thutiemhai po po an ta a nih;

EPHESI 2:12

khâng lai khan Krista boin, Israel khuoletui leh intuolkhat lovin, khawvêla hin beiseina hrim nei lo le, Pathien boa umin, tiemna thuthlunghaia mikhuola in um kha.

DÂN PAHNINA 28:10

Chuongchun, khawvêl hnam tinin Lalpain a ta dinga a thlang cheu a nih ti hrieng an ta, ṭîng an ti cheu.

RORELTUHAI 5:4

Lalpa, Seir rama inthawka i hung suok a, Edom phaia inthawka i hung suok khan, Hnuoi chu ân thin dur dur a, vânhai khawm a hung far a; Anih, sûmhai chun ruo an insûrtir a.

RORELTUHAI 5:5

Tlânghai chu Lalpa hmaah an hung chim a, Sinai tlâng chen khawm saw Lalpa Israelhai Pathien hmaa chun.