ISAI 63:15 - Pathien Lekhabu Inthieng (BSI)

¹⁵ Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnemngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

ISAI 63:15 ပူးပေါင်းရင်းမြစ်များ

1 LALHAI 8:27

Nisienlakhawm, Pathien chu hnuoia hin a um ngût ding am chu? Ngai ta, vân le vânhai vâna khawm i keng naw a na, hi ka in bâwla lem hin chu i vân leng naw nasa âwm ngei de!

2 CHANCHIN SUINA 30:27

Chun, thiempuhai, Levi mihai chu an tho a, mipuihai chu mal an sâwmpêk a; an râwlhai chu hrietin a um a, an ṭawngṭainahai chu a umna inthieng vâna chun a hang tlung a.

INPÂKNA HLABU 123:1

Aw, nang vâna ṭhung hlak, Nanga tieng ka mit ka hung inlên hlak.

INPÂKNA HLABU 25:6

Aw Lalpa, i lainatnahai le i ngilneinahai chu hre zing la, Inhmaa lo um kumkhuo tah a ni si a.

INPÂKNA HLABU 33:14

Hnuoia um po po hi, A umna hmuna inthawk khin a hung thlîr hlak,

INPÂKNA HLABU 68:5

Pathien a umna inthienga um chu, Pa nei lohai pa le hmeithaihai ngaituotu a nih.

INPÂKNA HLABU 77:10

Chun, “Chu chu ka hrât nawna lei a nih; Nisienlakhawm, Achunghnungtak kut changtieng kumhai kha hre zing ka tih.

INPÂKNA HLABU 80:14

Aw sipaihai Pathien, lunginsiettakin nghakîr nâwk ta; Vâna inthawk khan zuk en la, hi grêp hrui hi en la, hung kan rawh.

INPÂKNA HLABU 80:15

A kûng i kut changtiengin a phun le, A kâu i ta dinga i sukhrât le hin.

INPÂKNA HLABU 89:49

Lalpa, tienlaia i lunginsietna, i ringumnaa David kuoma inkhâma i tiem kha, Khâwlai am a um ta a?

ISAI 16:11

Chuleiin, ka rîhai chu Moab lunginsiet leiin ṭingṭang angin ân ri a, ka phîng sûng chu Kirheres lunginsiet leiin ṭingṭang angin ân ri bawk a.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 37:32

Jerusalema inthawkin a la um sunhai chu suok an ta, Zion tlânga inthawkin a la dam dinghai chu suok bawk an tih; sipaihai Lalpa ṭhahnemngaina chun chuong chu thâwng a tih.

ISAI 42:13

Lalpa chu mi hrâttak angin suok a ta, indo mi angin lunginsenna chawktho a tih, khêk a ta, anih, inringtakin khêk a tih; ama dotuhai chunga chun hrâttakin châng a tih.

ISAI 49:15

Nuhmeiin a naupa, a rîla ra chu, lunginsiet nawna dingin a nau nêne ne lai chu a theinghil thei am a nih? Chuonghai chun an theinghil thei a ni thei a, nisienlakhawm, kei chun theinghil naw ning che.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 59:17

Chun, felna chu âwmphawah a hâk a, sandamna lukhum a khum a, chun, inthuomnaa chun phubalâkna silfênhai chu ân bel a, zakawfuola chun ṭhahnemngaina a hâk a.

ISAI 63:9

An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

ISAI 64:12

Aw Lalpa, chuong thilahai chun în sûm thei ding am a nih? I to zingin i mi sukrimsi nasa zing ding am a nih?

ISAI 66:1

Lalpa chun hieng ang hin a tih, “Vân ka ṭhungpha a na, hnuoi ka ke innghatna a nih; in ieng ang am in mi bâwlpêk ding a na? Khâwlai hmun am a na ka châwlna ding chu?

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheilovin, ama chunga chun zângaina nei ngei ka tih, Lalpa chun a tih.

ṬAP HLA 3:50

Lalpain vâna inthawka a hung en a, a hung hmu hmakhat chun.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

JOEL 2:18

Lalpa chun a ram chu a thîk a, a mihai chu a lunginsiet a.

LUKA 1:78

Ei Pathien lunginsietna leiin, Chungtienga inthawkin nisa suokin mi hung sir a ta,

DÂN PAHNINA 26:15

I umna inthieng vâna inthawk chun hung en la, nênetui le khuoizu luongna ram, kan pi le puhai pêk dinga ṭawng i lo inkhâm tah ang khan i mi Israelhai le i leilung mi pêk hi malsâwm rawh,’ in ti ding a nih.

PHILIPPI 2:1

Chuongchun, Kristaah lungmuongna hrim hrim dâm, hmangai thlamuongna hrim hrim dâm, Thlarau pâwlna hrim hrim dâm, lainatna le lunginsietna hrim hrim dâm a um chun,

1 JOHAN 3:17

Nisienlakhawm, tûkhawm, khawvêl sum neiin, a unau tlasamin hmu sienla, ama chu lainat si naw sienla, Pathien hmangaina chu amaah iengtin am um a ti leh?