ISAI 63:10 - Pathien Lekhabu Inthieng (BSI)

¹⁰ Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw ta a.

ISAI 63:10 ပူးပေါင်းရင်းမြစ်များ

INṬANNA 6:6

Chuongchun, Lalpa chun hnuoia hin mihriem a lo siem ta lei chun ân sîr hle a, lungril natnain a hmang pha ta a.

2 CHANCHIN SUINA 12:2

Chun, Rehoboam inlal kum nganaa chun Aigupta rama lal Sisak chun Jerusalem a hung rûn a, Lalpa chungah an lo bawsiet ta leiin;

NEHEMIA 9:26

Nisienlakhawm, an hung kâwmaw a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thaw a.

NEHEMIA 9:29

“I dâna i ṭhuoi lût thei nâwkna dingin i kâwk hlak a; nisienlakhawm, chapotakin thil an thaw a, i thupêkhai an pawm naw a, i rorêlna kalin thil an suksuol a; (miin an zâwma an hringpui ding chu); chun, an tukhnungkhur an innghat a, an insukkâwmaw a, an ngai nuom naw a.

INPÂKNA HLABU 106:33

A thlarau chungah an hel a, A hmûra ṭha nawtaka a hril leiin.

INPÂKNA HLABU 107:11

Pathien thuhai chungah an hel a, Achunghnungtak remruot chu an ngainêp leiin.

INPÂKNA HLABU 51:11

I kuoma inthawk hin mi peihâwn naw la, I Thlarau Inthieng hi mi lapêk naw rawh.

INPÂKNA HLABU 78:17

Chuong sa khawma a chungah thil an la suksuol ta rawp a, Ram ṭâwla chun Achunghnungtak chunga chun an hel a.

INPÂKNA HLABU 78:21

Chuongchun, Lalpa chun a lo hriet a, a lung a sen ta a, Jakobhai chungah mei a hung chawk suok ta a, Israelhai chungah lunginsenna a hung ta a.

INPÂKNA HLABU 78:40

Thlalêra khan a chungah an va hel inzingin, Ram ṭâwla khan ama chu an va suklungngai inzing de!

INPÂKNA HLABU 78:49

A lunginsenna nasatak chu an chungah a thlâk a, Lunginsenna dâm, lungdam nawna dâm, lunginzîngna nasatak dâm hi, Thil ṭha nawtak intluntu tirko pâwl chu.

INPÂKNA HLABU 78:56

Nisienlakhawm, Pathien Achunghnungtak chu an infie a, a chungah an hel a, A thu inhhriettirhai chu an zâwm si naw a.

INPÂKNA HLABU 78:8

Le, an thlatuhai anga, Suon kâwmaw le hel hmang, Suon lungril siem diklo, Pathien kuoma lungril ringum naw puta an um nawna dingin.

FESUOKNA 15:24

Mipui chu, “Ieng am dâwn tâng ei ta?” tiin Mosie chungah an chier ta a.

FESUOKNA 16:8

Mosie bawk chun, “Zântieng chun sa le zîngtieng chun bei dittâwk fâk ding a pêk pha cheu chun Lalpa a nih ti hrieng in tih, a chunga in chiernahai chu Lalpa chun a hriet si a: keini chu ieng am kan ni a? In chierna chu keini chungah ni lovin Lalpa chungah a ni lem in sawnnaw,” a ti a.

FESUOKNA 23:21

Ama chu pawisa unla, a râwl chu ngai unla, suklungsen naw ro; ka hming chu amaa chun a um a, in bawsietnahai chu a ngaidam naw ding cheu a ni si a.

FESUOKNA 32:8

an kuoma thu ka pêka inthawk chun an pêt hmang nghâl el ta a; bâwngte lim sung an insiemfâwm a, an biek a, a kuomah an inthâwi a, ‘Aw Israel, Aigupta rama inthawka ṭhuoi suoktu che i pathien a ni hi,’ an ti a,” tiin.

ISAI 1:2

Aw vânhai, ngai unla, aw leihnuoi, na sit rawh, Lalpa chun thu a hril ie: “Nauhai chu ka châwm puitling a, ka chungah an hel ta si a.

ISAI 63:11

Chuong lai chun a mihai chun, Mosie tienlai nihai chu an hriet zing a, hieng ang hin an tih, “Tuipuia inthawka a berâm ruol vêngtuhai leh anni hang ṭhuoitu kha khâwlai am? A thlarau inthieng anni laia sietu kha khâw lai am?

ISAI 65:2

Mi hel hmanghai ta dingin sûnnithlâkin ka bânhai ka phar hlak, chuonghai chu anni ngaituona ang peia lampui ṭha nawa fe hlakhai,

JEREMIA 21:5

Keima ngeiin bân phar le kut hrâtin, lunginsenna le, ṭitumna le nasataka lunginthakna leh do ka ti che a.

JEREMIA 30:14

Nangma hmangaituhai po po che hlaka an theinghil che a; an zawng ta naw che a: mi rilo hremna le hmêlma inhliemna chun kân hliem si che a, i suolnahai an pung pei lei chun i khawhlona chu a nasa hle si a.

JEREMIA 32:30

An naupang laia inthawk tah Juda mihai le Israel mihai hin ka mithmuah thil suol chu an lo thaw hlak si a; Israel mihai chun an kut sinthawhai chun an mi lo suklungsen si a, Lalpa chun a tih.

ṬAP HLA 1:18

Lalpa chu a fel a nih; a thupêk dodâlin ka hel si a; Ngai ta u, ka ngên cheu, nangni hnam po pohai, ka lungngaina hi en ta u, Ka nunghâkhai le ka tlangvâlhai chu salah an fe ta a.

ṬAP HLA 1:20

Ngai ta, aw Lalpa, rimsiin ka um hi; ka phîng sûng a buoi zo tah; Ka lung chu ka sûnga chun ân her a, khawhlotakin ka lo hel ta si a; Kawtthlêra chun kâwlhnâm chun a sukfahra a, ina chun thina a um a.

EZEKIEL 16:43

I tleirâwl lai nihai kha i hriet zing ta naw a, amiruokchu, hieng thilhaia hin i mi suklungsen a; chuleiin, ngai ta, kei khawma i nun suol maw chu i lu chungah hung intlungtir ka tih, Lalpa Pathien chun a tih; chun, pawrchenahai po po belsain hi khawhlona hi thaw ta naw ti nih.

EZEKIEL 2:3

Ka kuoma chun, “Mihriem naupa, Israel thlahai, hnam helhai, keima chunga helhai kuoma chun tir ka ti che; vawisûn ni chen hin, anni le an thlatuhai khawmin ka chungah an bawsiet a nih.

EZEKIEL 2:7

Chun, an lo ngai khawma, an lo ngaisak naw khawma, an kuoma chun ka thuhai chu hril hrim hrim i ta; hel hmangtak el an ni si a.

EZEKIEL 20:13

Amiruokchu, Israel sûngkuo chu thlalêra khan ka chungah an hel a, ka thuruotahai chun an fe naw a, chuong chu miin a thawa a hringna dinghai ka rorêlhai khawm chu an dang kîr a; ka châwlni khawm chu nasatakin an suksiet a, chun, kei chun thlalêra chun anni chu kânghmang dingin ka lunginsenna chu an chungah ka bunthlâk ding a nih ka ti ta a.

EZEKIEL 20:21

Nisienlakhawm, chuong thlahai chu ka chungah an hel ta rawp a, ka thuruothai chu an hraw naw a, ka rorêlhai khawm chu thaw dingin an zâwm bawk naw a; chuong chu miin a thaw chun chuonga chun hring a tih; ka châwlni khawm an sukpawrche a; chun, kei chun thlalêra an chunga ka lunginsenna chu sukpuitling dingin an chunga chun ka lunginsenna chu ka bunthlâk ding a nih ka ti a.

EZEKIEL 20:8

Nisienlakhawm, ka chungah an hel a, ka thu an ngai naw a; mi tin chun an mithmua an tirdakumnahai chu an pei thlâk naw bawk a; Aigupta milimhai khawm chu an nghatsan bawk naw a; chun, kei chun, ‘an chunga chun Aigupta ram sûnga an chunga ka lungsenna sukpuitling dingin ka lunginsenna chu ka bunthlâk ding a nih,’ ka ti a;

EZEKIEL 6:9

Chun, nangni laia chuonga suokhai chun, hnamhai sala ṭhuoia an umnahaiah chun mi hre zing an ta, an lungril uire châkna keimaa inthawka ṭhea um ta le, an mithai an milimhai châktaka an enna chun an mi suknatzie hai chu; Chuongchun, an tirdakumna po poa an lo thaw tah, thil ṭhanaw hai lei chun an mithmu ngeia chun intirdak an tih.

MATTHAI 22:7

Chuongchun, lal chu a lunginsen ta a; a sipaihai a tir a, chuong tuolthathai chu a sukbo a, an khuo khawm a rawpêk ta a.

THILTHAWHAI 7:42

Chuongchun, Pathienin a nghat san a, vâna arasihai chibai an bûk theina dingin anni a ensan ta a; Zâwlnei Lekhabua, ‘Israel chihai, thlalêra khan kum sâwmli sûngin, Sa that le ran thatin kei in mi biek am a nih?

THILTHAWHAI 7:51

“Mi kâwmawhai, lungril le naa sertanlohai, in thlatuhaiin an thaw hlak ang khan, Thlarau Inthieng chu in dodâl kumkhuo a nih.

EPHESI 4:30

Chun, Pathien Thlarau Inthieng chu suklungngai naw ro, intlanna nia dingin amaa chun inchika in um kha.

DÂN PAHNINA 1:26

Nisienlakhawm, in hang fe nuom naw a, Lalpa in Pathien thupêk chu in helsan a;

DÂN PAHNINA 9:7

“Thlalêra Lalpa lung in suksen hlakziehai dâm kha hre zing unla, theinghil naw ro. Aigupta rama inthawka in suok nia inthawka hi hmun in hung tlung chen hin Lalpa chunga helhmang in nih.

JOSUA 22:15

Chun, Reuben mihaihai le Gad mihai le Manasse hnam zâtvehai kuoma chun Gilead ramah an hang fe ta a,