ISAI 62:4 - Pathien Lekhabu Inthieng (BSI)

⁴ “Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti che a, i ram khawm chu “Beula” ti bawk an tih, Lalpa i chungah a lâwm si a, i ram khawmin pasal a nei ding a nih.

ISAI 62:4 ပူးပေါင်းရင်းမြစ်များ

INPÂKNA HLABU 149:4

Lalpa chu a mihai chungah a lâwm si hlak a, Thuhnuoirawlhai chu sandamin sukmawi a tih.

INPÂKNA HLABU 16:3

Hnuoia mi inthieng umhai thua chu, Anni chu mi ṭha, ka lâwmna po po umnahai chu an nih.

ISAI 49:14

“Nisienlakhawm, Zion chun, ‘Jehova chun a mi mâksan a, Lalpain a mi theinghil tah,’ a ti a.

ISAI 54:1

“Aw ching, nau nei lo, nang, hlimtakin hla sak rawh; nang, nauhase ngai naw, hla sak suok phut la, khêk suok rawh: pasal nei mi nauhai nêk chun khawsâwtnu nauhai an tam lem si a,” Lalpain a tih.

ISAI 60:15

Tu khawm isir ngai lo khawpa râusan le theidaa i um aiah kumkhaw suong tak, suon tamtak lâwmnaah siem ka ti che.

ISAI 60:18

Nunsetaka thil thaw ri chu i ramah hriet ni ta naw ni a, râusanna le sietna rihâu khawm i ramri sûngah hriet ni ta naw ni; i kul chu, “Sandamna,” ti lem i tih, i kawtkhârhai khawm, “Inpâkna” ti bawk i tih.

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

ISAI 62:12

Chuongchun, anni chu Mi Inthienghai, Lalpa intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a ti a.

ISAI 62:2

Chuongchun, hnam tinin i felna chu hmûng an ta, lal po poin i ropuina chu hmu bawk an tih; chun , hming thar, Lalpa bauin ân put ding chun ko an ti che.

ISAI 62:5

Tlangvâlin nunghâk nuhmeia an nei hlak ang hin i naupasalhaiin nuhmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.

ISAI 65:19

Jerusalem chunga chun hlim ka ta, ka mihai chunga khawm lâwm ka tih; a sûnga chun ṭap ri chu hriet ni ta naw ni a, inrûm ri khawm hriet ni ta naw ni;.

JEREMIA 3:14

Hung kîr ro, hnungtawl thlahai, Lalpa chun a tih; in pasal ka ni si a, chun, khawpuia pakhat le, pahnama pahni lâng ka ti cheu a, Ziona chun hung ṭhuoi ka ti cheu;

JEREMIA 32:41

Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

EZEKIEL 36:35

Anni chun, ‘Ram râusana lo um ta hi, Eden huon ang a hung ni nâwk a; khawpui se tah, suksieta um taa râusana um tahai khawm chu hluo an ni tah,’ tîng an tih.

HOSEA 2:21

Chu ni chun, Lalpa chun a tih, Vânhai bieng ka ta, annin hnuoi bieng an tih;

HOSEA 2:22

Chun, hnuoi chun bu dâm, uoin dâm, hriek dâm bieng an ta; Chun, anni chun Jezreel bieng an tih.

ZEPHANIA 3:17

Lalpa i Pathien thilthawtheitak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

MALAKI 3:12

Chun, hnam tinhai chun vângnei tîng an ti cheu a, ram hlimumtak a hung ni ta ding a ni si a, sipaihai Lalpa chun a tih.

JOHAN 3:29

Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

2 KORINTH 11:2

Pathien thîknain a nih in sawnnaw ka thîk cheu chu; Krista kuoma chun nunghâk inthieng anga ka pêk theina ding cheuin, pasal pakhat ka huol pêk si cheu a.

DÂN PAHNINA 30:9

Lalpa in Pathien chun in kutsuok po po hai, in rila rahai, in bâwng ruol punghai, in hnuoi rahaiah nasatakin sukpung a ti cheu a, in pi le puhai chunga a lâwm ang khan in chungah Lalpa lâwm nâwk a tih;

HEBRAIHAI 13:5

In lungril putzie chu tangka ngainatna ṭhang naw ni raw se, in thil nei sunhaia chun lungawi ro; ama ngeiin, “Iengtika khawm thlâthlam naw tawp ka ti che a, mâksan ngai naw bawk ka ti che,” a ti si a.

1 PETER 2:10

Inhma khan mi hrim in ni naw a, tuhin chu Pathien mi in ni ta a; inhma khan zângaina in hmu naw a, tuhin chu zângaina in hmu ta a.

THUPUONGSUO 21:2

Chun, khaw inthieng Jerusalem thar chu, mo a pasal ela ân chei angin inzosa hieuin, Pathien kuoma vâna inthawka hung ṭum ka hmu bawk a.