ISAI 61:9 - Pathien Lekhabu Inthieng (BSI)

⁹ Chuongchun, an thlahai chu hnam tin lai chun hriet nîng an ta, an nauhai chu mi tin laia hriet ni bawk an tih; anni hmu taphawt chun Lalpa malsâwm chi an nih ti hrieng an tih.

ISAI 61:9 ပူးပေါင်းရင်းမြစ်များ

INṬANNA 22:18

i thlahaia chun khawvêla chi tin la thawveng an tih’ a tih,” tiin.

INṬANNA 30:27

Laban chun a kuomah, “I mi lunginsiet thei chun la um phawt ta la, Lalpa chun nanga zârah mal a mi sâwm ti ṭhumvâwrin ka hriet i sawnnaw,” a ti a.

INPÂKNA HLABU 115:14

Lalpa chun sukpung deu deu raw se cheu, Nangni le in nauhai leh.

ISAI 43:5

Ṭi naw ro, in kuomah ka um si a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 53:10

Nisienlakhawm, Lalpain ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, Lalpa dit zâwng chu a kuta hlawtlingin um a tih.

ISAI 65:23

A thlâwnin sin inrim naw ni hai a, vângduoina el dingin nau nei bawk naw ni hai a, Lalpa malsâwm mi thlahai an ni si a, an nauhai chu an kuomah um zing an tih.

ISAI 66:22

Vân tharhai le hnuoi thar ka la siem ding chu ka hmaa a um zing angin, in thlahai le in hming chu a um zing bawk ding a nih, Lalpain a tih.

JEREMIA 31:7

Lalpa chun hieng hin a ti si a; Jakob ta ding chun lâwmin hla sak unla, hnamhai lua um ta ding chun khêk bawk ro, puong dar unla, inpâk unla, “Aw Lalpa, Israel hla bîkhai, i mihai hi sandam rawh,” ti ro.

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

MALAKI 3:12

Chun, hnam tinhai chun vângnei tîng an ti cheu a, ram hlimumtak a hung ni ta ding a ni si a, sipaihai Lalpa chun a tih.

NAMBAR 22:12

Pathien chun Balaam kuomah, “An kuoma chun i fe ding a ni nawh. Chuong mihai chu ṭawngsie în phur ding a ni nawh, mi hamṭha an nih,” a ta.

THILTHAWHAI 3:26

Pathienin a Siehlaw chu a ruot a, in suolhai innghatsantir seng cheua mal sâwmpêk ding cheuin, nangni kuomah a hung tir hmasa tak a ni hi,” a ta.