ISAI 61:6 - Pathien Lekhabu Inthieng (BSI)

⁶ Nangni ruok chu, “ Lalpa thiempuhai,” tia inbûkin um in tih: mihaiin, “Ei Pathien rawngbâwltuhai, ” tîng an ti cheu a; hnam tin sum fâng in ta, an ropuina chu insuong phâng in tih.

ISAI 61:6 ပူးပေါင်းရင်းမြစ်များ

FESUOKNA 19:6

Chun, ka ta dingin thiempuhai ram le hnam inthieng ni bawk in tih. Hieng thuhai hi a nih Israel mihai kuoma i hril ding chu,” a ti a.

ISAI 23:18

Chun, a sum themsuok le a hlaw chu Lalpa ta dinga thil inthieng nîng a ta, chu chu inkhâwlin amanih, sie khâwlin amanih um naw ni a; a sum themsuok chu Lalpa hmaa umhai ta dingin a ni ding a ni si a; hnienghnâra an fâk ding le, silfên ropuitak an nei theina dingin.

ISAI 54:3

Changtieng le vawitienga khawm în dar lien ding a ni si a; chuongchun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.

ISAI 56:6

Ram dang mi khawm, châwlni bawse lova, inser hlakhai le, ka thuthlung pawm tlat taphawt chu, Lalpa rawng bâwl ding le, Lalpa hming hmangai ding le, a siehlawahai um dinga Lalpa zâwm taphawthai;

ISAI 66:12

Lalpa chun hieng ang hin a ti si a, “Ngai ta u, inremna chu vadungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

ISAI 66:21

Chun, chuong laia mihai khawm chu thiempu ding dâmin, Levi mihai ding dâmin lâng ka tih, Lalpain a tih.

JEREMIA 33:18

thiempu Levi mihai chun ka hmaa pumrawhmang thilinhlânhai, bu thilinhlânhai, ieng huna khawm inthâwina inhlân dingin mi tlasam bawk naw ni hai,” tiin.

EZEKIEL 14:11

Israel sûngkuo chu keimaa inthawka an fe pêt ta nawna ding le, an bawsietnahai po po leia anni an insukpawrche ta nawna dingin; amiruokchu, ka mihai an hung ni theia, an Pathien ka ni theina dingin, Lalpa Pathien chun a tih,’ tiin,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

1 KORINTH 3:5

Appolo chu ieng am a ni leh? Paula khawm chu ieng am a na? Rawngbâwltu nangni inawitirtu cheu chau an nih in sawnnaw; chu khawm chu Lalpain a ipêk ang ve ve chau a nih.

1 KORINTH 4:1

Keinirawi hi Krista rawngbâwltu le Pathien thurûk enkawltuah miin mi ngai raw hai se.

2 KORINTH 11:23

Krista rawngbâwltuhai an ni maw? (invêt angin hang hril ka tih) ka ni lem hman hman a nih: sin thaw inrimnaahai nasa nâwk zuolin, intângna ina intângnaahai nasa nâwk zuolin, tiem sênglo vuoknahai, thi el theina vawi tamtak ka tuok a nih.

2 KORINTH 6:4

Pathien rawngbâwltuhai angin iengkimah mi mit tlungin kan um lem hlak, nasataka selnaa dâm; hnawchêpnaa dâm,

DÂN PAHNINA 18:2

An unauhai laia chun rochan an nei ding a ni naw a, an rochan chu an kuoma a hril angin Lalpa a ni si a.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

THUPUONGSUO 1:6

khuoletui le a Pathien le a Pa tienga thiempua mi siemtu kuomah, anih, ama kuom ngeiah, ropuina le rorêlna chu chatuonin um raw se! Amen.

THUPUONGSUO 20:6

Thonâwkna hmasaa ṭhanghai chu an hamṭhain an inthieng a nih; chuonghai chunga chun thi hnina chun thu hrim a nei naw a. Pathien le Krista thiempuhai nîng an ta, ama leh kum sâng khat rorêlin um lem an tih.

THUPUONGSUO 5:10

Kan Pathien ta dingin khuoletui le, Thiempuahai i siem ta si a; Chun hnuoiah ro rêl an tih,” tiin.