ISAI 61:4 - Pathien Lekhabu Inthieng (BSI)

⁴ Chun, hmun hlui se tahai chu rem nâwk an ta, kha hmaa khuo râusana lo um tahai chu inngîr ṭha nâwk an ta, khawpui se tah, suon tamtak râusana um ta chu siem ṭha nâwk an tih.

ISAI 61:4 ပူးပေါင်းရင်းမြစ်များ

EZRA 9:9

Sal intâng kan na, amiruokchu, kan sal intângnaa khawm chun kan Pathien chun a mi nghatsan ngai naw a, Jerusalem le Juda rama kulhai mi pe ding le, chutaka in siehai chu siem ṭha ding le kan Pathien in chu tungding dinga thathona mi pe dingin, Persia lalhai mithmua chun kan chungah lunginsietna a hung sukpung ta lem a.

INPÂKNA HLABU 46:8

Hung unla, Lalpa thilthawhai hi en ta u, Leihnuoia thil a suksietziehai hi.

INPÂKNA HLABU 74:3

Kumkhaw rêmna tieng chun i ke khai la, Dotuhaiin hmun inthienga chun thil suol tinrêng an thaw ta hi.

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; Lalpa chun a mihai chu a thlamuon ta si a, Jerusalem chu ân tlan tah a nih.

ISAI 58:12

Chuongchun, nangmaa in- thawka la hung insieng dinghai chun hmun hlui se ta hnunghai chu rem nâwk an ta, suon tamtak lungphûm chu hung rem nâwk i tih, chuongchun, nang chu, ‘A sietna lai siem ṭhatu,’ ‘Mi umna dinga lampuihai siem ṭhatu,’ tîng an ti che.

MIKA 7:11

I kul banghai siemna ni ding chu! chu nia chun thuruot chu hlatak chena suklien nîng a tih.

ZEKARIA 1:17

La khêk nâwk la, sipaihai Lalpa chun hieng hin a tih: Ka khawpuihai chu hausakna leiin hung inzar lien a ta; chun, Lalpa chun, Zion chu la thlamuon nâwk a ta, Jerusalem chu la thlang nâwk a tih,’ ” tiin.