ISAI 61:11 - Pathien Lekhabu Inthieng (BSI)

¹¹ Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

ISAI 61:11 ပူးပေါင်းရင်းမြစ်များ

INṬANNA 1:11

Chun, Pathienin, “Hnuoi hin hlo dâm, thlai chi nei dâm, thei kûng hnuoi chunga mâni chi um dân ding anga ra, a ra sûnga a chi um dâm chu hung insuo raw se,” a ta: chuong angtak chun a hung um ta a.

INPÂKNA HLABU 72:16

Hnuoiah, tlâng chungahai hin bu tamtak um a ta, A vui chu Lebanon angin inhnîng suou suou a ta, Khuoa mihai chu hnuoi hlobet angin inno hlut hlut an tih.

INPÂKNA HLABU 72:3

Tlâng lien le tlâng chînhai hin felnain Mihai kuomah lungmuongna hung intlun an tih.

INPÂKNA HLABU 85:11

Thutak chu hnuoia inthawkin ân der suok a, Felna chun vâna inthawkin a hung en thla ta a.

HLAHAI HLA 4:16

Tho la, aw hmâr thli, nang sim thli, hung rawh; Ka huon chungah hung hrâng la, riminhnikhai chu a fe suok theina dingin. Ka hmangaitak chu a huonah hung sienla, A theira hlutakhai chu hung fa raw se.

ISAI 4:2

Chu ni chun Lalpa kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawitakin um a tih.

ISAI 45:23

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok ta a, hung kîr nâwk ta naw nih.

ISAI 45:24

Miin, ‘ Lalpaa chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

ISAI 45:8

Vânhai, chungtienga inthawk khan infarthlâktir ro, vân dumhai khan felna hung buok thla raw hai se, sandamna an inder dawktir theina dingin hnuoi inhawng sienla, felna leh mâwng hmunkhat raw se; kei Lalpa hin chu chu ka siem a nih.

ISAI 46:13

chuongchun, ka ropuina Israelhai ta dingin sandamna chu Ziona chun sieng ka tih.

ISAI 48:18

Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuipui infâwnhai ang elin a um ding bah;

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

ISAI 60:18

Nunsetaka thil thaw ri chu i ramah hriet ni ta naw ni a, râusanna le sietna rihâu khawm i ramri sûngah hriet ni ta naw ni; i kul chu, “Sandamna,” ti lem i tih, i kawtkhârhai khawm, “Inpâkna” ti bawk i tih.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 62:1

A felna chu varna anga ân suo a, ama sandamna chu khâwnvar chawk anga ân suo hmakhat chun, Zion leiin to zing naw ninga a, Jerusalem leiin um ṭawk ṭawk naw ningah.

ISAI 62:2

Chuongchun, hnam tinin i felna chu hmûng an ta, lal po poin i ropuina chu hmu bawk an tih; chun , hming thar, Lalpa bauin ân put ding chun ko an ti che.

ISAI 62:7

ama khawm chu inumtir ṭawk ṭawk naw ro: Jerusalem hi a sukdet a, hnuoia hin inpâkuma a siem hmakhat chun.

MATTHAI 13:23

Chun, leihnuoi ṭha chunga the chu, thu chu naa hre a, a ngaina hre bawk hi a nih. Chu chu a ra ngei a, ṭhenkhat a lêt za dâm, ṭhenkhat a lêt sâwmruk dâmin, ṭhenkhat a lêt sâwmthum dâmin a pung hlak,” a ta.

MATTHAI 13:3

Chun, tekhithuin an kuomah thu tamtak a hril a, “Ngai ta u, bu chi thetu chu bu chi the dingin a fe a.

MATTHAI 13:8

A ṭhen hnuoi ṭhaah a tla a, ṭhenkhat a lêt za dâm, ṭhenkhat a lêt sâwmruk dâm, ṭhenkhat a lêt sâwmthum dâmin a hung ra ta a.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.