ISAI 61:10 - Pathien Lekhabu Inthieng (BSI)

¹⁰ Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

ISAI 61:10 ပူးပေါင်းရင်းမြစ်များ

INṬANNA 24:53

Chun, Abraham siehlaw chun tangkaruo incheinahai le, rângkachak incheinahai le silfênhai a lâk suok a, Rebeka kuoma chun a pêk a; a ṭapa le a nu kuoma khawm chun thil hlutak takhai a pêk bawk a.

2 CHANCHIN SUINA 6:41

Aw Lalpa Pathien tuhin tho la, i châwlna hmuna chun nang le, i hrâtna bâwm chu; Aw Lalpa Pathien, i thiempuhai chu sandamnain inthuomhai sienla, i mi inthienghai chu ṭhatnaah hlim raw hai se.

NEHEMIA 8:10

Chuongchun, ama chun an kuomah, “Fe unla, a thâu thâu fa unla, a thlum thlum dâwn unla, iengkhawm buotsai nei lohai ta dingin chanpuol inphur unla, vawisûn ni hi ei Lalpa ta dinga ni inthieng a ni hi; lungngaiin um naw ro, Lalpaa lâwmna chu in hrâtna a ni si a,” a ta.

JOB LEKHABU (THE BOOK OF JOB) 29:14

Felna chu ka sil a, chu chun a mi thuom a, Ka felna chu lalpuon le lukâwm ang a nih.

INPÂKNA HLABU 132:16

A thiempuhai chu sandamnain inthuom ka ta, A mi inthienghai chu hlimin khêk khêk an tih.

INPÂKNA HLABU 132:9

I thiempuhai chu felnain inthuom sienla, I mi inthienghai chu hlimin khêk raw hai se.

INPÂKNA HLABU 28:7

Lalpa chu ka hrâtna le ka phaw a na, Ka lungril hin ama chu a ring a; chuongchun, sanin ka um a, Chuleiin, ka lungril hi nasatakin a hlim a, Ka hla chun ama inpâk ka tih.

INPÂKNA HLABU 35:9

Chuongchun, ka hringna hi Lalpaa chun hlim a ta; A sandamnaa chun lâwm a tih.

HLAHAI HLA 1:10

I bienghai chu samphier le chun ngaino an bei hle a, I rînga lunghlu ṭhihruihai le chun.

ISAI 12:1

Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 17:10

Pathien i sandamtu i theinghil a, i hrâtna lungpui chu i hriet zing si naw a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;

ISAI 25:1

Aw Lalpa, nang chu ka Pathien i na; chawimawi ka ti che a, i hming inpâk ka tih; thil maktak, inhmaa remruothai chu, ringumtak le thutakin i thaw si a.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 35:10

chun, Lalpa intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 41:16

Zâp in ta, thliin mût lêng a tih, thlivir chun sukdar a tih; chun, nangni chu Lalpaa chun lâwm in ta, Israelhai Mi Inthieng chu la suong in tih.

ISAI 48:18

Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuipui infâwnhai ang elin a um ding bah;

ISAI 49:18

“Tang la, i mit inlên vêl la, en rawh; hieng po po hi an inkhâwm a, i kuomah an hung a ni hi. Ka hringna sâlin, ‘Nang chun chawimawina inbel angin hienghai hin inbelin, mo chu ân khit angin, hienghai hin inkhit ngei i tih’, Lalpain a tih.

ISAI 49:4

Kei ruok chun, “Athlâwn elin sin ka thaw inrim a, iengkhawm ni lova le boruok elah ka tha ka sêng a, nisienlakhawm, matheilovin ka chunga rorêlna ding chu Lalpa kuomah a nih a um chu, mi thungna ding khawm chu ka Pathien kuomah a nih a um chu, ” ka ti a.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 52:1

Aw Zion, har la, har la, i hrâtna inbel rawh; aw Jerusalem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si naw a.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

ISAI 58:14

Lalpa chunga chun lâwm i ta, leihnuoi hmun insângahai chun inchuongtir ka ti che a; i pu Jakob rohluo thilin châwm ka ti che; Lalpa bau chun chu chu a hril tah a nih.”

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

ISAI 65:18

Nisienlakhawm, ka thil siema chun kumkhuoin lâwmin hlim ro; ngai ta u, Jerusalem chu hlimnaah ka siem a, a mihai chu lâwmnaah ka siem a ni hi.

JEREMIA 2:32

Nunghâk chun ân cheina thuomhnaw chu a theinghilin, mo chun a mo puon chu a theinghil thei am a nih? Ka mihai ruok chun nihai tiem sêng lova inthawk tah an mi theinghil a nih.

EZEKIEL 42:14

Thiempuhai chu an lût pha chun, huon sûng tuollai puo lema chun hmun inthienga inthawk chun an fe suok ding a ni naw a, amiruokchu, chutaka chun, an rawngbâwlnaa chun an silfênhai sieng an ta; an inthieng si a; silfên dangin inbel an ta, chun, mipui tieng chu an hung hnai chau ding a nih,” a ta.

HABAKKUK 3:18

Lalpaa chun hlim ka ta, Ka sandamna Pathiena chun lâwm ka tih.

ZEKARIA 10:7

Chun, Ephraimhai kha chu mi thilthawtheitak ang nîng an ta, uoin leiin an lungril chu hlim a tih; anih, an thlahai chu hmûng an ta, lâwm an tih; an lungril khawm chu Lalpaa chun lâwm bawk a tih.

ZEKARIA 3:5

Chun, keiin, “A lu chungah lukâwm mawitak inkâwmtir raw hai se,” ka ta. Chuongchun, a lua chun lukâwm mawitak chu an inkâwmtir a, ama chu silfênhai chun ân thuom a; chun, Lalpa vântirko chu a kâwla chun a ngîr zing a.

LUKA 15:22

Nisienlakhawm, a pa chun a suokhai kuomah, ‘Zakawfuol a ṭhatak kha hung la vat unla, inhâktir ro; a kutah kutsebi inbuntir unla, a keah kekawk inbuntir ro;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si naw a; felna dâm, inremna dâm, Thlarau Inthienga lâwmna dâm a ni lem ie.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:22

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:11

Chuong chau khawm chu a ni naw a, inremna tuta a mîn hmutirtu ei Lalpa Isu Krista lei chun Pathienah ei lâwm bawk a nih.

GALATI 3:27

Nangni laia Kristaa baptisma chang phawthai kha Krista chun in inthuom ta si a.

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In dawtheizie mi po po hriet ni raw se.

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;

THUPUONGSUO 21:2

Chun, khaw inthieng Jerusalem thar chu, mo a pasal ela ân chei angin inzosa hieuin, Pathien kuoma vâna inthawka hung ṭum ka hmu bawk a.

THUPUONGSUO 21:9

Chun, berbu pasari, hremna nuhnungtak pasaria sip chawi, vântirko pasari laia pakhat chu a hung a; ama chun, “Hung ta, mo, Berâmte nuhmei chu inentir ka ti che,” tiin a mi biek a.

THUPUONGSUO 4:4

Lalṭhungpha vêla chun lalṭhungpha sâwmhni le pali a um a; chun lalṭhungphahaia chun upa sâwmhni le pali puon vâr sila ṭhung ka hmu a, rângkachak lallukhumhai an khum a.

1 SAMUEL 2:1

Hanna chu a ṭawngṭai a, “ Lalpa chungah ka lungril a lâwm êm êm a; Ka ki chu Lalpaa chawimawiin a um a; Ka hmêlmahai chungah ka bau suklienin a um a, I sandamnaa chun ka lâwm êm êm leiin.