ISAI 60:5 - Pathien Lekhabu Inthieng (BSI)

⁵ Chu pha chun hmûng i ta, var tâng i tih, i lungril chu inthin a ta, suklienin um a tih; tuipuia sumdâwngna tamtak el chun nanga tieng a pan ding a ni leiin le, hnam tin sum chun i kuom a hung tlung ding a ni leiin.

ISAI 60:5 ပူးပေါင်းရင်းမြစ်များ

INPÂKNA HLABU 119:32

I thupêk lampuia chun tlân ka ta, Ka lungril hi i suklien pha chun.

INPÂKNA HLABU 34:5

Ama an en a, chun, an hung var suok ta a, An hmêlhai chu iengtika khawm inzak naw ni.

ISAI 23:18

Chun, a sum themsuok le a hlaw chu Lalpa ta dinga thil inthieng nîng a ta, chu chu inkhâwlin amanih, sie khâwlin amanih um naw ni a; a sum themsuok chu Lalpa hmaa umhai ta dingin a ni ding a ni si a; hnienghnâra an fâk ding le, silfên ropuitak an nei theina dingin.

ISAI 54:2

I puon in hmun chu zau rawh, i umnahai puon in chung chu keipharin um raw se; ret naw rawh, i hruihai chu suksei la, i keimarna hembûrhai chu sukdet rawh.

ISAI 60:11

I kawtkhârhai khawm hawngin um zing a ta; asûn azânin khâr ni naw nih; mihaiin hnam tin sum chu i kuomah an hung lâk a; an lalhai khawm an hung ṭhuoi ve theina dingin.

ISAI 61:6

Nangni ruok chu, “ Lalpa thiempuhai,” tia inbûkin um in tih: mihaiin, “Ei Pathien rawngbâwltuhai, ” tîng an ti cheu a; hnam tin sum fâng in ta, an ropuina chu insuong phâng in tih.

ISAI 66:12

Lalpa chun hieng ang hin a ti si a, “Ngai ta u, inremna chu vadungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

MATTHAI 25:16

Chun, talent nga dawngtu chu chuonghai chun a va sumdâwng nghâl ta a, talent nga dang a sukdawk ta a.

THILTHAWHAI 10:45

Chun, Sertanhai laia ringtuhai Peter hung zuituhai chun Thlarau Inthieng pêk chu Jentailhai chunga khawm buok a ni leiin mak an ti hle a;

THILTHAWHAI 11:17

Chuongchun, Lalpa Isu Krista an ring phingleh, Pathienin thil thlâwnpêk a mi pêk ang kha an kuoma a pêk tahnung chu, kei tê hi Pathien sêl ruol am ka nih?” a ta.

THILTHAWHAI 24:17

Chun, kum tamtak hnunga hin ka chipuihai lai thilpêk ding chawiin, inthâwina inhlân dingin ka hung a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si naw a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:26

Makedonia le Akaia rama mihai chun lungâwitakin, Jerusalema mi inthienghai laia mi rimsihai ta dingin sum an thawlâwm ta si a.

2 KORINTH 10:15

kan inkhina huntâwk liema, mi dang thaw sâwlhai chu, kan suong naw a, in ringna ân ṭhang ang peiin, kan biel chin ang peiah, nangni lai nasataka suklienin um kan tih ti beiseina kan nei lem a,

DÂN PAHNINA 33:19

Tlângah chi tin ko an ta, Chutaka chun felna inthâwina dâm inhlân an tih; Tuipuihai hausakna an tlân ding a ni si a; Ṭieua ro inphûmhai leh,” a ta.

THUPUONGSUO 21:24

A vara chun hnam tin um an ta, hnuoia lalhai chun an ropuina la lût an tih.

THUPUONGSUO 21:26

A sûnga chun hnam tin ropuina le chawimawina la lût an tih.

1 SAMUEL 2:1

Hanna chu a ṭawngṭai a, “ Lalpa chungah ka lungril a lâwm êm êm a; Ka ki chu Lalpaa chawimawiin a um a; Ka hmêlmahai chungah ka bau suklienin a um a, I sandamnaa chun ka lâwm êm êm leiin.