ISAI 60:21 - Pathien Lekhabu Inthieng (BSI)

²¹ I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 60:21 ပူးပေါင်းရင်းမြစ်များ

2 SAMUEL 7:10

Chun, ka mi Israelhai ta dingin hmun ruot ka ta, anni ngei puol hmuna an um a, an insawn ta nawna dingin anni chu phun ka ta, kha hma ang khan mi rilohaiin sukrimsi ta naw ni hai a;

INPÂKNA HLABU 37:11

Thuhnuoirawlhai ruok chun ram hi hluong an ta, Inremna nasatak chungah lâwm an tih.

INPÂKNA HLABU 37:18

Lalpa chun mi ṭha famkim nihai chu a hriet a, An rohluo ding chu kumkhuoa um zing ding a nih.

INPÂKNA HLABU 37:22

A malsâwmna dawngtuhai chun ram hi hluong an ta, A ṭawngse phurtuhai chu sukbohmangin an um ding a nih.

INPÂKNA HLABU 37:29

Mi felhai chun ram hi hluong an ta, A sûnga hin kumkhuoin um an tih.

INPÂKNA HLABU 92:13

Lalpa ina phunhai chu, Ei Pathien biekin inhuonna tuol sûnga chun inno hlut hlut an tih.

ISAI 19:25

sipaihai Lalpa chun, “Ka mi Aiguptahai le ka kutsuok Assuriahai le ka rochan Israelhai chu malsâwmin um raw se,” tiin mal a sâwm si a.

ISAI 24:16

Kâwlkawdawnga hla sakhai kan hriet a, “Mi felhai kuomah ropuina um raw se,” ti hla hi. Nisienlakhawm, kei chun, “Ka chêr deu deu a, ka chêr deu deu a, ka chung a rik ie! vervêktaka thawtuhai chun vervêktakin an thaw a, anih, vervêktaka thawtuhai chun vervêktakin an thaw,” ka ti a.

ISAI 26:2

Hnam fel thutak zâwmtu chu a lût theina dingin kul kawtkhârhai chu hawng ro.

ISAI 29:23

An nau, ka kutsuokhai chu, anni laia an hmu chun, ka hming chu sukthieng lem tâng an tih; anih, Jakobhai Mi Inthieng chu sukthieng an ta, Israelhai Pathien chu ṭi tâng an tih.

ISAI 43:21

chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

ISAI 43:7

ka hming puthai po le ka ropuina dinga ka isiemhai po chu; anni chu kân ngîr an nih, anni chu ka siem an nih.

ISAI 44:23

Aw vânhai, hlimtakin hla sak ro, Lalpain chu chu a thaw ta si a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: Lalpa chun Jakobhai chu ân tlan ta a, Israelhaia chun ân chawimawi ding a ni si a.

ISAI 45:11

Lalpa Israelhai Mi Inthieng, anni siemtu chun hieng ang hin a tih, “Thil la hung tlung ding thu chu mîn dawn unla; ka naupasalhai thua le, ka kut sinthaw thua hin thu mi pe ro.

ISAI 45:24

Miin, ‘ Lalpaa chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

ISAI 45:25

Israel thlahai po po chu Lalpaa chun a nih thiem inchangtira an um a, Lalpa chu an sawng ding chu,” tiin.

ISAI 45:8

Vânhai, chungtienga inthawk khan infarthlâktir ro, vân dumhai khan felna hung buok thla raw hai se, sandamna an inder dawktir theina dingin hnuoi inhawng sienla, felna leh mâwng hmunkhat raw se; kei Lalpa hin chu chu ka siem a nih.

ISAI 49:3

chun, ka kuomah, “Nang chu ka siehlaw i na; Israel, chawimawia ka umna ding chu i nih,” a ti a.

ISAI 51:2

In pu Abraham tieng le nangni neitu cheu Sara tieng kha en ro; ama chu pakhat chau a ni lai khan ka ko a, mal ka sâwm a, mi tamtakah ka siem ta kha.

ISAI 52:1

Aw Zion, har la, har la, i hrâtna inbel rawh; aw Jerusalem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si naw a.

ISAI 54:17

Nangma thawna dinga hriem sut hrim hrim ṭhahnem naw ni a, lei tinrêng thupawia nangma hung khingtuhai che chu thiemnaw inchangtir i tih. Chu chu Lalpa siehlawhai rochan chu a na, an felna chu ka kuoma inthawk a nih, Lalpain a tih.

ISAI 57:13

I khêk pha chun i lâk khâwmhai chun sanhim raw se che; nisienlakhawm, anni rawi chu thliin lâng a ta, thuokin lên hmang vawng a tih; kei mi ringtu ruok chun ram hi nei a ta, ka tlâng inthieng hi hluong a tih.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

ISAI 61:7

An muolpho aiah a let hniin hmûng an ta; an inzak aiah an chanvoah hlimin hla sak an tih: chuleiin, an rama chun a let hni hluong an ta, kumkhaw hlimna an kuomah um a tih.

ISAI 62:4

“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti che a, i ram khawm chu “Beula” ti bawk an tih, Lalpa i chungah a lâwm si a, i ram khawmin pasal a nei ding a nih.

ISAI 64:8

Tu ruok hin chu aw Lalpa, nang chu kan pa i na; keini hi bepil kan na, nang chu a mi hemtu i na, chuongchun, kan rêng hin i kutsuok kan nih.

ISAI 65:9

Chun, Jakoba inthawkin chi pakhat suksuok ka ta, Judaa inthawkin ka tlânghai hluotu ding chu suksuok bawk ka tih; chuongchun, ka mi thlanghai chun chu chu hluong an ta, ka siehlawhai chu chutaka chun um an tih.

JEREMIA 24:6

An ṭhatna dingin an chungah ka mit inlên ka ta; chuongchun, hi rama ma hin hung ṭhuoi nâwk ka tih; chun, anni chu tungding ka ta, keihnuoi naw ningah; anni chu phun ka ta, phawi naw ningah.

JEREMIA 32:41

Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

EZEKIEL 11:17

Chuleiin, ‘Lalpa Pathien chun hieng hin a tih, hnamhai laia inthawk chun la khâwm ka ti cheu a, sukdara in umna ramhaia inthawk chun kei khâwm ka ti cheu a, Israel ram chu pêng ka ti cheu,’ ti rawh.

EZEKIEL 34:29

Anni lai chun hming inthang khawp thlâichingna pêng ka ta, chu rama chun ṭâm ifâk zoin um ta naw ni hai a, hnam danghai biekrâwpna chu tuor ta bawk naw nihai.

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

EZEKIEL 47:7

Chun, chuonga ka kîr lai chun, ngai ta, vadungpui kama chun hi tieng sîr le khing tieng sîra khawm chun thing tamtak an um a.

AMOS 9:15

An ramah anni chu phun ka ta, an kuoma ka pêk an rama inthawk phawidawkin um nâwk ta naw ni hai,” Lalpa i Pathien chun a tih.

OBADIA 1:17

Zion tlânga ruok chu a tlân suokhai chu um an ta, inthieng a tih; chun, Jakob sûnghai chun an rochan chu chang an tih.

ZEPHANIA 3:13

Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni si a,” a ta.

MATTHAI 15:13

Ama ruok chun, “Kûng po po ka Pa vâna mi phun naw chu phâwidawkin um an tih.

MATTHAI 5:5

“Zainêmhai chu an hamṭha; hnuoi ro hi an la hluo ding a ni si a.

JOHAN 15:2

Ka zawmpui kâu ra naw taphawt chu a peihâwn hlak; a ra taphawt chu a sukthieng hlak, a ra tam nâwk zuolna dingin.

EPHESI 1:12

keini Krista lo beisei hmasatuhai hi a ropui inpâkna kan lo nina dingin.

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

EPHESI 2:7

Chuongchun, hun la hung tlung dinghaia chun Krista Isua hin ei chunga ngilneiin, a lunginsietna nasatzie chu inentir thei a tih.

2 THESSALONIKA 1:10

chu ni, a mi inthienghaia chun chawimawia um ding le, ringtuhai po poa chun (kan thu inhriettir cheu kha in awi si a) makti dinga a hung nia chun.

2 PETER 3:13

Nisienlakhawm, a thutiem ang chun vân tharhai le hnuoi thar, a sûnga felna umhai chu ei beisei a nih.

THUPUONGSUO 21:27

Nisienlakhawm, thil inthiengnaw hrim lût dêr naw ni a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.

THUPUONGSUO 5:10

Kan Pathien ta dingin khuoletui le, Thiempuahai i siem ta si a; Chun hnuoiah ro rêl an tih,” tiin.