ISAI 60:19 - Pathien Lekhabu Inthieng (BSI)

¹⁹ Nisa khi sûna nangma êntu ni ta naw ni a; thla khawm khin varna dingin sukvar ta bawk naw ni che; Lalpa ruok chu i ta dingin kumkhuoa vartuah um tâng a tih, I Pathien chu i ropuina dingin um bawk a tih.

ISAI 60:19 ပူးပေါင်းရင်းမြစ်များ

INPÂKNA HLABU 3:3

Nisienlakhawm, aw Lalpa, nang chu ka vêlin ka phaw i na, Ka ropuina le ka lu dawm kângtu i nih.

INPÂKNA HLABU 36:9

Hringna tuikhur chu i kuomah a um si a. I vara chun var la hmûng kan tih.

INPÂKNA HLABU 4:2

Aw mihriem nauhai, ka ropuina hi ieng chen am muolphonaah in inchan ding a na? Iengchen am thil teplo hi ngainâng in ta, khêlthu hi in zawng ding?

INPÂKNA HLABU 62:7

Pathien kuomah ka sandamna le ka ropuina a um a, Ka hrâtna lungpui le kân humhimna chu Pathienah a um a.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

INPÂKNA HLABU 84:12

Aw sipaihai Lalpa, Nangma ring mi chu a hamṭha ie.

ISAI 2:5

Aw Jakob sûnghai, hung unla, Lalpa vara hin lêng ei tiu khai.

ISAI 24:23

Chu hnunga chun thla khi inzaktakin um a ta, nisa khi muolphotakin um a tih; sipaihai Lalpa chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni si a.

ISAI 28:5

Chu nia chun sipaihai Lalpa chu, a mi la um sunhai ta dingin ropuina lallukhum dâm, mawina lukhum dâm,

ISAI 30:26

Chu naw khawm chu, Lalpa chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 41:16

Zâp in ta, thliin mût lêng a tih, thlivir chun sukdar a tih; chun, nangni chu Lalpaa chun lâwm in ta, Israelhai Mi Inthieng chu la suong in tih.

ISAI 45:25

Israel thlahai po po chu Lalpaa chun a nih thiem inchangtira an um a, Lalpa chu an sawng ding chu,” tiin.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 60:1

Tho la, var rawh, i var chu a hung tlung a; Lalpa ropuina chu i chungah a hung suok ta hi.

ISAI 9:2

Mi inthim hnuoia fehai chun var nasatak an hmu ta a; thina hlim rama umhai chunga ngei chun var a hung var ta a.

ZEKARIA 2:5

A vêlin kei a mei kul bang nîng ka ta, a sûnga chun kei chu a ropuina ka ni ding a ni si a, Lalpa chun a tih,” a ta.

ZEKARIA 2:9

Ngai ta u, anni chunga chun ka kut chu thin ka ta, chuongchun, anni rawng bâwlpêktuhai ta dingin râllâk sum hung ni tâng an tih; chun, sipaihai Lalpa chun kei a mi tir a nih ti hre tâng in tih.

LUKA 2:32

Jentailhai kuoma suklangna var le I mi Israelhai ropuina ding chu,” a ta.

DÂN PAHNINA 10:21

Ama chu in inpâk ding chu a na, hieng in mita in hmu tah thil ropuitak le râpthlâktakhai thawpêk hlak cheu in Pathien a nih.

THUPUONGSUO 21:23

Chu khuo chun a ên dingin nisa a ngai naw a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni si a.

THUPUONGSUO 22:5

Chun, zân um nâwk ta naw ni a; khâwnvar le nisa var ngai naw ni hai a; Lalpa Pathien chun anni a ên ding a ni si a; chuongchun, chatuonin ro rêl an tih.