ISAI 60:14 - Pathien Lekhabu Inthieng (BSI)

¹⁴ Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

ISAI 60:14 ပူးပေါင်းရင်းမြစ်များ

INṬANNA 27:29

Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a ti a.

INṬANNA 42:6

Chun, Josef chu Aigupta ram chunga chun hotu a ni a, ama chu chu rama mi po po kuoma a zawrtu a nih: chuongchun, Josef unauhai chu an hung a, hnuoi sikin ama chibai an bûk tâwl a.

INPÂKNA HLABU 46:4

Vadung pakhat a um a, chu kau chun Pathien khawpuihai chu a suklâwm hlak, Achunghnungtak umna hmun inthieng chu.

INPÂKNA HLABU 48:2

Insâng zâwnga mawitak, khawvêl po po hlimna chu, Zion tlâng chu a nih, hmar tieng panga, Lal ropuitak khawpui chu.

INPÂKNA HLABU 87:3

Aw Pathien khawpui, I chungchâng thu ropuitakin an hril hlak a nih.

THUVARHAI 14:19

Mi suol chu mi ṭha hmaa chun a kûn a, Mi khawhlo chu mi fel daikawtkhârhaia chun a kûn bawk a.

ISAI 1:26

chun, i chungah rorêltuhai chu a tîra an um ang khan inumtir nâwk ka ta, i sûnga remruottuhai chu a hmasa taka an um ang khan inumtir nâwk bawk ka tih; chu hnunga chun, ‘Felna khawpui, khawpui ringumtak,’ la tîng an ti che.

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 45:23

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok ta a, hung kîr nâwk ta naw nih.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti che a; i kea pilvut chu liek an tih; chuongchun, kei hi Lalpa ka ni hung hre el i tih; a mi nghâktuhai chu muolphoin um naw ni hai.

ISAI 62:12

Chuongchun, anni chu Mi Inthienghai, Lalpa intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a ti a.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

EZEKIEL 36:15

chun, hnamhai inzakna chu inhriettir ta ngai bawk naw ning che a, hnamhai kâwkna chu phur ngai ta bawk naw ti ni; chun, i hnamhai chu insuithlu dingin siem nâwk ta ngai bawk naw ti ni, Lalpa Pathien chun a tih,” tiin.

EZEKIEL 39:7

Chun, ka hming inthieng chu ka mi Israelhai laia chun suklangsâr ka ta, ka hming inthieng sukpawrchea a um ding hrim hrim chu ngai thei naw ningah, chun, hnamhai chun Lalpa, Israela Mi Inthieng chu ka nih ti mi hre tâng an tih.

JOEL 3:8

In naupasalhai, in naunuhmeihai chu Juda nauhai kutah zawr ka tih; anni chun hlatakah Seba mihai kuomah anni chu zawr an ta, Lalpa chun a ti tah a nih,” tiin.

ZEPHANIA 3:19

Ngai ta, chu pha chun nangma sukrimsituhai che chu keiin sawisâng ka ta: A ngîr chu sandam ka ta, hnawt hmanga um chu kei khâwm ka tih; Hnuoi chung po poa an hmaimâwkna lo um ta chu, Hming le inpâkna siempêk ka tih.

ZEKARIA 8:23

Sipaihai Lalpa chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet si a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

HEBRAIHAI 12:22

Zion tlâng dâm, Pathien hring khuo, vân Jerusalem dâm, tiem sêng nawhai vântirko inkhâwmpui dâm,

THUPUONGSUO 14:1

Chun, ka hang en a, Berâmte chu Zion Tlânga ngîrin le an chala a hming le a Pa hming ziek, mi nuoi khat le sîng li le sâng li a kuoma chun an um a.

THUPUONGSUO 3:12

A hnetu taphawt chu ka Pathien biekina chun banah siem ka ta, chutaka inthawk chun suok ta naw ni; chun, amaa chun ka Pathien hming leh, ka Pathien khuo Jerusalem Thar, ka Pathien kuoma mi vâna inthawka hung ṭum ding hming leh, ka hming thar leh ziek ka tih.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.