ISAI 60:10 - Pathien Lekhabu Inthieng (BSI)

¹⁰ Ram dang mihai chun i kul banghai chu rem nâwk an ta, an lalhai khawma i rawng bâwl tâng an tih: ka lunginsen chun ka vuok che a, nisienlakhawm, ka ditsaknain ka lunginsiet si che a ni hi.

ISAI 60:10 ပူးပေါင်းရင်းမြစ်များ

INPÂKNA HLABU 102:13

Tho i ta, Zion tlâng chu lunginsiet i tih, Ama chu lunginsiet a hun ta si a anih, hun ruot chu a tlung tah.

INPÂKNA HLABU 30:5

A lungsen chu mitkhap kâr chaua ding a ni si a; A ditsakna ruok chu dam sûnga ding a nih. Ṭapna chun zânkhuo a dai thei a, Hlimna ruok chu zîngkâr a hung tlung hlak.

ISAI 12:1

Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti che a; i kea pilvut chu liek an tih; chuongchun, kei hi Lalpa ka ni hung hre el i tih; a mi nghâktuhai chu muolphoin um naw ni hai.

ISAI 56:6

Ram dang mi khawm, châwlni bawse lova, inser hlakhai le, ka thuthlung pawm tlat taphawt chu, Lalpa rawng bâwl ding le, Lalpa hming hmangai ding le, a siehlawahai um dinga Lalpa zâwm taphawthai;

ISAI 60:3

Chuongchun, hnam tin chu i var tieng chun hung an ta, lalhai khawm i hung suok varna tieng chun hung bawk an tih.

ISAI 61:2

Lalpa lungawi kum thu le ei Pathien phubalâk ni thu hril ding dâm, lungngaihai po po thlamuon ding dâm,

ISAI 61:5

Ram dang mihai chun in ran ruolhai chu ngîrin intlattir an ta, hriet ngai naw mihai chu in hnuoi inlettuahai le in grêp hrui enkawltuahai um an tih.

ISAI 64:9

Aw Lalpa, lunginsen talaw naw la, khawhlonahai khawm kumkhawtluong chun hre zing naw rawh; ngai ta, lunginsiettakin mi en la, kan rêng hin i mihai kan ni hi.

ISAI 66:21

Chun, chuong laia mihai khawm chu thiempu ding dâmin, Levi mihai ding dâmin lâng ka tih, Lalpain a tih.

JOEL 2:18

Lalpa chun a ram chu a thîk a, a mihai chu a lunginsiet a.

ZEKARIA 6:15

Chun, ram hlataka umhai khawm chu hung an ta, Lalpa biekin chu hung bâwl an ta; chun, sipaihai Lalpa chun in kuomah a mi hung tir a nih ti hre tâng in tih. Hieng thilhai hi la hung tlung ngei a tih, Lalpa in Pathien râwl chu nguntaka in zui phawt chun,” tiin.

THUPUONGSUO 21:24

A vara chun hnam tin um an ta, hnuoia lalhai chun an ropuina la lût an tih.

THUPUONGSUO 21:26

A sûnga chun hnam tin ropuina le chawimawina la lût an tih.