ISAI 6:5 - Pathien Lekhabu Inthieng (BSI)

⁵ Chu phingleh kei chun, “Hmûr tirdakum put mi ka na, hmûr tirdakum put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai Lalpa chu a hmu ta si a,” ka ti a.

ISAI 6:5 ပူးပေါင်းရင်းမြစ်များ

INṬANNA 32:31

Chun, a êlpui inpelsawl leia inbâi puma Peniel a suoksan lai tak chun nisa a hung suok a, ama chu a hung khaw a.

INPÂKNA HLABU 24:10

Chu Ropuina Lal chu tu am a na? Sipaihai Lalpa chu, Ama ngei hi Ropuina Lal chu a nih.

FESUOKNA 24:10

chun, Israel Pathien chu an hmu a, a kehai hnuoia chun sapphir lung rem ang tletak, a tlêtzie chu vân thil ni âwm tak hrim hi a um a.

FESUOKNA 3:6

Chu nawa khawm, “I thlatu Pathien, Abraham Pathien, Isak Pathien le, Jakob Pathien ka nih,” a ti a. Chun, Mosie chun Pathien chu a en ngam naw a, a hmai a thup ta a.

FESUOKNA 33:20

Nisienlakhawm, Ka hmêl chu hmu thei naw ti nih, tukhawm ka hmêl hmu chu an hring ding a ni si naw a,” a ti a.

FESUOKNA 4:10

Mosie chun Lalpa kuomah, “Tuhin le a hma khawmin, i siehlaw kuomah thu i hung hril chena khawm, mi danginnâl ka ni naw a, ṭawng muongtak le danginâwk ka ni si a,” a ti a.

FESUOKNA 6:12

Mosie chun Lalpa kuomah, “Ngai ta, Israel mihai chun ka thu an ngai si naw a, iengtin am Pharao chun kei hmûr themthiemlotak thu hi ngai a ti leh?” a ti a.

FESUOKNA 6:30

Mosie chun Lalpa kuomah, “Ngai ta, kei chu hmûr themthiemlotak ka ni a, Pharao chun iengtin am ka thu ngai a ti leh?” a ti a.

ISAI 24:16

Kâwlkawdawnga hla sakhai kan hriet a, “Mi felhai kuomah ropuina um raw se,” ti hla hi. Nisienlakhawm, kei chun, “Ka chêr deu deu a, ka chêr deu deu a, ka chung a rik ie! vervêktaka thawtuhai chun vervêktakin an thaw a, anih, vervêktaka thawtuhai chun vervêktakin an thaw,” ka ti a.

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 33:17

I mithai chun lal chu a mawinaa chun la hmûng a ta, ram par lientak la thlîr a tih.

ISAI 59:3

In kuthai chu thisen sukpawrchein a um a, in kutpârhai hlak khawhlonaa sukpawrchein a um si a; in hmûrhai chun khêl a hril a, in lei chu rîtlona thu hrilin a chier num num hlak.

ISAI 64:6

Mi inthieng naw angin kan lo um vawng ta si a, kan felnahai po po khawm silfên inthieng naw ang a na; kan rêng hin hna angin kan vuoi hlak a; kan khawhlonahai hin thli angin a mi lên hmang hlak.

JEREMIA 1:6

Chun, kei chun, “E, Lalpa PATHIEN, ngai ta, thu ka hril thei le; naupang el ka ni si a,” ka ti a.

JEREMIA 51:57

Chun, a lalhai le a mi varhai le, a rorêltuhai le, a lal aiawtuhai le a mi thilthawtheihai chu sukrui ka ta; kumkhuoa innaa chun in an ta, tho ta naw ni hai, Laltak, a hming khawm sipaihai Lalpa chun a tih.

EZEKIEL 12:2

“Mihriem naupa, nang sûngkaw hel hmang, hmûna dinga mithai nei si a, hmu lohai, hrietna dinga nahai nei si a, hre lohai laia chêng, sûngkaw hel hmang an ni si a.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si lovin; an bau chun nasatakin hmangaina an inlangtir a, amiruokchu, an lungrilhai chun an hlâwkna chu a hnawt si a.

DANIEL 9:20

Chun, ṭawngṭaia, ka suolna le ka mi Israelhai suolna chu thuphachawia, ka Pathien tlâng inthieng ta dinga ka Pathien Lalpa hmaa ka hninahai kân tluna, ka ṭawng lai zing chun,

HABAKKUK 3:16

Ka hriet a, ka phîngsûng chu ân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

NAMBAR 17:12

Chun, Israel mihai chun Mosie kuomah, “Ngai ta, kan bohmang a ni annâwm, kan se zo tah, kan se zo vawng tah annâwm.

RORELTUHAI 13:22

Chun, Manoa chun, a nuhmei kuomah, “Ei thi ngei ding a nih, Pathien ei hmu tlat si a,” a ti a.

RORELTUHAI 6:22

Chuongchun, Gideon chun Lalpa vântirko a nih ti a hriet ta a; chun, Gideon chun, “E khai, aw Lalpa PATHIEN, Lalpa vântirko chu inhmatawn ngeiin ka hmu ta chu aw!” a ti a.