ISAI 6:4 - Pathien Lekhabu Inthieng (BSI)

⁴ Chuongchun, a khêktu khêk ria chun a kawtkhâr bul lungphûm chenin ân hnîng ta dur dur a, in chu meikhuin a sip ta a.

ISAI 6:4 ပူးပေါင်းရင်းမြစ်များ

2 CHANCHIN SUINA 5:13

Lalpa inpâka, lâwmthu hrila, hla saktuhai le tawtawrâwt puhai chu pakhat ang el a, ri inremtaka hriet a ni hlak a; tawtawrâwthai le, dârbenthekhai le, rimawi thawna thuomhnawhai leh an râwlhai an insuo a, Lalpa chu inpâka, “Ama chu a ṭha si a; a zângaina chu kumkhuoin um zing a tih,” an ti pha chun, Lalpa in chu sûmin a hung sip hlak a,

INPÂKNA HLABU 18:8

A hnâra inthawk chu meikhu ân tung ta ngut ngut a, A baua suok mei chun a kâng ta dur dur a; Chu chun meihawl khawm chu a sukchawk ta hum hum a.

FESUOKNA 40:34

Chun, sûm chun intuokna puon in chu ân khum a, Lalpa ropuinain biekbûk chu a suksip a.

EZEKIEL 1:24

Chun, an lâwn pha chun, an thla ri chu: tui nasatak ri ang elin, Iengkimthawthei râwl ri ang elin, sipai ruol ri ang, buoi mur mur ri ang ka hriet a. An ngîr pha chun, an thlahai chu an sie thlâk a.

EZEKIEL 10:5

Chun, cherubhai thla ri chu Pathien Iengkimthawtheiin thu a hril laia a râwl angin, tuollai puo lema inthawk khawm chun ân hriet a.

EZEKIEL 41:16

a tukver inkhâr zinghai, a sâwng thuma a dawdanhai a vêlin a um a; a inpui kawt lûtnaa inthawk, a vêla thingphêka remin ṭuonga inthawka tukver chen rem a nih;

EZEKIEL 44:4

Chun, in hmaia hmâr tieng dâi kawtkhâra chun a mi ṭhuoi a; chun, ka hei en a, ngai ta, Lalpa ropuina chun Lalpa in chu a sip a; chuongchun, bawkkhupin ka tlu ta a.

AMOS 9:1

Maichâm bula ngîrin Lalpa chu ka hmu a, chun, ama chun, “Kawtkhâr bulhai an inhnîng theina dingin a sîp bâwkhai chu vaw la, an rênga lu chungah suknâwi vawng rawh; chun, a thi mahlahai chu kâwlhnâmin that ka ta, pakhat khawm tlân hmang naw ni hai a, pakhat khawma pumpel naw bawk an tih.

THUPUONGSUO 11:19

Chun, vâna Pathien biekin chu ân hawng a, chuongchun, biekina chun a thuthlungna bâwm chu a hung inlang ta a; chun kâwlinlep dâm, rawl dâm, vân inrûm dâm, simkhawleihnuoi inhnîng dâm, riel nasatak dâm, a hung um nghâl ta a.

THUPUONGSUO 15:8

Chun, pindan sûngril chu Pathien ropuina le a thilthawtheina khuin a sip ta a; vântirko pasarihai hremna pasari chu a bo hmakhat pindan sûngrila chun tûkhawm an lût thei nawh.