ISAI 6:13 - Pathien Lekhabu Inthieng (BSI)

¹³ Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienlakhawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 6:13 ပူးပေါင်းရင်းမြစ်များ

INṬANNA 22:18

i thlahaia chun khawvêla chi tin la thawveng an tih’ a tih,” tiin.

EZRA 9:2

An naupasalhai le annihai ta ding ngei khawma an naunuhmeihai an nei si a; chuongchun, chi inthieng chu annia hin hieng rama mihai le hin ân chawkpawl ta a; anih, hi bawsietnaa hin mi ṭhahai le rorêltuhai hi a hmaṭhuoi an ni nghe nghe a nih,” an ta.

EZRA 9:8

Tuhin mitkhapkâr tawitea dingin kan Pathien Lalpa zângaina chu hla bîkhai mi la mâksanpêk ding le, a hmun inthienga um zingna mi pe dingin kan Pathien chun kan mithai a hung sukvar a, kan sal intângnaa hin sukharna tlâwmte bêk a mi pêk theina dingin inlangtirin a um a.

ISAI 1:9

Sipaihai Lalpa chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 11:1

Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 4:3

Chun, Ziona la um le, Jerusalema la umhai chu inthieng ti ni tâng an tih, Jerusalema a la damhai laia hming ziekhai po po chu:

EZEKIEL 6:8

Amiruokchu, ṭhenkhat la hlâng ka ta, ramhaia sukdara in um pha chun, hnamhai laia chun ṭhenkhat chun kâwlhnâm chu pumpel in tih.

AMOS 5:3

Lalpa Pathien chun hieng ang hin a ti si a: “Israel chihai kuoma chun, khawpui, sâng suokna khan, za mâksan a ta, khawpui, za suokna khan sâwm mâksan a tih”.

MIKA 5:6

Assuria ram chu kâwlhnâmin suksieng an ta, Nimrod ram chu a lûtnaa chun sukse bawk an tih; chun, ama chun ei ramah Assuria mi a hung a, ei ram chu a hung sir pha chun, amaa inthawk chun mi sansuok a tih.

ZEPHANIA 3:12

Amiruokchu, i sûnga chun mi pasiehai le mî sukrimsika umhai chu mâksan ka ta, Lalpa hming chu ring tâng an tih.

ZEKARIA 13:8

Lalpa chun, “Chu nia chun hieng hi hung nîng a ta, ram po poa chun, chutaka hmun hni chu sât thlâk nîng an ta, thîng an tih; chun, a hmun thumna chu hla nîng an tih.

MALAKI 2:15

Chun, hringna chi chu a nei leiin, ama chun pakhatah a siem a ni naw am a nih? Ieng leia pakhata siem am a na? Pathien chi chu a zawng a nih. Chuleiin, in thlaraua chun fîmkhur unla mi tukhawma a tleirâwl nuhmei chu khawhlotakin thaw naw raw se.

MATTHAI 24:22

Chun, chuong nihai chu suktâwi ni naw sien chu mihriem hrim hrim damin suok naw ni hai; nisienlakhawm, thlanghai lei chun chuong nihai chu suktâwi nîng a tih.

MARKA 13:20

Chun, Lalpân chuong nihai chu suktawi naw sien chu mihriem hrim hrim damin suok naw ni hai; nisienlakhawm, mi thlang a iruothai leiin nihai chu a suktawi a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:5

thlatu bulhai chu an ta a ni bawk a, taksa tienga sui chun Krista chu anni laia inthawka hung suok a ni si a; ama chu thil tinrêng chunga um a na, chatuona inpâk tlâk Pathien a nih. Amen.

DÂN PAHNINA 28:62

Vâna arasi zât hiel ni hlak kha tlâwmte bak hung ni tâng in ta, Lalpa in Pathien râwl chu in zâwm naw leiin.

DÂN PAHNINA 7:6

Lalpa in Pathien ta dingin hnam inthieng in ni si a, leilunga hnam po poa inthawk ama chanpuol bîk ni dinga Lalpa in Pathienin a thlang cheu a nih.