ISAI 6:10 - Pathien Lekhabu Inthieng (BSI)

¹⁰ Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

ISAI 6:10 ပူးပေါင်းရင်းမြစ်များ

INPÂKNA HLABU 119:70

An lungril chu rîlrâng thau angin a thau a, Kei ruok chu i dân chungah ka lâwm hlak.

INPÂKNA HLABU 17:10

Anni chu anni thâu vêka inhuonin an um a, An bauin chapotakin an ṭawng hlak.

INPÂKNA HLABU 69:23

An mithai chu an hmu theinawna dingin sukthimin hung um sienla, An kâwnghai chu sukthin rawp rawh.

FESUOKNA 10:27

Nisienlakhawm, Pharao lungril chu Lalpain a sukngar a, anni chu ân fetir chuong naw a.

FESUOKNA 11:10

Mosie le Aron chun Pharao hmaa chun thilmakhai po po chu an thaw ta a; nisienlakhawm, Lalpa chun Pharao lungril chu a sukngar leiin, a rama inthawk chun Israel mipuihai chu ân fesuoktir chuong nawh.

FESUOKNA 14:17

Chun, keiin Aigupta mihai lungril sukngar ka ta, an hnungah hung lût vêng an tih; chun, Pharao le a sipai ruol po po, a sakawr tawlailîr po po le, a sakawr chung chuong mihai chungah ropuina chang ka tih.

FESUOKNA 7:3

Nisienlakhawm, Pharao lungril chu sukngar ka ta, Aigupta rama chun ka thilmakhai le ka inchiknahai chu sukpung ka tih.

THUVARHAI 16:30

Mithai insîmtu chun thil ṭha naw a remruot a, Hmûr inchîp tlattu chun thil suol chu ân tlungtir hlak.

THUHRILTU 3:3

Sukhlum hun le sukdam hun a um a, Ṭhiek hun le bâwl hun a um a;

ISAI 19:22

Chun, Lalpa chun Aigupta mihai chu vuong a ta, sukdam bawk a tih: chuongchun, Lalpa kuomah kîr nâwk an ta, ama chu anni ngên thlûkin um a ta, anni chu sukdam a tih.

ISAI 28:13

Chuleiin, an fe a, an thala an tlûk a, an kawinawi a, chânga an âwk a, mana an um theina dingin, Lalpa thu chu annirawi ta ding chun, thununna thu chunga thununna inchuon a, thununna thu chunga thununna inchuon a, dân chunga dân inchuon a, dân chunga dân inchuon a; sawtakah tlawmte, hitakah tlâwmte ti ruok ni el a tih.

ISAI 29:10

Lalpa chun îmu hêna thlarau chu in chungah a buok a, in mit, zâwlneihai chu, ân sîmtir a; in lu, hmutheituhai chu, ân khum ta si a.

ISAI 29:14

chuleiin, ngai ta, hienghai lai hin thilmak thaw nâwk nghâl ka ta, thilmak, thilmaktak el chu; chuongchun, an mi varhai varna chu bohmang tâng a tih, an mi bengvârhai hrietna chu thupin um tâng a tih,” a ta.

ISAI 29:9

Ngîr zing unla, makti ro, nuomtâwl unla, mitdelin um ro; an inrui a, nisienlakhawm, uoin lei a ni nawh; an pêm an pêm a, nisienlakhawm, zu lei a ni nawh.

ISAI 44:18

An hriet naw a, an ngaituo bawk nawh; ama chun an hmu thei nawna dingin ân sîmtir ta si a; an hrietthiem nawna dingin an lungril khawm a khârpêk ta a.

ISAI 63:17

Aw Lalpa, nangin iengleiin am i lampuia inthawk dâm hin i mîn vâkhmangtir hlak a, nangma chu ṭi lo dinga kan lungril hi i mi sukngarpêk hlak am a na? I siehlaw, i rohluo hnamhai lei hin, hung kîr nâwk rawh.

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

JEREMIA 5:21

Aw hrietthiemna boa mi invêthai, tuhin hi hi lo ngai ta u; mithai nei sia, hmu lohai, nahai nei sia hre lohai;

JEREMIA 6:10

An hriet theina dingin tu kuom am thuhrilin hrilfieng ka ta? Ngai ta, an nahai chu verlo an na, an hriet thei hrim hrim nawh! ngai ta, Lalpa thu chu an kuoma chun inhalna ang chau a na, amaa chun lâwmna hrim an nei nawh.

ṬAP HLA 3:65

Anni kuoma i ṭawngsie, lungril ngarna chu nangin pe rawh.

ZEKARIA 11:15

Chun, Lalpa chun ka kuomah, “Berâmpu invêt hmangruohai kha la la nâwk rawh.

ZEKARIA 7:11

Nisienlakhawm, an pawisa nuom naw a, an liengko an herhmang a, an hriet nawna dingin an nahai an suksêt a.

MATTHAI 13:15

Hi chihai lungril hi a lo ngawng ta a, An nahai a lo sêt ta a, An mit an insîm bawk a. Chuong naw chun an mitin hmûng an ta, An nain hrieng an ta, An lungrilin hre bawk an ta, Ngha kîr nâwk an ta, Keiin anni sukdam hlau rawi ka tih,’ a ti kha.

JOHAN 12:40

“Amain an mit a sukdel a, An lungril a sukngar a; Chuong naw chun, an mitin hmu rawi an ta, An lungrilin hrethiem rawi an ta, Ngha kîr nâwk rawi an ta; Keiin anni sukdam rawi ka tih,” ti a hril nâwk lei hin.

THILTHAWHAI 28:27

Hi chihai lungril hi a lo ngawng ta a, An nahai a lo sêt deu a, An insîm bawk a, Chuong naw chun ei mitin hmûng ei ta, Ei nain hrieng ei ta, Ei lungrilin hre bawk ei ta, Ngha kîr nâwk rawi ei ta, Amain mi sukdam hlau rawi a tih,’ an ti a,” a ti kha.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

2 KORINTH 2:16

pâwl khathai ta ding chun, thinaa inthawka thina ding rim kan lo ni a, pâwl danghai ta ding chun, hringnaa inthawka hringna ding rim kan lo nih.

DÂN PAHNINA 2:30

Nisienlakhawm, Hesbon lal Sihon chun a rama chun a mîn fe thlengtir phal naw a; Lalpa in Pathien chun vawisûna anga in kuta a pêk theina ding cheuin a lungril a sukngarpêk a, a suklulul a nih.

DÂN PAHNINA 29:3

a fiena nasatak dâm, inchikna dâm, thilmak dâm in mit ngeia in hmu kha.

DÂN PAHNINA 29:4

Nisienlakhawm, Lalpain vawisûn chen hin hriet thiemna lungril dâm, hmu theina mit dâm, hriet theina nakâwr dâm a la pêk naw cheu a nih.

DÂN PAHNINA 31:20

An pi le puhai kuoma inkhâma ka tiem, nênetui le khuoizua luong rama chun ka ṭhuoi a, fa le dâwna an um a, an tlaia an hung thâu pha meu chun pathien danghai kuom tieng nghâng an ta, an rawnghai bâwl an ta, mi hmusit an ta, ka thuthlunghai bâwsieng an tih.

DÂN PAHNINA 32:15

“Jakobin khawptakin a fâk a, Jesurun chu a hung hausa a, a hung hel ta a. A hung thâu a, a hung inchawm a, a hung nâm ta a; A siemtu Pathien a nghatsan a, A sandamna Lungpui chu a ngainêp a.