ISAI 59:9 - Pathien Lekhabu Inthieng (BSI)

⁹ Chuleiin, rorêlna chu einia in- thawka hlatakah a um hlak a, felna chun a mi hnawt phâk ngai bawk nawh: var ei nghâk hlak a, nisienlakhawm, ngai ta, inthim a hung ni hlak; varna ei nghâk hlak a, nisienlakhawm, inthim mupa bawk ei fe hlak.

ISAI 59:9 ပူးပေါင်းရင်းမြစ်များ

JOB LEKHABU (THE BOOK OF JOB) 19:8

Ka suok thei nawna dingin ka lampui chu ân huon a, Ka lampuiahai chun inthimna chu a sie tah a nih.

JOB LEKHABU (THE BOOK OF JOB) 30:26

Thil ṭha ka zawng laiin, thil ṭha naw a hung tlung a; Var ka nghâk zing laiin, inthimna a hung tlung bawk a.

INPÂKNA HLABU 82:5

An hriet naw a hrietthiemna an nei bawk nawh; In thima chun an inlawn an inlawn a; Leihnuoi innghatna po po chu ân hnîng ta vawng a.

THUVARHAI 4:19

Mi khawhlohai lampui chu inthimna ang a na, Ieng âm an insui ti khawm an hriet nawh.

ISAI 5:30

Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lunginzingna ruok nîng a tih, var hlak chu chutaka sûmahai chun sukthimin a um a.

ISAI 59:11

Savawmhai angin ei rêngin ei inhûk dur dur hlak a; vaṭhuhai angin nasatakin ei in ṭuk rût rût hlak; rorêlna ei nghâk hlak a, nisienlakhawm, a um dêr si naw a; sandamna ei nghâk hlak a, nisienlakhawm, einia inthawka hlatakah a um hlak.

ISAI 59:14

Chuongchun, rorêlna chun hnungtieng a mîn nghatsan a, felna chun hlatakah a mi ngîrsan tah; thutak chu kawtthlêra chun a tlu zing si a, indikna hlak chu a lût thei naw a.

ISAI 59:8

Lungmuongna lampui an hriet naw a; an fenaahai chun indikna hrim hrim a um nawh; an ta dingin lampui kâwihai an siem a; chutaka fe taphawthai chun lungmuongna an hriet ngai nawh.

ISAI 8:21

Lunginzîngtak le phîngṭâm pumin ram chu fang an ta, an phîng a ṭâm pha chun an lung chu sen êm êm a ta, an lal le an Pathien chu ṭawngsie inphur bawr bawr an ta, vân tieng dâk rak rak an tih;

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung naw a; sukdamna ding huna khawm chun lunginzîngna hmu a nih!

JEREMIA 8:15

Thlamuongna ding ei enkai hlak a, nisienlakhawm, thil ṭha hrim a hung tlung naw a; sukdamna ding huna dâm chun, ngai ta, beidawngna lem!

ṬAP HLA 3:2

Ama chun a mi ṭhuoi a, varah ni lovin, inthimah a mîn lâwntir a.

ṬAP HLA 4:14

Kawtthlêrhaia chun mitdel angin an invâk a, thisenin an pawrche a, Chuleiin, mi tukhawma an silfênhai chu an them thei nawh.

AMOS 8:9

Chun, Lalpa Pathien chun a hril a, Chu nia chun, sûn changlai nisa intlâktir ka ta, nisa sat lai chun hnuoi chu sukthim ka tih.

MIKA 1:12

Maroth mi chun chanṭha chang a nghâkhla hlie hlie el a, Lalpa kuoma inthawka thil ṭha naw chu Jerusalem kawtkhâr bul chena a hung tlung thlâk leiin.

HABAKKUK 1:13

Nang chu suolna hmûna hlak nêka mit inthieng lem nei i na, Khawhlona chu i en thei naw a nih, Chuleiin, khawhlotaka thawtuhai chu hmu zingin, Mi rilovin ama nêka mi fel lem a lem zo lai khawmin, Iengdinga i tosan ṭawk ṭawk am?

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.